रोमी 8:11 - कोन्छ्‌योककी सुङ

¹¹ दोजो येशूला शेप ने ङोसु लोङ्‍गुप कोन्‍छ्‍योककी थु चाङ्‍मा ति ख्‍यिरा मिजीला ज्‍यु वोसुङ सिसिन, येशूला शेप ने ङोसु लोङ्‍गुप कोन्‍छ्‍योककी ख्‍यिरा मुला ज्‍यु वोतुप खोकी थु चाङ्‍मा नेमा ख्‍यिरा शेप जु साङ सेन्‍बु लोङ्‍गिवी।

रोमी 8:11 Iomraidhean Croise

यूहन्‍ना 14:17

खो ति कोन्‍छ्‍योककी थु टेङ्‍बु यिन। जम्‍बुलिङकी मीतिवी खोला सेमला मिलिङ्‍गिवी, च्‍यिलासिसिन तिवी खोला थोङ्‍गुप साङ मोथोङ्‍गिवी, ङो साङ मेशेवी। यिने ख्‍यिरा याङ खोला ङो शेकिवी। च्‍यिलासिसिन खो ख्‍यिरा मुला वे, तमा खो ख्‍यिरा सेमला ज्‍युकिवी।

यूहन्‍ना 5:21

पपी शेपतिवाला सेन्‍बु लङ च्‍यिनी तिवाला नाम्‍साङ मिशिवु मिजी नङ्‍गुप दोके खोकी पुज्‍युङकी साङ सुला मिजी तेरुप नोवा नोके, तीला नाम्‍साङ मिशिवु मिजी तेर्किवी।

लोमा छ्‍येतिवी लाका 2:24

येशूकी छेटाङ बङी खुर्नी टुङ्‍सिनाङ कोन्‍छ्‍योककी खोला टुङ्‍गुप ने ङोसु लाङ्‍सुङ। च्‍यिलासिसिन खो शेप ति शितोक दे मुथुपी।

रोमी 16:10

तमा येशू ख्रीष्‍टला तेपा रम्‍बु वोतुप पङ्‍बु तेरुप मी अपेल्‍लेस ताङ अरिस्‍तोबुलसकी खाङ्‍बी मिछाङतिवाला साङ टसी देलेक वोतो सिनी सिसा।

रोमी 16:3

ख्रीष्‍ट येशूकी कोर्ला ङे मुला राङ शब्‍ज्‍यी कितुप ङे दाल्‍जा प्रिस्‍का ताङ अकिलासला साङ टसी देलेक वोतो।

रोमी 16:7

ङे मुला चोन्‍खाङला शोरुप ङे नाङ्‍बा एन्‍ड्रोनिकस ताङ युनियसला साङ टसी देलेक वोतो सिनी सिसा। च्‍यिलासिसिन तिवा लोमा छ्‍येतिवी पर्ला मिङ थोपुप ताङ ङ सिनाङ गोमाला येशूला तेपा कितुप मीतिवा यिनो।

रोमी 16:9

तमा ख्रीष्‍ट येशूकी कोर्ला ङे मुला राङ शब्‍ज्‍यी कितुप उर्बानस ताङ ङे ङ्‍यिङ्‍ज्‍येवु दाल्‍जा स्‍ताखुसला साङ टसी देलेक वोतो सिनी सिसा।

रोमी 6:12

ती तप्‍की तफेन्‍ला ख्‍यिरा शिनी डोप जु ति दिक्‍पी ओङला ख्‍येल माज्‍यी, ख्‍यिरा मिजीला ख्‍यिरा जुकी सेम मेलोवाकी ग्‍येला कि माज्‍यी।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

रोमी 8:12

तुक क्‍यानी अच्‍युनुपतिवा, कोन्‍छ्‍योककी थु चाङ्‍माकी दाक्‍पुला सुङ्‍गुप दोके क्‍यानी दाक्‍पी मिजी क्‍योङ गोकिवी, दिक्‍पाकी ओङला सेम नोजु क्‍यानी मिजी क्‍योङ्‍गुप मेवी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

रोमी 8:9

यिने कोन्‍छ्‍योककी थु चाङ्‍मा ख्‍यिरा मिजीला वोसिन ख्‍यिराङ दिक्‍पाकी ओङला देतुप मिन, कोन्‍छ्‍योककी थु चाङ्‍माकी ओङला मिजी क्‍योङ्‍गुप यिन। तुक क्‍यानी सी मुला ख्रीष्‍टकी थु मेवे, ती ति ख्रीष्‍टकी मी मिन।

१ कोरिन्‍थी 15:16

दोजो शेपतिवा सेन्‍बु मालावु यिन्‍सियाङ कोन्‍छ्‍योककी ख्रीष्‍टला साङ ङोसु मालङ्‍गुप यिन्‍जा।

१ कोरिन्‍थी 6:14

कोन्‍छ्‍योककी खोरे ओङ नेमा राङ चोवो येशूला टुङ्‍नी ङोसु लाङ्‍सुङ। तुक क्‍यानी दाक्‍पुला साङ खोकी ओङ नेमा शेप ने सेन्‍बु लोङ्‍गिवी।

२ कोरिन्थी 4:11

वुतुङ के ङ्‍यिरा दी शिनी डोप मिजीला येशूकी मिजी थोङ्‍शी सिनी ङ्‍यिराङ माशिवा सेक नरी खोकी थोक्‍ला शेपला ख्‍येल्‍गिवी।

२ कोरिन्थी 4:14

ङ्‍यिराङला छ्‍या वे, चोवो येशूला शेप ने ङोसु लोङ्‍गुप कोन्‍छ्‍योककी ङ्‍यिराङला साङ खो ताङ मुला सेन्‍बु लोङ्‍गिवी। तमा ख्‍यिराङ ताङ ङ्‍यिराङ तेरी मुला राङ खोकी चाला टिनी फेप्‍किवी।

२ कोरिन्थी 5:4

दाक्‍पु दी जम्‍बुलिङकी खाङ्‍बाला मिजी क्‍योङ्‍गुप पेला पप क्‍यानी ङ्‍येन्‍बी सोक तोङ्‍गिवी। ती ति जम्‍बुलिङकी जु ति क्‍युर्नी ज्‍योकुपला मिन, देवाच्‍येनकी जु ङ्‍येतुपला यिन। तुक क्‍यासिन दाक्‍पी शिनी डोप जु ति नाम्‍साङ मिशिवु जु सम्‍बाला फोकिवी।

गलाती 6:8

तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।

एफिसी 2:5

दाक्‍पु दिक्‍पाला शोर्नी शिसिनाङ खोकी कटिन नेमा राङ दाक्‍पुला दिक्‍पा ने थर च्‍यिसुङ।

फिलिप्पी 3:21

खोकी ङारकी राङ जम्‍बुलिङला वोतुप तेरी च्‍यालकतिवा खोकी ओङला ज्‍योक थुप्‍किवी। तमा खोकी ओङ नेमा राङ दाक्‍पी रुलुप जु ति खोकी मोवाला वोतुप जु दोके सम्‍बा फो ज्‍यिकिवी।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 11:11

यिने ङ्‍यिमा सुम ताङ फेका यी ज्‍युक्‍ला कोन्‍छ्‍योक नेमा वावु मिजीकी उ ति तिवी नाङ्‍ला शुसुङ। तमा तिवी काङ्‍बा चुनी लासुङ। ती थोङ्‍सिमा मीतिवा कशेन ज्‍यिवा क्‍यासुङ।