रोमी 5:10 - कोन्छ्‌योककी सुङ

¹⁰ च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 5:10 Iomraidhean Croise

यूहन्‍ना 14:19

चेयी ज्‍युक्‍ला जम्‍बुलिङकी मीतिवी ङला येलुङ मोथोङ्‍गितो, यिने ख्‍यिरा याङ ङला थोङ्‍गितो। च्‍यिलासिसिन ङ सेन्‍बु वे, तमा ख्‍यिराङ साङ सेन्‍बु लुकिवी।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

यूहन्‍ना 6:40

तमा खोकी पुज्‍युङला ल्‍हानी तीला तेपा कितुपतिवा तेरीकी नाम्‍साङ मिशिवु मिजी थोपुप ति ङे पपी नोवा यिन। तमा जम्‍बुलिङकी तिङ्‍मी तुजेला ङ तिवा तेरीला सेन्‍बु लङ ज्‍यितिन।”

यूहन्‍ना 6:57

ङोसु ज्‍यु वोतुप ङे पपी ङला ताङ्‍सुङ, तमा ङ खो नेसुर मिजी क्‍योङ्‍गिवी। ती दोके ङला साप तीकी साङ ङ नेसुर मिजी क्‍योङ्‍गिवी।

रोमी 11:28

लेन ल्‍यामुला तेपा माक्‍यावु तप्‍की यहूदीतिवा कोन्‍छ्‍योक ताङ मुला डला गलुप यिन। तुक क्‍यासिमा ख्‍यिराङ यहूदी मिन्‍दुप मिरिक यम्‍बातिवाला ति खोकी लेन ल्‍यामु ङ्‍येन्‍दुप ङ्‍येसुङ। यिन्‍सिनाङ यहूदीतिवा ति तिवी हङ्‍गावी छ्‍योक नेसुर कोन्‍छ्‍योककी पेनी ङ्‍यिङ्‍ज्‍ये क्‍या नङ्‍गुप गिपा यिन।

रोमी 5:11

तोजो तिराङ मिन, दाक्‍पी चोवो येशू ख्रीष्‍ट नेसुर दाक्‍पु कोन्‍छ्‍योक ताङ मुला तम्‍जी ल्‍यामु च्‍युङ्‍गुप तप्‍की खोकी दाक्‍पी थोक्‍ला क्‍या नङ्‍गुप लाकाकी जोसालेन्‍सिन त याङ दाक्‍पु छासे गा लानी वे।

रोमी 5:6

तुक क्‍यानी दाक्‍पु दिक्‍पी ओङला शोर्नी काङ साङ कि मुथुपुप पेला राङ येशू ख्रीष्‍ट दाक्‍पी दिक्‍पी थोक्‍ला टेके तुजेला टुङ्‍सुङ।

रोमी 8:32

दाक्‍पी दिक्‍पी थोक्‍ला कोन्‍छ्‍योककी खोरे सेवु साङ र्‍होक माज्‍याक्‍नी दाक्‍पुला नाङ्‍सुङ सिसिन, खोकी सेवुकी मुला राङ यम्‍बा साङ तेरी कटिन नेसुर दाक्‍पुला मानङ्‍गिवी रो?

रोमी 8:34

तुक क्‍यानी सी तिवाला क्‍येन तेर्किवी? येशू ख्रीष्‍ट ति मीतिवी दिक्‍पी थोक्‍ला टुङ्‍सिमा ङोसु लानी तन्‍दा कोन्‍छ्‍योककी छ्‍याक यावी थाकाला ज्‍युनी दाक्‍पी छापला मोपोर कियी वे।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

२ कोरिन्थी 5:20

तुक क्‍यानी कोन्‍छ्‍योककी ङ्‍यिराङला ख्रीष्‍टकी थोक्‍ला ख्‍याप्‍टाक कितुपला तङ्‍गुप यिन। ङ्‍यिरा ख्‍याप्‍टाक क्‍यावु सुङ ङ्‍येन सिनी खोकी ख्‍यिराङला ठाकुरे सिनी सुङ्‍गिवी। ङ्‍यिराङ ख्रीष्‍टकी छ्‍योक नेसुर ख्‍यिराङला सिरिन, ख्‍यिराङ कोन्‍छ्‍योककी मुला तम्‍जी ल्‍यामु जो।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

एफिसी 2:16

तमा येशू ख्रीष्‍ट ग्‍यङ्‍शिङला टुङ्‍नी दाक्‍पु ङ्‍यिकरला डला गलुप ति च्‍यिक राङ जोनी कोन्‍छ्‌योक ताङ मुला थिन च्‍यिसुङ। तमा यहूदी ताङ मिरिक यम्‍बाकी मीतिवी पर्ला ङ्‍यिङ्‍मर कितुप ताम्‍ङेतिवा ना ताङ नाङ्‍सुङ।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 7:25

तुक क्‍यानी खोला तेपा क्‍यानी कोन्‍छ्‍योककी चिप्‍ला वुङ्‍गुपतिवा तेरीला खोकी वुतुङ के दिक्‍पा ने थर ज्‍यिकिवी। च्‍यिलासिसिन तेपा कितुपतिवी थोक्‍ला कोन्‍छ्‍योकला मोपोर ताङ गोङ्‍बा शोपला खो नरी ङोसु ज्‍युकिवी।

१ यूहन्‍ना 2:1

ङे आङातिवा, ख्‍यिराङला दिक्‍पा माकी सिनी ङे दी ताम्‍ङे ति ख्‍यिरा थोक्‍ला टिवु यिनो। यिने सी दिक्‍पा क्‍यासिनाङ दाक्‍पी छ्‍योला लानी कोन्‍छ्‍योक ताङ मुला ताम्‍ङे लपुप मिरा च्‍यिक वे, खो ति टेङ्‍बु वोतुप चोवो येशू ख्रीष्‍ट यिन।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।