रोमी 5:2 - कोन्छ्‌योककी सुङ

² दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

रोमी 5:2 Iomraidhean Croise

मत्ती 25:21

तमा ज्‍यिन्‍दाक ति गा कियी सिरा ‘को छ्‍येसुङ, ख्‍युरुङ खोङ्‍तेर्मु ताङ लावा ल्‍यामु! ख्‍युरुङ ताम्‍ङे चेयीला खोङ्‍तेर्मु च्‍युङ्‍सुङ, तुक क्‍यानी ङ ख्‍युरुङला ताम्‍ङे बङी चेक तेतिन। ख्‍युरुङ वानी ङ ताङ मुला गा की।’ सिनी सिक्‍यासुङ।

यूहन्‍ना 10:7

तुक क्‍यानी येशूकी येलुङ तिवाला दुक सुङ्‍सुङ, “वुतुङ के ङ ख्‍यिराङला सिरिन, लुक शुकुप खोरकी गो ति ङ राङ यिन।

यूहन्‍ना 10:9

लुक शुकुप गो ति ङ राङ यिन। सु ङ नेसुर नाङ्‍ला शुकिवे, ती ति र्‍होकिवी, तमा फिला नाङ्‍ला डोप वुङ्‍गुप ताङ चरिन ङोर्मुला च साप ङ्‍येकिवी।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

लोमा छ्‍येतिवी लाका 14:27

तिवा एन्‍टिओखिया लेप्‍सिमा तेकी चर्चकी मीतिवाला मुला राङ कताङ्‍नी कोन्‍छ्‍योककी तिवा नेसुर क्‍या नङ्‍गुप तेरी लाका ताङ कोन्‍छ्‍योककी यहूदी मिन्‍दुप मिरिक यम्‍बाकी मीतिवा चुक क्‍यानी खोला तेपा कि थुपुप जो नाङ्‍सुङ सिरुप ताम्‍ङे ति तिवाला शेसुङ।

रोमी 11:20

ती ताम्‍ङे ति टेङ्‍बु राङ यिन। यहूदीतिवी तेपा माक्‍यावु तप्‍की वुतुङ्‍की जैतुन दोङ्‍बी येल्‍कातिवा च्‍येतुप दोके गलुप यिन। यिने ख्‍यिराङ ति तेपा क्‍यावु तप्‍की वुतुङ्‍की जैतुन दोङ्‍बुला थितुप दोके यिन। तुक क्‍यानी ख्‍यिराङ ङराङ यिन सिनी अम्‍बारङ्‍शिङ माकी, यिने ज्‍यिवा क्‍यानी दे।

रोमी 12:12

कोन्‍छ्‍योककी ख्‍यिराङला नङ्‍गुप रेवाला ख्‍यिराङ लोदिमु क्‍यानी दे, छेटाङला ख्‍येलुप पेला हम क्‍यानी दे, नरी कोन्‍छ्‍योकला मोपोर की।

रोमी 14:4

मी यम्‍बी लावाला ठिम कितुप ति ख्‍युरुङ सु यिन? तीकी ज्‍यिन्‍दाककी राङ सु ल्‍यामु यिन, सु मेलोवा यिन सिनी तीला ठिम क्‍या नङ्‍गिवी। तीकी ज्‍यिन्‍दाककी राङ तीला दाल्‍जा क्‍या नङ्‍गिवी।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 3:23

च्‍यिलासिसिन मी तेरीकी दिक्‍पा क्‍यावु तप्‍की सु साङ मोवा वोतुप कोन्‍छ्‍योककी चिप्‍ला लेप मुथुप्‍नोक।

रोमी 5:5

तमा ती रेवा ङ्‍येसिमा दाक्‍पुला यिछ्‍येता मलङ्‍गिवी। च्‍यिलासिसिन कोन्‍छ्‍योककी दाक्‍पुला नङ्‍गुप थु चाङ्‍मा नेमा खोकी ङ्‍यिङ्‌ज्‍ये ति दाक्‍पी सेमला छासे क्‍यानी नाङ्‍सुङ।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

रोमी 8:24

च्‍यिलासिसिन दाक्‍पी ती रेवा क्‍यावु तप्‍की खोकी दाक्‍पुला थर्वा नाङ वे। ती रेवा ति दाक्‍पी मिककी थोङ्‍गुप रेवा मिन। च्‍यिलासिसिन सी साङ थोङ्‍गुप च्‍यालकला रेवा मिकिवी।

१ कोरिन्‍थी 15:1

अच्‍युनुपतिवा, ङे ख्‍यिराङला ख्‍याप्‍टाक क्‍यावु लेन ल्‍यामु ति ख्‍यिराङला येलुङ सिरिन। ख्‍यिराङ ती सुङ ति सेमला लानी तेपा रम्‍बु च्‍युङ्‍नी देन वे।

२ कोरिन्थी 3:18

तमा दाक्‍पु तेरीकी गुकुर पेतुप ङुतुङला चोवो कोन्‍छ्‍योककी वोसिर ति ठछ्‍येली थोङ्‍गिवी। खो नेसुर वुङ्‍गुप वोसिरकी दाक्‍पुला खो दोके जोनी मङ मङ वोसिर ग्‍यकुप जो नङ्‍गिवी। ती तेरी चोवो कोन्‍छ्‍योककी थु चाङ्‍माकी क्‍यावु यिन।

२ कोरिन्थी 4:17

तन्‍दा दाक्‍पी उकुर च्‍यिक चेयी दुक्‍पा खुर्सिमा ज्‍युक्‍ला नरीकी नरी लुवु कोन्‍छ्‍योककी मोवाकी कोर्ला नासाम ताङ्‍सिन दी दुक्‍पातिवा वुतुङ के काङ साङ मिन।

एफिसी 2:18

येशू नेसुर राङ दाक्‍पु ङ्‍यिकरला कोन्‍छ्‌योककी थु चाङ्‍मा ङ्‍येनी ती थु चाङ्‍मा नेमा राङ दाक्‍पु ङ्‍यिकर पपा कोन्‍छ्‍योककी चाला लेप थुप्‍किवी।

एफिसी 3:12

दाक्‍पी खोला तेपा क्‍यावु तप्‍की दाक्‍पु तेन्‍तेन ताङ ङाडेङ क्‍यानी खोकी चिप्‍ला डोप ङ्‍येकिवी।

एफिसी 6:13

तुक क्‍यानी ती तेरी मक्‍मीकी लाक्‍च्‍येतिवा लङ्‍नी ती तुजे मेलोक्‍पाकी खला ग्‍येल थुपा की। तमा ती मक ग्‍यकुप लाका तेरी सिन्‍सिमा रम्‍बु क्‍यानी दे थुपा की।

२ थेसलोनिकी 2:16

तमा दाक्‍पुला ङ्‍यिङ्‍ज्‍ये क्‍या नङ्‍गुप ताङ खोकी कटिन नेसुर नरीकी थोक्‍ला टोङ्‍गु ताङ रेवा ल्‍यामु नङ्‍गुप दाक्‍पी पपा कोन्‍छ्‍योक ताङ चोवो येशू ख्रीष्‍टकी

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

हिब्रू 6:18

कोन्‍छ्‍योककी दाक्‍पुला थाक्‍छ्‍येन नङ्‍गुप ताङ न क्‍यल नाङ्‍सुङ। ती ताम्‍ङे ङ्‍यी ति नाम्‍साङ मोफोवी, च्‍यिलासिसिन कोन्‍छ्‍योककी जिनोक जो मुथुपी। तुक क्‍यानी दाक्‍पु र्‍होकुपकी थोक्‍ला टोनी वावुतिवाला दाक्‍पी दोङ्‍ला ज्‍यकुप रेवा ति थोपुपला छासे ङाडेङ ग्‍येर्पु ङ्‍येन वे।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

ज्‍यल्‍का 21:11

ती ग्‍येसा ति कोन्‍छ्‍योककी मोवाकी ठछ्‍येली गल्‍नी नोक। ती वोसिर ति ङ्‍यिमा दोके छासे वो ग्‍यकुप ताङ शेल दोके नाङ्‍ला थोङ्‍गुप छासे सल्‍वु नोक।

ज्‍यल्‍का 21:23

ती ग्‍येसा ति ठछ्‍येली जोपला ङ्‍यिमा उला काङ साङ मोगोनोक। च्‍यिलासिसिन कोन्‍छ्‍योककी मोवाकी राङ तेकी ग्‍येसा ति ठछ्‍येली डिनोक। तमा ते ठछ्‍येली जोप दिप्‍ली ति लुक रुक राङ यिनोक।

ज्‍यल्‍का 21:3

ती ज्‍युक्‍ला ग्‍येल्‍ठिक नेमा दुक सिनी वोरु थोर ग्‍यपुप ति ङे थोसुङ, “ल्‍होसा, तफेन्‍ला कोन्‍छ्‍योककी देसा ति मीतिवी मुला गिवी। तमा खो मीतिवी मुला ज्‍युकिवी। मीतिवा खोकी गिपा च्‍युङ्‍गिवी। खो खुरुङ मीतिवी मुला ज्‍युकिवी, तमा खो ति तिवी कोन्‍छ्‍योक च्‍युङ्‍गिवी।

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।