रोमी 7:12 - कोन्छ्‌योककी सुङ

¹² तुक क्‍यानी मोशाकी ठिम ति टेङ्‍बु यिन, ठिमला वोतुप क साङ चाङ्‍मा ताङ टेङ्‍बु ताङ ल्‍यामु वे।

रोमी 7:12 Iomraidhean Croise

रोमी 12:2

तमा दी जम्‍बुलिङकी किताङ नालुला येनी मादे, यिने रङगी सेम ति सम्‍बा फोनी ख्‍यिरा थोक्‍ला कोन्‍छ्‍योककी नोवाला ल्‍यामु वोतुप ति काङ यिन, चुक क्‍यानी खोला गा लोङ्‍गुप, चुक क्‍यानी खोकी नोवा दोके क्‍यानी मिजी क्‍योङ्‍गुप, ती तेरी हाक्‍कोवा की।

रोमी 3:31

तुकै यिन्‍सिन काङ दाक्‍पु येशूला तेपा क्‍यासिमा मोशाकी ठिम ति क्‍युर्नी ज्‍योकुप यिन रो? मिन, ती ठिमला मङ रम्‍बु जोनी ज्‍यकुप यिन।

रोमी 7:14

ठिम ति कोन्‍छ्‍योककी थु चाङ्‍माकी नङ्‍गुप यिन सिरुप ति दाक्‍पुला छ्‍या वे। यिने ङ ति चाङ्‍मा मेतुप तप्‍की दिक्‍पाकी योक्‍पु च्‍युङ्‍गुप यिन।

रोमी 7:16

दोजो ङे नो माक्‍यावु लाका क्‍यासुङ सिसिन ङ ती ठिम ति ल्‍यामु यिन सिनी ङ्‍येनिन।

१ तिमोथी 1:8

ल्‍यामु क्‍यानी ती ठिमला सिक्‍यावु दोके मिजी क्‍याङ्‍सुङ सिसिन ती ठिम ति ल्‍यामु वे सिरुप ति दाक्‍पुला छ्‍या वे।