रोमी 5:11 - कोन्छ्‌योककी सुङ

¹¹ तोजो तिराङ मिन, दाक्‍पी चोवो येशू ख्रीष्‍ट नेसुर दाक्‍पु कोन्‍छ्‍योक ताङ मुला तम्‍जी ल्‍यामु च्‍युङ्‍गुप तप्‍की खोकी दाक्‍पी थोक्‍ला क्‍या नङ्‍गुप लाकाकी जोसालेन्‍सिन त याङ दाक्‍पु छासे गा लानी वे।

रोमी 5:11 Iomraidhean Croise

लूका 1:46

तमा मरियमकी सिक्‍यासुङ, “ङे मिजी ने चोवो कोन्‍छ्‍योकला सोवा देकिवी,

यूहन्‍ना 1:12

यिने सु सुकी खोला खोरो सेमला लानी खोला तेपा क्‍यावे, खोकी तिवाला कोन्‍छ्‍योककी पुज्‍युङपुम च्‍युङ्‍गुप ओङ्‍ज्‍येन नाङ्‍सुङ।

रोमी 11:15

च्‍यिलासिसिन कोन्‍छ्‍योककी यहूदीतिवाला क्‍युर्नी ज्‍याक्‍सिमा जम्‍बुलिङकी मीतिवा कोन्‍छ्‍योककी मुला तम्‍जी ल्‍यामु च्‍युङ्‍गिवी सिसिन, कोन्‍छ्‍योककी तिवाला सेमला लासियाङ मङ तिवाला शेप ने थरुप मिजी मोथोपी रो?

रोमी 2:17

दोजो ख्‍युरुङ ङ यहूदी यिन सिवी, ठिमला रेवा क्‍यानी कोन्‍छ्‍योक ताङ मुला तम्‍जी ल्‍यामु वे सिनी अम्‍बारङ्‍शिङ किवी,

रोमी 5:1

तुक क्‍यानी त याङ दाक्‍पु चोवो येशू ख्रीष्‍टला तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की येशू ख्रीष्‍ट नेसुर कोन्‍छ्‍योककी मुला तम्‍जी ल्‍यामु च्‍युङ वे।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 5:3

तोजो तिराङ मिन, दाक्‍पु छेटाङला ख्‍येलुप पेला साङ गा क्‍यानी दे थुप्‍किवी। च्‍यिलासिसिन छेटाङ ख्‍येल्‍सिमा ती छेटाङकी राङ दाक्‍पुला हम क्‍या दे थुपुप जेवी।

रोमी 8:23

तिवा तिराङ मिन, खोकी थु चाङ्‍मा नेसुर गोमाला गरुप डेलु यिन्दुप दाक्‍पु साङ खोकी पेजातिवा च्‍युङ्‍गुपला ताङ खोकी दाक्‍पी मिजी ति तेरी थर्वा नङ्‍शी सिनी दुक्‍पा वोसिनाङ रेवा क्‍यानी गुनी देन वे।

रोमी 9:10

तोजो तिराङ मिन, सारा नेमा क्‍येवु पुज्‍युङ इसहाककी पेर्मी रिबेकाला साङ पुज्‍युङ छेमा क्‍येसुङ।

१ कोरिन्‍थी 10:16

दाक्‍पु चोवोकी डेन साप पेला दाक्‍पुला मोलाम नङ्‍गुप कोरा नेमा थुनी ख्रीष्‍टकी दाक्‍पी थोक्‍ला तेन्‍दुप ठक नेसुर दाक्‍पु खो ताङ मुला तम्‍जी ल्‍यामु जोवु यिन। तमा शुब्‍ज्‍याङ च्‍याक्‍नी साप ति ख्रीष्‍टकी दाक्‍पी थोक्‍ला टुङ्‍गुप जु नेसुर दाक्‍पु खो ताङ मुला तम्‍जी ल्‍यामु जोवु तेन्‍दोक यिन।

२ कोरिन्थी 8:19

तोजो तिराङ मिन, दुवु बुल्‍वा खुर्नी यरूशलेमला डोप पेला ङ्‍यिरा मुला राङ युक डोप सिनी ती नुप तीला चर्चतिवी पेतुप यिनो। ती बुल्‍वा खुरुप लाका ति चोवोला मोवा कितुप ताङ ङ्‍यिरा यम्‍बाला दाल्‍जा कितुप छासे नोवा वोतुप ति छ्‍या देन्‍दुपला यिन।

गलाती 4:9

यिने त याङ ख्‍यिरा कोन्‍छ्‍योकला ङो शेनी वे, खोकी साङ ख्‍यिराङला ङो शेनी वे। यिन्‍सिनाङ ख्‍यिराङ च्‍यिला ओङ मेतुप ताङ फेन मोथोवु जम्‍बुलिङकी ल्हलुकी ओङला लोक्‍नी शब्‍ज्‍यी कितुप नो किवी?

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

फिलिप्पी 3:1

अच्‍युनुपतिवा, तिङ्‍मी ताम्‍ङे यम्‍बा ति काङ यिन सिसिन ख्‍यिराङ चोवोला तेपा क्‍यावु मी यिन्‍दुप तप्‍की सेम गा की। दी यिकी लोकुर ग्यप्‍नी टिकुपला ङला छेरा मलङ्‍गिवी, ती ति ख्‍यिराङला र्‍होकुपला यिन।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

फिलिप्पी 4:4

चोवो येशू ख्‍यिरा मुला ज्‍युवु तप्‍की ख्‍यिराङ नरी सेम गा किसा। ङ येलुङ सिरिन, ख्‍यिराङ सेम गा किसा।

कलस्सी 2:6

येशू ख्रीष्‍टला ङे चोवो यिन सिनी ख्‍यिरा सेमला लावु तप्‍की ख्‍यिराङ नरी खोकी सुङला ङ्‍येन्‍नी मिजी क्‍योङ।

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।