रोमी 6:11 - कोन्छ्‌योककी सुङ

¹¹ तुक राङ क्‍यानी ख्‍यिराङ साङ दाक दाक्‍पी दिक्‍पी थोक्‍ला शेप यिन, यिने त याङ येशू ख्रीष्‍ट ताङ मुला राङ कोन्‍छ्‍योककी थोक्‍ला सेन्‍बु लावु यिन सिनी नासाम तोङ गोकिवी।

रोमी 6:11 Iomraidhean Croise

यूहन्‍ना 20:31

यिने दी थेप टिवु तेन्‍दोक ति येशू ति ख्रीष्‍ट राङ यिन्‍दुप ताङ कोन्‍छ्‍योककी सेवु यिन्‍दुप ति ख्‍यिरा तेपा किशी, तमा खोला तेपा क्‍यानी ख्‍यिराङला नाम्‍साङ मिशिवु मिजी ङ्‍येशी सिनी यिन।

रोमी 16:27

तुक क्‍यानी च्‍यिक राङ ज्‍यु वोतुप ताङ रिक्‍पाकी क्‍येङ्‍गुप दाक्‍पी कोन्‍छ्‍योकला येशू ख्रीष्‍ट नेसुर नरीकी नरी मोवा वुङ्‍शी। आमिन।

रोमी 5:1

तुक क्‍यानी त याङ दाक्‍पु चोवो येशू ख्रीष्‍टला तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की येशू ख्रीष्‍ट नेसुर कोन्‍छ्‍योककी मुला तम्‍जी ल्‍यामु च्‍युङ वे।

रोमी 6:10

येशू ख्रीष्‍ट थेङ्‍मा च्‍यिक राङ दिक्‍पी थोक्‍ला टुङ्‍गुप यिन। त याङ खो ङोसु लानी कोन्‍छ्‍योककी थोक्‍ला ङोसु ज्‍युकिवी।

रोमी 6:13

रङगी जुकी येन्‍लकतिवा ति लाका मेटेङ्‍बु कितुपला दिक्‍पाला माबिन, यिने ख्‍यिराङ शिनी साङ सेन्‍बु लावु मी यिन्‍दुप तप्‍की ख्‍यिरा मिजी तेरी कोन्‍छ्‍योकला पुल। रङगी जुकी येन्‍लकतिवा ति कोन्‍छ्‍योककी थोङ्‍दाङला टेङ्‍बु वोतुप लाका कितुपला पुल।

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

रोमी 7:4

ती तप्‍की अच्‍युनुपतिवा, ख्‍यिराङ ख्रीष्‍ट ताङ मुला ठिमकी थोक्‍ला साङ शिसुङ। तुक क्‍यानी ख्‍यिराङ साङ ठिमकी ओङ नेसुर थर्नी शेप नेसुर ङोसु लावु ख्रीष्‍टकी मुला च्‍यिक्‍पा राङ च्‍युङ वे। तुक क्‍यानी ख्‍यिराङ डेलु गरुप दोके कोन्‍छ्‍योककी थोक्‍ला लाका ल्‍यामु कि गोकिवी।

रोमी 7:6

यिने त याङ दाक्‍पु ठिमकी थोक्‍ला शिनी ठिमकी ओङ ने थर्नी वे। तुक क्‍यानी तन्‍दा दाक्‍पु ठिमकी थेप नाङ्‍ला टि वोतुप दोके किताङ नालु ङ्‍यिङ्‍बा मिन, कोन्‍छ्‍योककी थु चाङ्‍माकी सुङ्‍गुप किताङ नालु सम्‍बा क्‍यानी कोन्‍छ्‍योकला शब्‍ज्‍यी बुल्‍गिवी।

रोमी 8:18

तसाम पेला दी मिजीला दाक्‍पुला वुङ्‍गुप दुक्‍पा ताङ ज्‍युक्‍ला दाक्‍पुला ङ्‍येतुप कोन्‍छ्‍योककी मोवा ति डिक्‍नी ल्‍हासिन ती दुक्‍पा ति काङ साङ मिन सिनी नासाम शर्किवी।

१ कोरिन्‍थी 6:20

ख्‍यिराङ ति खोकी गोङ तेनी ङ्‍योवु यिन। तुक क्‍यानी ख्‍यिरा रङगी मिजी ने कोन्‍छ्‍योकला मोवा की।

एफिसी 2:7

तुक क्‍यावु ति च्‍यम्‍बा वोतुप कोन्‍छ्‍योककी येशू ख्रीष्‍ट नेसुर दाक्‍पुला ग्‍यक्‍चेकी कटिन नङ्‍गुप ति त वुङ्‍गुप कल्‍वाला छ्‍या देन्‍दुपला यिन।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 4:7

तुक क्‍यासिन मी नासाम तङ्‍गुप सिनाङ ल्हक्‍पा वोतुप कोन्‍छ्‍योककी लोदिमुकी ख्‍यिरा सेम ताङ नासाम ति येशू ख्रीष्‍टकी ओङ नेसुर र्‍होकितो।

कलस्सी 2:20

ख्‍यिराङ याङ ख्रीष्‍टकी मुला राङ शिनी दी जम्‍बुलिङला ओङ्‍ज्‍येन क्‍यावु ठिम नेसुर थर्नी वे। यिन्‍सिनाङ च्‍यिला दी जम्‍बुलिङकी ठिमला वोतुप मीतिवी दोके मिजी क्‍योङ्‍गिवी?

कलस्सी 3:17

तमा ख्‍यिरा ताम्‍ङे ताङ लाका काङ क्‍यासिनाङ चोवो येशूकी मिङला किसा। खो नेसुर राङ पपा कोन्‍छ्‍योकला थुचिछे पुल।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।

१ पत्रुस 4:11

सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।