रोमी 7:9 - कोन्छ्‌योककी सुङ

⁹ गोमाला ठिम मेतुप पेला ङ सेन्‍बु राङ वोतुप्‍जा, यिने कोन्‍छ्‍योककी क वासिमा दिक्‍पा काङ यिन सिरुप ताङ ङ दिक्‍छेन यिन सिरुप ति ङे हाक्‍कोसुङ। तुक क्‍यानी ङ ति दिक्‍पाला शोर्नी शेपला ख्‍येल्‍सुङ।

रोमी 7:9 Iomraidhean Croise

मत्ती 19:20

खोकी तुक सुङ्‍सिमा ती ख्‍योक्‍पेजा नाज्‍युङ तीकी येशूला “दिवा याङ तेरी ङे ङ्‍येन वे। तरोङ साङ ङे ङ्‍येन गोवु ति काङ वे?” सिनी सिक्‍यासुङ।

लूका 15:29

यिने तीकी पपा तीला सिक्‍यासुङ, ‘लो दोजोयी सेक ङे पाली शब्‍ज्‍यी क्‍या देतिन, तमा पाली काङ सुङ्‍गुप ति ङे तेरी ङ्‍येनिन। यिने पाली ङला ङे दाल्‍जातिवी मुला गा कितुपला रेरुक च्‍यिक साङ मनङ वे।

लूका 18:21

तमा तीकी सिक्‍यासुङ, “ती तेरी कतिवा याङ ङ टिक्‍पे वोतुप पेला नेज्‍युन तेरी तेन वे।”

रोमी 10:5

ठिमला ङ्‍येन्‍नी कोन्‍छ्‍योककी थोङ्‍दाङला टेङ्‍बु ङ्‍येतुपकी कोर्ला ठिमकी थेप नाङ्‍ला मोशाकी “ठिमला ङ्‍येन्‍दुप मीतिवा ति ती ठिम ङ्‍येन्‍दुप नेसुर मिजी क्‍योङ्‍गिवी।” सिनी टि वे।

रोमी 7:10

तमा कोन्‍छ्‍योककी मिजी तेरुपला थाक्‍छ्‍येन नङ्‍गुप क वासिमा ङ ति शेपला ख्‍येलुप यिन सिनी ङे हाक्‍कोसुङ।

रोमी 7:11

तमा ती कोन्‍छ्‍योककी नङ्‍गुप क नेसुर राङ दिक्‍पाकी च्‍यु ल्हानी ङला जिनोक जोसिमा ङला सेसुङ।

रोमी 7:4

ती तप्‍की अच्‍युनुपतिवा, ख्‍यिराङ ख्रीष्‍ट ताङ मुला ठिमकी थोक्‍ला साङ शिसुङ। तुक क्‍यानी ख्‍यिराङ साङ ठिमकी ओङ नेसुर थर्नी शेप नेसुर ङोसु लावु ख्रीष्‍टकी मुला च्‍यिक्‍पा राङ च्‍युङ वे। तुक क्‍यानी ख्‍यिराङ डेलु गरुप दोके कोन्‍छ्‍योककी थोक्‍ला लाका ल्‍यामु कि गोकिवी।

रोमी 7:6

यिने त याङ दाक्‍पु ठिमकी थोक्‍ला शिनी ठिमकी ओङ ने थर्नी वे। तुक क्‍यानी तन्‍दा दाक्‍पु ठिमकी थेप नाङ्‍ला टि वोतुप दोके किताङ नालु ङ्‍यिङ्‍बा मिन, कोन्‍छ्‍योककी थु चाङ्‍माकी सुङ्‍गुप किताङ नालु सम्‍बा क्‍यानी कोन्‍छ्‍योकला शब्‍ज्‍यी बुल्‍गिवी।

रोमी 7:8

यिने ठिमकी नाङ्‍ला वोतुप कोन्‍छ्‍योककी कला देर्पा माकी सिनी सिमाक्‍यावु पेला च्‍यु ल्हानी ङला तेरी परकी देर्पा कितुप नासामतिवा शार्सुङ। तुक क्‍यानी ठिम मेतुप यिन्‍सिन दिक्‍पा ति शेप यिन।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

गलाती 2:19

कोन्‍छ्‍योककी थोक्‍ला ङ सेन्‍बु लु थुप्‍शी सिनी ठिमकी थोक्‍ला ङ शिनी वे।

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”