रोमी 5:16 - कोन्छ्‌योककी सुङ

¹⁶ कोन्‍छ्‍योककी नङ्‍गुप कटिनकी ङ्‍येम्‍बा ति आदमकी क्‍यावु दिक्‍पाकी क्‍येन दोके मिन। च्‍यिलासिसिन आदम मी च्‍यिककी क्‍यावु दिक्‍पाकी जोसालेन्‍सिन तेरी मीतिवा कोन्‍छ्‍योककी पर्च्याला ख्‍येल्‍सुङ, यिने तेरी मीतिवी दिक्‍पा बङी क्‍यासिनाङ कोन्‍छ्‍योककी कटिनकी ङ्‍येम्‍बा नङ्‍नी मीतिवा तेरीला कोन्‍छ्‍योककी थोङ्‍दाङला टेङ्‍बु ङ्‍येतुप जेवी।

रोमी 5:16 Iomraidhean Croise

मत्ती 6:14

दोजो ख्‍यिराङला मेलोवा कितुपतिवाला ख्‍यिरा माफ बिन्‍सुङ सिसिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी साङ ख्‍यिराङला माफ नङ्‍गिवी।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

१ कोरिन्‍थी 11:32

दाक्‍पु ति जम्‍बुलिङकी मीतिवी मुला राङ ना मोडोशी सिनी कोन्‍छ्‍योककी दाक्‍पुला ठिम क्‍या नङ्‍गिवी, तमा छेटाङ साङ तेर्किवी।

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

याकूब 2:10

ललाइ मीतिवी कोन्‍छ्‍योककी नङ्‍गुप ठिमला सिक्‍यावु दोके तेरी किवी, यिने ती ठिमकी नाङ्‍ला वोतुप ताम्‍ङे च्‍यिक ति मेङ्‍येन्‍दिवी सिसिन तीकी ती ठिम तेरी माङ्‍येन्‍दुप यिन।