रोमी 8:13 - कोन्छ्‌योककी सुङ

¹³ दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

रोमी 8:13 Iomraidhean Croise

रोमी 6:21

ती पेला ख्‍यिरा क्‍यावु लाकातिवा नेसुर काङ ङ्‍येसुङ? तन्‍दा नासाम तोङ्‍गुप पेला छासे ङोछा लङ्‍गुप लाका मेलोवा तिराङ क्‍यासुङ। ती तेरी लाकातिवी छ्‍येर्पा ति शेप यिन।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

रोमी 7:5

तोङ्‍ला दाक्‍पु दिक्‍पी ओङला मिजी क्‍योङ्‍यिन वोतुप पेला ठिम नेसुर दाक्‍पुला लाका मेलोवा कितुप नासाम वानी तीकी दाक्‍पुला ज्‍युक्‍ला शि ज्‍यितुप दिक्‍पा कि च्‍यिसुङ।

रोमी 8:12

तुक क्‍यानी अच्‍युनुपतिवा, कोन्‍छ्‍योककी थु चाङ्‍माकी दाक्‍पुला सुङ्‍गुप दोके क्‍यानी दाक्‍पी मिजी क्‍योङ गोकिवी, दिक्‍पाकी ओङला सेम नोजु क्‍यानी मिजी क्‍योङ्‍गुप मेवी।

१ कोरिन्‍थी 9:27

ङ ङे जुला छासे दुक्‍पा वोसिनाङ चिर्मु चेपला तालिम कितुप मी दोके क्‍यानी डेकला देतिन। मिसियाङ मी यम्‍बाला लेन ल्‍यामु ख्‍याप्‍टाक क्‍यासिमा ङ ति छ्‍यक्‍तक थोपुपला फम्‍बुप मी दोके च्‍युङ्‍गिवी।

गलाती 5:24

सु येशू ख्रीष्‍टकी सुङला युकिवे, तीकी दिक्‍पाकी किताङ नालु ताङ नोवातिवा खोरो जु ताङ मुला राङ ग्‍यङ्‍शिङला कल वे।

गलाती 6:8

तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

एफिसी 4:30

तमा कोन्‍छ्‌योककी थु चाङ्‍माला सेम्‍दुक मालोङ, ती थु चाङ्‍माकी राङ ख्‍यिराङला दिक्‍पा ने थर ज्‍यितुप तुजे मालेपा सेक्‍ला ख्‍यिराङ खोकी ति यिन सिनी त ग्‍यप्‍नी वे।

एफिसी 5:18

छ्‌याङ आराक थुनी जिनी रङगी जुला ना मातोङ, यिने खोकी थु चाङ्‍माकी क्‍येङ्‍नी देता।

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।