रोमी 7:21 - कोन्छ्‌योककी सुङ

²¹ तुक क्‍यानी ङे हाक्‍कोवु खक्‍छ्‍येवु ताम्‍ङे ति काङ यिन सिसिन ङला ल्‍यामु कितुप नासाम वोसिनाङ दुक्‍टा कि ज्‍यितुप डे ति ङे मुला वोतुप यिन।

रोमी 7:21 Iomraidhean Croise

लूका 4:1

येशू कोन्‍छ्‍योककी थु चाङ्‍माकी क्‍येङ्‍नी यर्दन चङ्‍बु नेमा लोक्‍नी फेप्‍सिमा कोन्‍छ्‍योककी थु चाङ्‍माकी राङ खोला दासा पाङ्‍थेरीला टिनी फेप्‍सुङ।

यूहन्‍ना 8:34

तमा येशूकी तिवाला सुङ्‍सुङ, “वुतुङ के ङ ख्‍यिराङला सिरिन, दिक्‍पा कितुप ति दिक्‍पाकी योक्‍पु यिन।

रोमी 6:12

ती तप्‍की तफेन्‍ला ख्‍यिरा शिनी डोप जु ति दिक्‍पी ओङला ख्‍येल माज्‍यी, ख्‍यिरा मिजीला ख्‍यिरा जुकी सेम मेलोवाकी ग्‍येला कि माज्‍यी।

रोमी 6:14

तुक क्‍यासिन दिक्‍पाकी ख्‍यिरा मिजीला ग्‍येला मिकिवी, च्‍यिलासिसिन ख्‍यिराङ ठिमकी ओङला मिन, कोन्‍छ्‍योककी नङ्‍गुप कटिनकी ओङला वे।

रोमी 7:23

ङे सेमला वोतुप यम्‍बा ठिम दुक्‍टाकी नासाम कुतुक शर्किवी। ती ठिम ति कोन्‍छ्‍योककी ठिमला गा लङ्‍गुप ङे सेमगी ठिम ताङ मुला कशेन माडिक्‍नी ङे मिजीला वोतुप दिक्‍पी ठिमला शोर्किवी।

रोमी 7:25

कोन्‍छ्‍योकला थुचिछे बुलिन, च्‍यिलासिसिन खोकी दाक्‍पी चोवो येशू ख्रीष्‍ट नेसुर ङला शेप ने थर ज्‍यिकिवी। ती तप्‍की ङ ङे सेमला ति कोन्‍छ्‍योककी ठिमला शब्‍ज्‍यी बुलिन, यिने ङे दिक्‍पी किताङ नालु तीकी दिक्‍पाकी ठिमला शब्‍ज्‍यी किवी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 4:15

खो दाक्‍पुला छेटाङ दुङल ख्‍येलुप पेला टोङ्‍गु तेर मुथुपुप कोङ्‍यार छ्‍ये मिन। च्‍यिलासिसिन खो ति दाक्‍पु दोके तेरी ताम्‍ङेला शैतानकी खोक्‍पा ल्‍हापला ख्‍येल्‍सुङ, यिन्‍सिनाङ खोकी दिक्‍पा माक्‍यासुङ।

२ पत्रुस 2:19

तिवी मीतिवाला दिक्‍पा ने रङ्‍ज्‍येन थोप्‍किवी सिनी थाक्‍छ्‍येकिवी, यिने खोप्‍राङ ति दिक्‍पी ओङला राङ ख्‍येल वे। च्‍यिलासिसिन ख्‍यिराङ चुका मी ति ती ओङला ख्‍येल वे, ती मी ति तीकी योक्‍पु यिन।