रोमी 5:9 - कोन्छ्‌योककी सुङ

⁹ तुक क्‍यानी त याङ खोकी ठक नेसुर दाक्‍पु कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की वुतुङ के ख्रीष्‍ट नेसुर दाक्‍पु कोन्‍छ्‍योककी पर्च्या नेमा र्‍होकिवी सिरुप ति मङ तेन्‍तेन वे।

रोमी 5:9 Iomraidhean Croise

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

रोमी 1:18

कोन्‍छ्‍योककी पर्च्या ति खोकी सुङ टेङ्‍बुला हाक्‍मोकोवु जोप दुक्‍टातिवा ताङ खोला मोवा मिकिवुतिवी थोक्‍ला देवाच्‍येन नेमा छ्‍या देन्‍गिवी।

रोमी 5:1

तुक क्‍यानी त याङ दाक्‍पु चोवो येशू ख्रीष्‍टला तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की येशू ख्रीष्‍ट नेसुर कोन्‍छ्‍योककी मुला तम्‍जी ल्‍यामु च्‍युङ वे।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

रोमी 8:30

सु सुला खोकी गोमाला के पेन नङ वे, पेन नङ्‍गुपतिवाला खोकी कताङ नाङ्‍सुङ। तमा कतङ्‍गुपतिवाला खोकी थोङ्‍दाङला टेङ्‍बु जो नाङ्‍सुङ। तमा टेङ्‍बु जो नङ्‍गुपतिवाला खोकी मोवा साङ नाङ्‍सुङ।

एफिसी 2:13

तोङ्‍ला ख्‍यिराङ मिरिक यम्‍बा यिन्‍दुप तप्‍की कोन्‍छ्‌योक नेमा थाक्‍रिङ्‍बु गाल्‍नोक, यिने त याङ येशू ख्रीष्‍टकी ठक नेसुर ख्‍यिराङ कोन्‍छ्‌योक ताङ मुला थाक्‍ङ्‍यिमु गल वे।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

हिब्रू 9:22

वुतुङ के कोन्‍छ्‍योककी नङ्‍गुप ठिमला सिक्‍यावु दोके ठक तेन्‍सिन तिराङ माङ्‍शोक तेरी चाङ्‍मा जो थुप्‍किवी। तमा ठक मातेन्‍सिन दिक्‍पा मतावी।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।