रोमी 7:4 - कोन्छ्‌योककी सुङ

⁴ ती तप्‍की अच्‍युनुपतिवा, ख्‍यिराङ ख्रीष्‍ट ताङ मुला ठिमकी थोक्‍ला साङ शिसुङ। तुक क्‍यानी ख्‍यिराङ साङ ठिमकी ओङ नेसुर थर्नी शेप नेसुर ङोसु लावु ख्रीष्‍टकी मुला च्‍यिक्‍पा राङ च्‍युङ वे। तुक क्‍यानी ख्‍यिराङ डेलु गरुप दोके कोन्‍छ्‍योककी थोक्‍ला लाका ल्‍यामु कि गोकिवी।

रोमी 7:4 Iomraidhean Croise

मत्ती 26:26

खोतिवा डेन शेयी वोतुप पेला येशूकी शुब्‍ज्‍याङ लानी कोन्‍छ्‍योकला थुचिछे पुल्‍सिमा ती शुब्‍ज्‍याङ ति च्‍याक्‍सुङ। तमा लोमातिवाला तेरिन सिरा दुक सुङ्‍सुङ, “लानी सो, दी ति ङे जु यिन।”

मर्कूस 4:20

यिने स ल्‍यामुला ख्‍येलुप सेन ति दुका मीतिवा दोके यिन। तीकी सुङ थोनी सेमला ज्‍याक्‍नी ललाइला दोम्‍बा खल सुम ताङ ललाइला दोम्‍बा खाल टुक ताङ ललाइला दोम्‍बा सयी डुमा ग्‍यकिवी।”

यूहन्‍ना 15:8

ख्‍यिराङ डेलु बङी गर्नी ङे लोमातिवा यिन्‍दुप छ्‍या तेन्‍सिन ती ति ङे पपाला मोवा वुङ्‍गिवी।

यूहन्‍ना 3:29

नमाला जेन्‍दी कितुप ति माक्‍पा यिन, यिने माक्‍पी क्‍योल्‍मिन ति माक्‍पी चाला लान देनी माक्‍पी वोरु थोसिमा छासे गा किवी। तुक राङ क्‍यानी ङला छासे गा ला वे।

यूहन्‍ना 6:51

ङ ति देवाच्‍येन नेमा पाम वोवु सेन्‍बु वोतुप शुब्‍ज्‍याङ यिन। सी दी शुब्‍ज्‍याङ सेवे, तिवा नाम्‍साङ मिशिवी। ती शुब्‍ज्‍याङ ति ङे जु यिन, तमा ती जुकी जम्‍बुलिङकी मीतिवा तेरीला मिजी तेर्किवी।”

रोमी 6:11

तुक राङ क्‍यानी ख्‍यिराङ साङ दाक दाक्‍पी दिक्‍पी थोक्‍ला शेप यिन, यिने त याङ येशू ख्रीष्‍ट ताङ मुला राङ कोन्‍छ्‍योककी थोक्‍ला सेन्‍बु लावु यिन सिनी नासाम तोङ गोकिवी।

रोमी 6:14

तुक क्‍यासिन दिक्‍पाकी ख्‍यिरा मिजीला ग्‍येला मिकिवी, च्‍यिलासिसिन ख्‍यिराङ ठिमकी ओङला मिन, कोन्‍छ्‍योककी नङ्‍गुप कटिनकी ओङला वे।

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

रोमी 6:22

यिने त याङ ख्‍यिराङ दिक्‍पा ने थर्नी कोन्‍छ्‍योककी थोक्‍ला शब्‍ज्‍यी कितुप च्‍युङ्‍गुप तप्‍की ख्‍यिराङ कोन्‍छ्‍योककी थोङ्‍दाङला टेङ्‍बु ङ्‍येनी ख्‍यिराङला नाम्‍साङ मिशिवु मिजी थोप्‍नी वे।

रोमी 7:3

तुक क्‍यानी ख्‍योवा माशि वोतुप पेला राङ तीकी मी यम्‍बी मुला जेन्‍दी क्‍यासिन तीकी शम्‍डेन क्‍यावु यिन, यिने ख्‍योवा शिसिमा मी यम्‍बी मुला जेन्‍दी क्‍यासिन ख्‍योवी ओङ नेसुर थरुप तप्‍की तीकी शम्‍डेन क्‍यावु मिन।

रोमी 7:6

यिने त याङ दाक्‍पु ठिमकी थोक्‍ला शिनी ठिमकी ओङ ने थर्नी वे। तुक क्‍यानी तन्‍दा दाक्‍पु ठिमकी थेप नाङ्‍ला टि वोतुप दोके किताङ नालु ङ्‍यिङ्‍बा मिन, कोन्‍छ्‍योककी थु चाङ्‍माकी सुङ्‍गुप किताङ नालु सम्‍बा क्‍यानी कोन्‍छ्‍योकला शब्‍ज्‍यी बुल्‍गिवी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 10:16

दाक्‍पु चोवोकी डेन साप पेला दाक्‍पुला मोलाम नङ्‍गुप कोरा नेमा थुनी ख्रीष्‍टकी दाक्‍पी थोक्‍ला तेन्‍दुप ठक नेसुर दाक्‍पु खो ताङ मुला तम्‍जी ल्‍यामु जोवु यिन। तमा शुब्‍ज्‍याङ च्‍याक्‍नी साप ति ख्रीष्‍टकी दाक्‍पी थोक्‍ला टुङ्‍गुप जु नेसुर दाक्‍पु खो ताङ मुला तम्‍जी ल्‍यामु जोवु तेन्‍दोक यिन।

२ कोरिन्थी 11:2

ङ ति कोन्‍छ्‍योककी ख्‍यिराङला पप क्‍यावु दोके ख्‍यिरा थोक्‍ला छासे पप क्‍यानी ल्‍हटे किवी। च्‍यिलासिसिन ङे ख्‍यिराङला ख्रीष्‍टकी मुला जेन्‍दी कितुपला पुम्‍पेजा चाङ्‍मा दोके लङ्‍गुप यिनो। तमा ख्रीष्‍ट ति च्‍यिक राङ वोतुप ख्‍यिरा ख्‍योवा यिन।

गलाती 3:13

ख्रीष्‍टकी ग्‍यङ्‍शिङला कल्‍नी दाक्‍पी थोक्‍ला पर्च्या खुर्नी दाक्‍पुला मोशाकी ठिम तेरी मातेन्‍नी वुङ्‍गुप पर्च्या ने र्‍होक्‍सुङ। च्‍यिलासिसिन ग्‍यङ्‍शिङला कलुप ति तेरी पर्च्या फोकुप यिन सिनी सुङला टि वे।

गलाती 5:18

ख्‍यिराङ थु चाङ्‍माकी ओङला युसुङ सिसिन ठिमकी ओङला मे।

एफिसी 2:15

तमा यहूदीतिवी छ्‌यो नाङ्‍ला वोतुप तेरी लुक्‍सुतिवा ना तङ्‍नी खो नेसुर यहूदी ताङ यहूदी मिन्‍दुप मिरिक यम्‍बा ङ्‍यिकरला लोदिमु वोतुप मी सम्‍बा जो नाङ्‍सुङ।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 4:17

ङला बुल्‍वा गोकिवी सिक्‍यावु मिन, यिने कोन्‍छ्‍योककी ख्‍यिराङला मोलाम नङ्‍गुप ति ल्हाप नोनी ङे ती ताम्‍ङे सिक्‍यावु यिन।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

कलस्सी 1:22

यिने त याङ खोकी थोङ्‍दाङला चाङ्‍मा ताङ मडी मेतुप ताङ क्‍येन मेतुप जोपला येशू ख्रीष्‍ट टुङ्‍नी खोकी ख्‍यिराङ ताङ मुला डिक्‍सुङ।

कलस्सी 1:6

ती लेन ल्‍यामु ति ख्‍यिरा ते वा वे। तमा ती ति तेरी जम्‍बुलिङला फेल्‍नी डोयी वे। ती दोके क्‍यानी ख्‍यिरा कोन्‍छ्‍योककी टेङ्‍बु वोतुप कटिनकी ताम्‍ङे थोनी हाक्‍कोवु पेला नेज्‍युनी ती लेन ल्‍यामुकी ख्‍यिरा पर्ला लाका कियी वे।

कलस्सी 2:14

तीकी तेन्‍दोक ति खोकी दाक्‍पुला क्‍येन फोकुप दाक्‍पी क्‍यावु दिक्‍पी थोक्‍ला टिवु यिकीतिवा तेरी ख्रीष्‍टकी मुला राङ ग्‍यङ्‍शिङला काँडी दाप्‍नी ना ताङ्‍सुङ।

कलस्सी 2:20

ख्‍यिराङ याङ ख्रीष्‍टकी मुला राङ शिनी दी जम्‍बुलिङला ओङ्‍ज्‍येन क्‍यावु ठिम नेसुर थर्नी वे। यिन्‍सिनाङ च्‍यिला दी जम्‍बुलिङकी ठिमला वोतुप मीतिवी दोके मिजी क्‍योङ्‍गिवी?

हिब्रू 10:10

तुक क्‍यानी ती कोन्‍छ्‍योककी नोवा तेरी छे ज्‍यितुपला राङ येशू ख्रीष्‍ट खुरुङ राङ थेङ्‍मा च्‍यिकला राङ जिन्‍बा च्‍युङ्‍नी दाक्‍पुला टेङ्‍बु जो नाङ्‍सुङ।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

ज्‍यल्‍का 19:7

दाक्‍पु गा ताङ छासे सेम किर्मु क्‍यानी खोला मोवा कितुप। च्‍यिलासिसिन लुक रुककी जेन्‍दीकी तुजे वा वे। खोकी नमा ति टडिक क्‍या वे।

ज्‍यल्‍का 21:9

ती पेला तिङ्‍मी तुजेला ख्‍येलुप छेटाङ दिनकी क्‍येङ्‍गुप कोरा दिन खुरुप देवाच्‍येनकी लेन क्‍योलुप थु मिरा दिन ङे थोङ्‍सुङ। तिवी पर्ला मिरा च्‍यिक ति वानी “शोक, ङ ख्‍युरुङला लुक रुककी पेर्मी यिन्‍दुप खोकी नमा छ्‍या देनिन।” सिनी ङला सिक्‍यासुङ।