रोमी 6:5 - कोन्छ्‌योककी सुङ

⁵ दोजो दाक्‍पु खोकी मुला राङ शिनी खो ताङ च्‍यिक्‍पा राङ च्‍युङ्‍सिन वुतुङ के दाक्‍पु टुङ्‍नी ङोसु लावु खो ताङ मुला साङ च्‍यिक्‍पा राङ च्‍युङ्‍गिवी।

रोमी 6:5 Iomraidhean Croise

मत्ती 15:13

यिने खोकी सुङ्‍सुङ, “देवाच्‍येनला ज्‍यु वोतुप ङे पपी माचुवु दोङ्‍बुतिवा तेरी पल्‍नी क्‍युर्किवी।

यूहन्‍ना 12:24

ङ ख्‍यिराङला टेङ्‍बो सिरिन, दोजो टे सेन च्‍यिक थलाला ख्‍येल्‍नी माशिसिन ती सेन ति च्‍यिक राङ लुकिवी, यिने ती ति थली नाङ्‍ला ख्‍येल्‍नी शिसुङ सिसिन डुमा बङी ग्‍यकिवी।

२ कोरिन्थी 4:10

येशूकी मिजी ति ङ्‍यिरा मिजीला साङ वोतुप छ्‍या देन्‍दुपला ङ्‍यिराङ ङ्‍यिमी टेङ रङगी जुला खोकी थोक्‍ला शिराङ गोसिनाङ दुक्‍पा खुर्किवी।

कलस्सी 2:12

बप्‍तिस्‍मा लङ्‍गुप पेला ख्‍यिराङ ख्रीष्‍टकी मुला राङ मुक्‍तुम ग्‍यपुप दोके यिन। तमा ख्रीष्‍टला शेप ने ङोसु लोङ्‍गुप कोन्‍छ्‍योककी ङारला ख्‍यिरा तेपा क्‍यावु तप्‍की ख्‍यिराङ साङ ख्रीष्‍टकी मुला सेन्‍बु लानी वे।

कलस्सी 3:1

ख्‍यिराङ ख्रीष्‍टकी मुला राङ सेन्‍बु लङ्‍गुप तप्‍की येर देवाच्‍येनकी ताम्‍ङेतिवाला नासाम तोङ। ते देवाच्‍येनला ख्रीष्‍ट कोन्‍छ्‍योककी यावी थाकाला ज्‍युकिवी।