रोमी 6:1 - कोन्छ्‌योककी सुङ

¹ तुकै यिन्‍सिन त ङ्‍यिराङ काङ सिरुप? दाक्‍पी लाका मेलोवा क्‍यासिनाङ कोन्‍छ्‍योककी दाक्‍पुला कटिन नङ्‍गिवी सिनी दाक्‍पु येलुङ दिक्‍पा क्‍या क्‍यावा देकिवी रो?

रोमी 6:1 Iomraidhean Croise

रोमी 2:4

याङ्‍ना कोन्‍छ्‍योककी ख्‍युरुङला सेम ग्‍युर च्‍यिनी दिक्‍पा ने थर ज्‍यितुपला गा कितुप ति हाक्‍माकोनी खोकी च्‍यम्‍बा ताङ हम क्‍या देतुप ताम्‍ङेला मो बेप्‍किवी रो?

रोमी 3:31

तुकै यिन्‍सिन काङ दाक्‍पु येशूला तेपा क्‍यासिमा मोशाकी ठिम ति क्‍युर्नी ज्‍योकुप यिन रो? मिन, ती ठिमला मङ रम्‍बु जोनी ज्‍यकुप यिन।

रोमी 6:15

तुकै यिन्‍सिन काङ कि गोकिवी? त दाक्‍पु ठिमकी ओङला मेनी कटिनकी ओङला वे। तुक क्‍यानी येलुङ दिक्‍पा राङ कितुप्‍जा? तुकै ति मिन।

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

१ पत्रुस 2:16

ख्‍यिराङ ति दिक्‍पी ओङ नेमा रङ्‍ज्‍येन थोप्‍नी वे, तुक क्‍यानी रङ्‍ज्‍येन वोतुप मीतिवा दोके मिजी क्‍योङ। रङ्‍ज्‍येन थोपुप तप्‍की ख्‍यिराङ ति काङ लाका मेलोवा क्‍यासिनाङ गिवी सिनी नासाम मातोङ, यिने कोन्‍छ्‍योकला शब्‍ज्‍यी कितुप योक्‍पु दोके च्‍युङ्‍नी मिजी क्‍योङ।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।