रोमी 8:10 - कोन्छ्‌योककी सुङ

¹⁰ दोजो ख्‍यिरा मिजीला ख्रीष्‍ट येशू वोसिन ख्‍यिरा जु ति दिक्‍पा क्‍यावु तप्‍की शिसिनाङ कोन्‍छ्‍योककी थोङ्‍दाङला टेङ्‍बु वोतुप तप्‍की ख्‍यिरा सेम ति सेन्‍बु लुकिवी।

रोमी 8:10 Iomraidhean Croise

यूहन्‍ना 14:23

तमा येशूकी तीला सुङ्‍सुङ, “सी ङला ङ्‍यिङ्‍ज्‍ये किवे, तीकी ङे सिक्‍यावु ताम्‍ङेला ङ्‍येन्‍गिवी। तमा ङे पपी तीला ङ्‍यिङ्ज्‍ये क्‍या नङ्‍गिवी, तमा ङे पपा ताङ ङ ति तीकी चाला गल्‍नी तीकी मुला राङ देतिनो।

यूहन्‍ना 15:5

ङ ति गुन्‍डुम दोङ्‍बु यिन, ख्‍यिराङ ति तीकी येल्‍का यिन। सु ङे मुला देकिवे, तमा ङ तीकी मुला देसिन तीकी डेलु बङी गोर्किवी। ङ नेसुर क्‍येङ्‍सु गल्‍सिन ख्‍यिरा काङ साङ कि मुथुपी।

यूहन्‍ना 17:23

ङ तिवी मुला वोतुप ताङ पपा ङे मुला वोतुप ति तिवा तेरी च्‍यिक राङ च्‍युङ्‍गुपला यिन। तमा ती ति पपी ङला तङ्‍गुप ताङ पपी ङला ङ्‍यिङ्‍ज्‍ये क्‍या नङ्‍गुप दोके तिवाला साङ ङ्‍यिङ्‍ज्‍ये क्‍या नङ्‍गिवी सिरुप ति जम्‍बुलिङकी मीतिवाला हाक्‍को ज्‍यितुपला यिन।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 6:54

ङे जु साप ताङ ङे ठक थुङ्‍गुपतिवाला ति नाम्‍साङ मिशिवु मिजी थोप्‍किवी, तमा जम्‍बुलिङकी तिङ्‍मी तुजेला तिवाला ङ शेप ने सेन्‍बु लोङ्‍यिन।

यूहन्‍ना 6:56

ङे जु साप ताङ ङे ठक थुङ्‍गुप तीकी ङे मुला देकिवी, तमा ङ साङ तीकी मुला देतिन।

रोमी 5:12

तुक क्‍यानी मी च्‍यिककी दिक्‍पा क्‍यावु तप्‍की दी जम्‍बुलिङला दिक्‍पा वानी ती दिक्‍पाकी जोसालेन्‍सिन मी ति शेपला ख्‍येल्‍सुङ। ती दोके तेरी मीतिवी दिक्‍पा क्‍यावु तप्‍की शेप ति तेरी मीतिवा खला ख्‍येल्‍सुङ।

रोमी 5:21

तुक क्‍यानी दिक्‍पाकी जोसालेन्‍सिन मीतिवा तेरीकी खला शेपकी ग्‍येला कितुप दोके कोन्‍छ्‍योककी कटिन साङ टेङ्‍बु वोतुप नेसुर ग्‍येला किवी। तमा दाक्‍पी चोवो येशू ख्रीष्‍ट नेमा दाक्‍पुला नाम्‍साङ मिशिवु मिजी नङ्‍गिवी।

रोमी 8:11

दोजो येशूला शेप ने ङोसु लोङ्‍गुप कोन्‍छ्‍योककी थु चाङ्‍मा ति ख्‍यिरा मिजीला ज्‍यु वोसुङ सिसिन, येशूला शेप ने ङोसु लोङ्‍गुप कोन्‍छ्‍योककी ख्‍यिरा मुला ज्‍यु वोतुप खोकी थु चाङ्‍मा नेमा ख्‍यिरा शेप जु साङ सेन्‍बु लोङ्‍गिवी।

१ कोरिन्‍थी 15:45

ती तप्‍की कोन्‍छ्‍योककी सुङला “थल्‍माकी मी आदम ति सेन्‍बु वोतुप मी च्‍युङ्‍सुङ।” सिनी टि वे, यिने तिङ्‍मी आदम यिन्‍दुप ख्रीष्‍ट ति मिजी नङ्‍गुप थु च्‍युङ्‍सुङ।

२ कोरिन्थी 13:5

ख्‍यिराङ तेपा रम्‍बु वोताङ मे ख्‍यिरा राङ नासाम तोङ, तमा ल्‍यामो क्‍यानी ल्हो। तमा ख्रीष्‍ट ख्‍यिरा मिजीला ज्‍यु वोताङ मे सिरुप ति हाक्‍कोकिवी। ख्रीष्‍ट ख्‍यिरा मिजीला मेसुङ सिसिन ख्‍यिरा तेपा क्‍यावु ति काङ साङ फेन मोथोवु डिवी।

२ कोरिन्थी 4:11

वुतुङ के ङ्‍यिरा दी शिनी डोप मिजीला येशूकी मिजी थोङ्‍शी सिनी ङ्‍यिराङ माशिवा सेक नरी खोकी थोक्‍ला शेपला ख्‍येल्‍गिवी।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

एफिसी 3:17

तमा ख्‍यिरा क्‍यावु तेपा नेसुर ख्रीष्‍ट ख्‍यिरा सेमला ज्‍युशी। ख्‍यिरा च्‍यिककी च्‍यिकला कितुप ङ्‍यिङ्‍ज्‍ये ति दोङ्‍बी मर क्‍यङ्‍गुप दोके रम्‍बु च्‍युङ्‍शी।

फिलिप्पी 1:23

तुक क्‍यानी ङ काङ कितुप काङ कितुप गल वे। ङला याङ जम्‍बुलिङ क्‍युर ज्‍याक्‍नी ख्रीष्‍टकी चिप्‍ला राङ देतुप नो वे। ङला ती राङ ल्‍यामु यिन।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।

१ थेसलोनिकी 4:16

च्‍यिलासिसिन चोवो फेपुप पेला क नङ्‍गुप थोर ग्‍येर्पु ताङ देवाच्‍येनकी लेन क्‍योलुप थु छ्‍येकी वोरु ताङ कोन्‍छ्‍योककी ग्‍यङ्‍डा तोङ्‍गुप वोरु ताङ मुला देवाच्‍येन नेमा पाप्‍नी फेप्‍किवी। तमा ख्रीष्‍टला तेपा क्‍यानी शेपतिवा ति गोमाला के सेन्‍बु लङ्‍गिवी।

हिब्रू 12:23

तमा ख्‍यिराङ याङ गोमाला क्‍येवु पुज्‍युङ दोके वोतुप तेपा कितुप मीतिवा तेरी जोम्‍बुप चर्चला वानी वे। तिवी मिङ तेरी ति देवाच्‍येनला टिनी ज्‍याङ वे। तमा ख्‍यिराङ याङ तेरी मीतिवाला ठिम क्‍या नङ्‍गुप कोन्‍छ्‍योक ताङ खोकी खोरे मोवा वोतुप दोके क्‍यानी टेङ्‍बु जोवु मीतिवी थुतिवा वोतुप दासाला वानी वे।

हिब्रू 9:27

मी ति थेङ्‍मा च्‍यिक वुतुङ के शिवी, शिसिमा तीला कोन्‍छ्‍योककी ठिम फोकिवी।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”