रोमी 5:8 - कोन्छ्‌योककी सुङ

⁸ यिने कोन्‍छ्‍योककी दाक्‍पु दिक्‍छेन वोसिनाङ दाक्‍पी दिक्‍पी थोक्‍ला येशू ख्रीष्‍ट टुङ च्‍यिनी खोकी दाक्‍पुला ङ्‍यिङ्‍ज्‍ये छ्‍या तेन्‍सुङ।

रोमी 5:8 Iomraidhean Croise

यूहन्‍ना 15:13

रङगी दाल्‍जी थोक्‍ला खोरुङ राङ शेप सिनाङ मङ ङ्‍यिङ्‍ज्‍ये छ्‍ये ति मे।

यूहन्‍ना 3:16

कोन्‍छ्‍योककी जम्‍बुलिङकी मीतिवाला दुका ङ्‍यिङ्‍ज्‍ये क्‍या नाङ्‍नी खोकी च्‍यिक राङ वोतुप सेवु ति जम्‍बुलिङला ताङ्‍सुङ। ती ति सी खोला तेपा किवे, तिवा ङ्‍येलाला मोडोशी, यिने नाम्‍साङ मिशिवु मिजी थोप्‍शी सिनी यिन।

रोमी 3:5

दोजो दाक्‍पी दिक्‍पा क्‍यासिमा कोन्‍छ्‍योक ति टेङ्‍बु वोतुप कोन्‍छ्‍योक यिन सिरुप ति हाक्‍कोकिवी सिसिन दाक्‍पु काङ सिरुप? दाक्‍पुला पर्च्या तोङ्‍गुप कोन्‍छ्‍योक ति मेटेङ्‍बु यिन रो? माङ्‍शोक मीतिवी तुकै राङ नासाम तोङ्‍गिवी।

रोमी 4:25

येशू ख्रीष्‍ट ति दाक्‍पी दिक्‍पी थोक्‍ला टुङ्‍सुङ, तमा दाक्‍पु कोन्‍छ्‍योककी थोङ्‍दाङला टेङ्‍बु ङ्‍येतुपला खो ङोसु लासुङ।

रोमी 5:20

मोशाकी ठिम ति जम्‍बुलिङला वावु दुक्‍चे क्‍येनतिवा बङी फेलुपला यिन। यिन्‍सिनाङ दिक्‍पा बङी फेलुप तप्‍की कोन्‍छ्‍योककी कटिन साङ मङ फेल्‍सुङ।

रोमी 5:6

तुक क्‍यानी दाक्‍पु दिक्‍पी ओङला शोर्नी काङ साङ कि मुथुपुप पेला राङ येशू ख्रीष्‍ट दाक्‍पी दिक्‍पी थोक्‍ला टेके तुजेला टुङ्‍सुङ।

रोमी 5:7

ल्‍यामु वोतुप मी थोक्‍ला शेप ति मी चे चेयी वोज्‍यिवी, तमा टेङ्‍बु वोतुप मी थोक्‍ला शेप ति ललाइ ललाइ तिराङ वे।

रोमी 8:32

दाक्‍पी दिक्‍पी थोक्‍ला कोन्‍छ्‍योककी खोरे सेवु साङ र्‍होक माज्‍याक्‍नी दाक्‍पुला नाङ्‍सुङ सिसिन, खोकी सेवुकी मुला राङ यम्‍बा साङ तेरी कटिन नेसुर दाक्‍पुला मानङ्‍गिवी रो?

रोमी 8:39

याङ्‍ना स ताङ नामला वोतुप ओङ यिन्‍सिनाङ कोन्‍छ्‍योककी ज्‍ये नङ्‍गुप जम्‍बुलिङला वोतुप तेरी च्‍यालकतिवा काङगी साङ ङ्‍यिराङला ख्रीष्‍ट येशूला वोतुप कोन्‍छ्‍योककी ङ्‍यिङ्‍ज्‍ये नेसुर क्‍येङ्‍सु तोङ मुथुपी।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

एफिसी 2:7

तुक क्‍यावु ति च्‍यम्‍बा वोतुप कोन्‍छ्‍योककी येशू ख्रीष्‍ट नेसुर दाक्‍पुला ग्‍यक्‍चेकी कटिन नङ्‍गुप ति त वुङ्‍गुप कल्‍वाला छ्‍या देन्‍दुपला यिन।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

१ तिमोथी 1:16

यिन्‍सिनाङ कोन्‍छ्‍योककी ङला च्‍यम्‍बा नाङ्‍सुङ। च्‍यिलासिसिन ङ दिक्‍छेन यिन्‍सिनाङ ङे मिजी नेसुर येशू ख्रीष्‍टकी छासेकी हम क्‍या देतुप ओङ छ्‍या तेन्‍नी खोला तेपा क्‍यानी नाम्‍साङ मिशिवु मिजी थोपुपकी थोक्‍ला ङ ति पङ्‍बु च्‍युङ्‍गुप यिन।

हिब्रू 8:3

तेरी कोङ्‍यार छ्‍येतिवा ति बुल्‍वा ताङ सेम्‍ज्‍येन सेनी जिन्‍बा बुलुपला पेतुपतिवा यिन। तुक क्‍यानी दी कोङ्‍यार छ्‍येकी साङ काङ रे च्‍यिक रे बुल्‍वा बुल राङ गोकिवी।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।