रोमी 6:6 - कोन्छ्‌योककी सुङ

⁶ दाक्‍पी दिक्‍पा वोतुप मिजी ति ना डोशी, तमा येलुङ दाक्‍पु दिक्‍पी ओङला मेख्‍येल्‍शी सिनी दाक्‍पी मिजी ङ्‍यिङ्‍बा ति खो ताङ मुला राङ ग्‍यङ्‍शिङ लोला कल्‍नी शेप यिन सिरुप ति दाक्‍पुला छ्‍या वे।

रोमी 6:6 Iomraidhean Croise

रोमी 6:12

ती तप्‍की तफेन्‍ला ख्‍यिरा शिनी डोप जु ति दिक्‍पी ओङला ख्‍येल माज्‍यी, ख्‍यिरा मिजीला ख्‍यिरा जुकी सेम मेलोवाकी ग्‍येला कि माज्‍यी।

रोमी 6:22

यिने त याङ ख्‍यिराङ दिक्‍पा ने थर्नी कोन्‍छ्‍योककी थोक्‍ला शब्‍ज्‍यी कितुप च्‍युङ्‍गुप तप्‍की ख्‍यिराङ कोन्‍छ्‍योककी थोङ्‍दाङला टेङ्‍बु ङ्‍येनी ख्‍यिराङला नाम्‍साङ मिशिवु मिजी थोप्‍नी वे।

रोमी 7:14

ठिम ति कोन्‍छ्‍योककी थु चाङ्‍माकी नङ्‍गुप यिन सिरुप ति दाक्‍पुला छ्‍या वे। यिने ङ ति चाङ्‍मा मेतुप तप्‍की दिक्‍पाकी योक्‍पु च्‍युङ्‍गुप यिन।

रोमी 8:13

दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

२ कोरिन्थी 5:14

ङ्‍यिराङ याङ ख्रीष्‍टकी ङ्‍यिङ्‍ज्‍येकी ओङला राङ वे। तुक क्‍यानी ङ्‍यिराङ दी ताम्‍ङे ति तेन्‍तेन वोतुप हाक्‍कोकिवी। मी तेरीकी दिक्‍पी थोक्‍ला ख्रीष्‍ट टुङ्‍सुङ। ती तप्‍की मी तेरी खोकी मुला राङ शेप यिन।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

गलाती 5:24

सु येशू ख्रीष्‍टकी सुङला युकिवे, तीकी दिक्‍पाकी किताङ नालु ताङ नोवातिवा खोरो जु ताङ मुला राङ ग्‍यङ्‍शिङला कल वे।

गलाती 6:14

यिने दाक्‍पी चोवो येशू ख्रीष्‍टकी ग्‍यङ्‍शिङकी कोर्ला मिसिन ङ यम्‍बा काङला साङ तेके मिकी। ख्रीष्‍ट नेसुर जम्‍बुलिङ ति ङे थोक्‍ला ताङ ङ ति जम्‍बुलिङकी थोक्‍ला ग्‍यङ्‍शिङला कलुप यिन।

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।