रोमी 5:4 - कोन्छ्‌योककी सुङ

⁴ दाक्‍पु हम क्‍या देसिमा दाक्‍पी किताङ नालु ल्‍यामु जेवी। तमा किताङ नालु ल्‍यामु च्‍युङ्‍सिमा दाक्‍पुला रेवा ङ्‍येकिवी।

रोमी 5:4 Iomraidhean Croise

लूका 21:19

ख्‍यिराङ हम क्‍या देसिन ख्‍यिराङला नाम्‍साङ मिशिवु मिजी ङ्‍येकितो।”

रोमी 15:4

तुक क्‍यानी तोङ्‍ला कोन्‍छ्‍योककी सुङला टिवु ताम्‍ङेतिवा दाक्‍पी थोक्‍ला येन्‍देन तेरुप च्‍युङ वे। ती सुङगी नाङ्‍ला वोतुप हम क्‍यानी देतुप ताङ टोङ्‍गु नेसुर दाक्‍पुला रेवा ङ्‍येकिवी।

फिलिप्पी 2:22

यिने तिमोथी खोङ्‍तेर्मु वोतुप ति ख्‍यिराङला साङ छ्‍या वे। तीकी चुक क्‍यानी पुज्‍युङकी पपाला शब्‍ज्‍यी किवे, तुक राङ क्‍यानी ङ ताङ मुला लेन ल्‍यामु ख्‍याप्‍टाक कितुपला दाल्‍जा क्‍यासुङ।

हिब्रू 6:19

ती रेवाला राङ दाक्‍पी मिजी ति रेन्‍नी देन वे। दी रेवा ति ग्‍येम्‍छो नाङ्‍ला वोतुप टुला लङ्‍गर ग्‍यप्‍सिमा टु ति र्‍होकुप दोके दाक्‍पी सेमला रम्‍बु ताङ र्‍होकुप च्‍युङ्‍नी वे। तमा ती रेवा ति यहूदी ल्‍हङाङला ग्‍यपुप गोयोल नङगी छासे चाङ्‍मा वोतुप दासा सेक लेपुपला दाल्‍जा किवी।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।