रोमी 5:3 - कोन्छ्‌योककी सुङ

³ तोजो तिराङ मिन, दाक्‍पु छेटाङला ख्‍येलुप पेला साङ गा क्‍यानी दे थुप्‍किवी। च्‍यिलासिसिन छेटाङ ख्‍येल्‍सिमा ती छेटाङकी राङ दाक्‍पुला हम क्‍या दे थुपुप जेवी।

रोमी 5:3 Iomraidhean Croise

लूका 21:19

ख्‍यिराङ हम क्‍या देसिन ख्‍यिराङला नाम्‍साङ मिशिवु मिजी ङ्‍येकितो।”

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

रोमी 5:11

तोजो तिराङ मिन, दाक्‍पी चोवो येशू ख्रीष्‍ट नेसुर दाक्‍पु कोन्‍छ्‍योक ताङ मुला तम्‍जी ल्‍यामु च्‍युङ्‍गुप तप्‍की खोकी दाक्‍पी थोक्‍ला क्‍या नङ्‍गुप लाकाकी जोसालेन्‍सिन त याङ दाक्‍पु छासे गा लानी वे।

रोमी 8:23

तिवा तिराङ मिन, खोकी थु चाङ्‍मा नेसुर गोमाला गरुप डेलु यिन्दुप दाक्‍पु साङ खोकी पेजातिवा च्‍युङ्‍गुपला ताङ खोकी दाक्‍पी मिजी ति तेरी थर्वा नङ्‍शी सिनी दुक्‍पा वोसिनाङ रेवा क्‍यानी गुनी देन वे।

रोमी 9:10

तोजो तिराङ मिन, सारा नेमा क्‍येवु पुज्‍युङ इसहाककी पेर्मी रिबेकाला साङ पुज्‍युङ छेमा क्‍येसुङ।

२ कोरिन्थी 4:17

तन्‍दा दाक्‍पी उकुर च्‍यिक चेयी दुक्‍पा खुर्सिमा ज्‍युक्‍ला नरीकी नरी लुवु कोन्‍छ्‍योककी मोवाकी कोर्ला नासाम ताङ्‍सिन दी दुक्‍पातिवा वुतुङ के काङ साङ मिन।

२ कोरिन्थी 8:19

तोजो तिराङ मिन, दुवु बुल्‍वा खुर्नी यरूशलेमला डोप पेला ङ्‍यिरा मुला राङ युक डोप सिनी ती नुप तीला चर्चतिवी पेतुप यिनो। ती बुल्‍वा खुरुप लाका ति चोवोला मोवा कितुप ताङ ङ्‍यिरा यम्‍बाला दाल्‍जा कितुप छासे नोवा वोतुप ति छ्‍या देन्‍दुपला यिन।

एफिसी 3:13

तुक क्‍यानी ङ ख्‍यिराङला गोङ्‍बा शोयी, ख्‍यिरा थोक्‍ला ङे छेटाङ खुर्सुङ सिनी ख्‍यिराङ यिछ्‍येता माकी। दी ति ख्‍यिरा थोक्‍ला छासे ताङ्‍देन वोतुप ताम्‍ङे यिन।

फिलिप्पी 1:29

च्‍यिलासिसिन ख्‍यिराङ ख्रीष्‍टला तेपा कितुप तिराङ मिन, यिने खोकी थोक्‍ला दुक्‍पा साङ खुर गोकिवी। तुक कितुप ति ख्रीष्‍टकी नङ्‍गुप कटिन यिन।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

१ पत्रुस 3:14

यिने ख्‍यिराङ लाका टेङ्‍बुकी थोक्‍ला दुक्‍पा खुर्सुङ सिसिन ख्‍यिराङला मोलाम थोपुप यिनो। मीतिवी ख्‍यिराङला ज्‍यिवा कुसिन ख्‍यिराङ ज्‍यिवा माकी, यर्मिन मर्मिन साङ माडो।