रोमी 7:7 - कोन्छ्‌योककी सुङ

⁷ त ङ्‍यिराङ काङ सिरुप? काङ ठिम ति दिक्‍पा यिन रो? तुकै मिन। दोजो मोशाकी ठिम मेतुप यिन्‍सिन दिक्‍पा काङ यिन सिरुप ति ङला हाक्‍मोकोवी। ठिमकी थेप नाङ्‍ला ख्‍युरुङ देर्पा माकी सिनी सिमाक्‍यावु यिन्‍सिन देर्पा काङ यिन सिरुप ति ङला हाक्‍मोकोवुजा।

रोमी 7:7 Iomraidhean Croise

मत्ती 5:28

यिने ङ ख्‍यिराङला सिरिन। सी पुम्‍पेजाला शम्‍डेन कितुप नोनी ल्‍हेवे, तीकी गोमाला के खोरो सेमला शम्‍डेन क्‍यावु यिन।

लूका 12:15

तमा खोकी ते वोतुप मी तेरीला सुङ्‍सुङ, “च्‍याङ्‍से देता, ख्‍यिराङ तेरी परकी देर्पा नेमा कुतुक दे। खोरो टोङ्‍बा छासे बङी वोसिनाङ मीकी मिजी ति ती टोङ्‍बी मुला मुलुवी।”

लूका 20:16

ती ति वानी पिज्‍यिङ्‍बातिवाला सेकिवी, तमा गुन्‍डुम शिङ ति यम्‍बा पिज्‍यिङ्‍बातिवाला राङ तोङ्‍गिवी।” ती थोनी मीतिवी सिक्‍यासुङ, “दुकै याङ नाम्‍साङ मेङ्‍शी।”

लोमा छ्‍येतिवी लाका 20:33

मी ज्‍येनकी सेर ङुल ताङ कोन्‍दुप मज्‍याला ङे नाम्‍साङ देर्पा माक्‍या।

रोमी 13:9

ति ठिम नाङ्‍ला “ख्‍योरो शम्‍डेन माकी, मी मासे, कुन माकी, देर्पा माकी।” सिनी टिवु कतिवा ताङ यम्‍बा कतिवा तेरीकी खक्‍छ्‍येवु तेन्‍दोक ति “रङगी युल्‍वातिवाला रङला दोके ङ्‍यिङ्‍ज्‍ये की।” सिक्‍यावु क ताङ मुला च्‍यिक्‍पा राङ वे।

रोमी 3:20

तुक क्‍यानी मोशाकी ठिमला वोतुप लाकातिवा तिराङ क्‍यानी मी सु साङ कोन्‍छ्‍योककी थोङ्‍दाङला टेङ्‍बु मेङ्‍येवी, च्‍यिलासिसिन मोशाकी ठिम नेसुर दाक्‍पी दिक्‍पाकी कोर्ला तिराङ हाक्‍कोकिवी।

रोमी 3:5

दोजो दाक्‍पी दिक्‍पा क्‍यासिमा कोन्‍छ्‍योक ति टेङ्‍बु वोतुप कोन्‍छ्‍योक यिन सिरुप ति हाक्‍कोकिवी सिसिन दाक्‍पु काङ सिरुप? दाक्‍पुला पर्च्या तोङ्‍गुप कोन्‍छ्‍योक ति मेटेङ्‍बु यिन रो? माङ्‍शोक मीतिवी तुकै राङ नासाम तोङ्‍गिवी।

रोमी 4:1

तुक क्‍यानी दाक्‍पी हङ्‍गावा अब्राहाम ति कोन्‍छ्‍योककी थोङ्‍दाङला टेङ्‍बु वोतुप कोर्ला काङ हाक्‍कोसुङ?

रोमी 4:15

च्‍यिलासिसिन मोशाकी ठिमला वोतुप कतिवा मेङ्‍येन्‍दुपतिवा कोन्‍छ्‍योककी पर्च्याला ख्‍येल्‍गिवी, यिने ठिम मेतुप यिन्‍सिन ठिमला मेङ्‍येन्‍दुप साङ मेवी।

रोमी 5:20

मोशाकी ठिम ति जम्‍बुलिङला वावु दुक्‍चे क्‍येनतिवा बङी फेलुपला यिन। यिन्‍सिनाङ दिक्‍पा बङी फेलुप तप्‍की कोन्‍छ्‍योककी कटिन साङ मङ फेल्‍सुङ।

रोमी 6:15

तुकै यिन्‍सिन काङ कि गोकिवी? त दाक्‍पु ठिमकी ओङला मेनी कटिनकी ओङला वे। तुक क्‍यानी येलुङ दिक्‍पा राङ कितुप्‍जा? तुकै ति मिन।

रोमी 7:11

तमा ती कोन्‍छ्‍योककी नङ्‍गुप क नेसुर राङ दिक्‍पाकी च्‍यु ल्हानी ङला जिनोक जोसिमा ङला सेसुङ।

रोमी 7:13

काङ तुकै यिन्‍सिन ती ल्‍यामु वोतुप तीकी ङला सेतुप यिन रो? तुकै मिन। दिक्‍पा काङ यिन सिरुप ति छ्‍या देन्‍दुपला दिक्‍पाकी ल्‍यामु वोतुप ठिम थ्‍वोनी ङला सेतुप यिन। तुक क्‍यानी ठिमकी क नेसुर दिक्‍पा ति मङ मेलोवा वोतुप च्‍युङ्‍सुङ।

रोमी 7:5

तोङ्‍ला दाक्‍पु दिक्‍पी ओङला मिजी क्‍योङ्‍यिन वोतुप पेला ठिम नेसुर दाक्‍पुला लाका मेलोवा कितुप नासाम वानी तीकी दाक्‍पुला ज्‍युक्‍ला शि ज्‍यितुप दिक्‍पा कि च्‍यिसुङ।

रोमी 7:8

यिने ठिमकी नाङ्‍ला वोतुप कोन्‍छ्‍योककी कला देर्पा माकी सिनी सिमाक्‍यावु पेला च्‍यु ल्हानी ङला तेरी परकी देर्पा कितुप नासामतिवा शार्सुङ। तुक क्‍यानी ठिम मेतुप यिन्‍सिन दिक्‍पा ति शेप यिन।

१ कोरिन्‍थी 15:56

शेपकी ना तोङ्‍गुप ओङ ति दिक्‍पा यिन। तमा दिक्‍पाकी ओङ ति मोशाकी बिन्‍दुप ठिम यिन।

एफिसी 5:3

यिने ख्‍यिरा पर्ला शम्‍डेन कितुप ताङ तेरी परकी लाका मेटेङ्‍बु कितुप ताङ देर्पा कितुप लाकातिवा क्‍युर। च्‍यिलासिसिन तुका लाकातिवा कोन्‍छ्‌योकला तेपा कितुप मीतिवी कितुप पोमु मेङ्‍गिवी।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

१ थेसलोनिकी 4:5

कोन्‍छ्‍योकला ङो माशेवु मिरिक यम्‍बातिवा दोके शम्‍डेन माकी सिनी सिक्‍यावु यिन।

हिब्रू 7:19

च्‍यिलासिसिन ती ठिमकी सुला साङ कोन्‍छ्‍योककी थोङ्‍दाङला टेङ्‍बु जो माथुप। तुक क्‍यानी तीकी छापला कोन्‍छ्‍योककी दाक्‍पुला मङ ल्‍यामु रेवा च्‍यिक नङ वे। ती रेवाकी दाक्‍पुला कोन्‍छ्‍योककी चाला क्‍योल्‍गिवी।