रोमी 5:1 - कोन्छ्‌योककी सुङ

¹ तुक क्‍यानी त याङ दाक्‍पु चोवो येशू ख्रीष्‍टला तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की येशू ख्रीष्‍ट नेसुर कोन्‍छ्‍योककी मुला तम्‍जी ल्‍यामु च्‍युङ वे।

रोमी 5:1 Iomraidhean Croise

लूका 19:38

“चोवोकी मिङला फेपुप ग्‍येल्‍वु ति छासे मोलाम थोपुप यिनो! देवाच्‍येनला लोदिमु वुङ्‍शी! तेरी सिनाङ चोछ्‍येवु कोन्‍छ्‍योकला मोवा वुङ्‍शी!”

लूका 19:42

तमा खोकी दुक सुङ्‍सुङ, “हारिङ ख्‍योरो साङ लोदिमुकी थोक्‍ला काङ गोकिवी सिरुप ति हाक्‍कोवु यिन्‍सिन ल्‍यामु वुङ्‍गुप्‍जा। यिने त याङ ख्‍योरो मिककी तीला थोङ मुथुपी।

लूका 2:14

“तेरी सिनाङ येर देवाच्‍येनला कोन्‍छ्‍योकला मोवा वुङ्‍शी, जम्‍बुलिङला कोन्‍छ्‍योककी सु सुला गा क्‍या वे, तिवाला लोदिमु वुङ्‍शी।”

यूहन्‍ना 14:27

ङ ख्‍यिराङला लोदिमु बिन्‍नी डोयी, ङ ङरा लोदिमु ति ख्‍यिराङला तेरिन। ङे ख्‍यिराङला तेरुप लोदिमु ति जम्‍बुलिङकी तेरुप लोदिमु दोके मिन। तुक क्‍यानी ख्‍यिराङ सेम्‍दुक माकी, ज्‍यिवा साङ माकी।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

यूहन्‍ना 20:31

यिने दी थेप टिवु तेन्‍दोक ति येशू ति ख्रीष्‍ट राङ यिन्‍दुप ताङ कोन्‍छ्‍योककी सेवु यिन्‍दुप ति ख्‍यिरा तेपा किशी, तमा खोला तेपा क्‍यानी ख्‍यिराङला नाम्‍साङ मिशिवु मिजी ङ्‍येशी सिनी यिन।

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

लोमा छ्‍येतिवी लाका 10:36

इस्राएलकी मीतिवी थोक्‍ला कोन्‍छ्‍योककी नङ्‍गुप सुङ ति ख्‍यिराङला साङ छ्‍या वे। ती सुङ ति येशू ख्रीष्‍ट नेमा सुङ्‍गुप कोन्‍छ्‍योक ताङ मीतिवी पर्ला वोतुप लोदिमुकी लेन ल्‍यामु यिन। तमा येशू ति तेरीकी चोवो यिन।

रोमी 1:17

ती लेन ल्‍यामु ति कोन्‍छ्‍योककी थोङ्‍दाङला दाक्‍पु दिक्‍छेनतिवाला चुक क्‍यानी टेङ्‍बु वोतुप जोवु ति छ्‍या तेन्‍सुङ। ती टेङ्‍बु ति दाक्‍पी येशूला तेपा क्‍यासिमा तिराङ गिवी। कोन्‍छ्‍योककी सुङला साङ “खोला तेपा क्‍यानी टेङ्‍बु च्‍युङ्‍गुप मीतिवा ति तिवी क्‍यावु तेपा नेमा मिजी ङ्‍येकिवी।” सिनी टि वे।

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

रोमी 10:10

च्‍यिलासिसिन सी खोला सेम नेज्‍युनी तेपा किवे, ती ति कोन्‍छ्‍योककी थोङ्‍दाङला टेङ्‍बु ङ्‍येकिवी। सी मीतिवी मिङ्‍गाला खोला तेपा कितिन सिनी सिवे, तीला दिक्‍पा ने थर ज्‍यिकिवी।

रोमी 10:15

तमा सुङ ख्‍याप्‍टाक कितुप मीतिवा माताङ्‍सिन चुक क्‍यानी खोकी सुङ ख्‍याप्‍टाक किवी रो? ती तप्‍की कोन्‍छ्‍योककी सुङला “लेन ल्‍यामु ख्‍याप्‍टाक कितुप मीतिवी कोम्‍बा योपुप ति छासे ल्‍यामु यिन।” सिनी टि वे।

रोमी 14:17

च्‍यिलासिसिन कोन्‍छ्‍योककी ग्‍येल्‍खाप ति साप ताङ थुङ्‍गुपकी थोक्‍ला मिन, खोकी थु चाङ्‍माकी ओङला खोकी थोङ्‍दाङला टेङ्‍बु वोतुप ताङ लोदिमु ताङ सेम किर्मुकी थोक्‍ला यिन।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 15:33

सेमला लोदिमु नङ्‍गुप कोन्‍छ्‍योक ति ख्‍यिराङ तेरीकी मुला नरी ज्‍युशी। आमिन।

रोमी 3:22

ती कोन्‍छ्‍योक नेमा वावु टेङ्‍बु ति येशू ख्रीष्‍टला तेपा क्‍यासिमा मी तेरीला वुङ्‍गुप यिन। खोकी सुला साङ नाम्‍साङ ख्‍ये मेबेवी।

रोमी 3:30

कोन्‍छ्‍योक ति च्‍यिक राङ वोतुप यिन। तुक क्‍यानी खोकी यहूदीतिवी च्‍येतुप लुक्‍सु क्‍यावुतिवाला तिवी क्‍यावु तेपा थोङ्‍नी तिवा टेङ्‍बु वोतुप ङ्‍येकिवी, च्‍येतुप लुक्‍सु माक्‍यावुतिवाला साङ तिवी क्‍यावु तेपा थोङ्‍नी तिवा टेङ्‍बु वोतुप ङ्‍येकिवी।

रोमी 4:5

चुका मी तीकी टेङ्‍बु वोतुप लाका ति मिकिवी, यिने कोन्‍छ्‍योक ति मी मेटेङ्‍बुतिवाला साङ टेङ्‍बु वे सिनी सेमला लिङ्‍गुप कोन्‍छ्‍योक यिन सिनी तेपा कितुप पेला तीकी क्‍यावु तेपाला टेङ्‍बु वे सिनी खोकी सेमला लिङ्‍गिवी।

रोमी 5:11

तोजो तिराङ मिन, दाक्‍पी चोवो येशू ख्रीष्‍ट नेसुर दाक्‍पु कोन्‍छ्‍योक ताङ मुला तम्‍जी ल्‍यामु च्‍युङ्‍गुप तप्‍की खोकी दाक्‍पी थोक्‍ला क्‍या नङ्‍गुप लाकाकी जोसालेन्‍सिन त याङ दाक्‍पु छासे गा लानी वे।

रोमी 5:18

तुक क्‍यानी मी मिरा च्‍यिककी क्‍यावु दिक्‍पाकी जोसालेन्‍सिन तेरी मीतिवाला कोन्‍छ्‍योककी पर्च्या फोक्‍सुङ। तुक राङ क्‍यानी मी मिरा च्‍यिककी लाका टेङ्‍बु क्‍यावु तप्‍की तेरी मीतिवाला मिजी नङ्‍गुप कोन्‍छ्‍योककी थोङ्‍दाङला टेङ्‍बु वोतुप ङ्‍येसुङ।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

रोमी 9:30

तुक क्‍यानी दाक्‍पु काङ सिरुप? यहूदी मिन्‍दुप मिरिक यम्‍बाकी मीतिवी कोन्‍छ्‍योककी ठिमला सिक्‍यावु दोके माक्‍यासिनाङ खोकी थोङ्‍दाङला टेङ्‍बु च्‍युङ वे। ती टेङ्‍बु ति तेपा क्‍यावु तप्‍की च्‍युङ्‍गुप यिन।

गलाती 2:16

दाक्‍पु ति मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, येशू ख्रीष्‍टला तेपा क्‍यासिमा टेङ्‍बु च्‍युङ्‍गुप यिन सिनी हाक्‍कोकिवी। तुक क्‍यानी मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, यिने ख्रीष्‍टला तेपा क्‍यासिमा टेङ्‍बु च्‍युङ्‍गुप तप्‍की दाक्‍पु यहूदी साङ येशू ख्रीष्‍टला तेपा किवी। च्‍यिलासिसिन मोशाकी ठिमला वोतुप लाकातिवा क्‍यानी सु साङ टेङ्‍बु च्‍युङ मुथुपी।

गलाती 3:25

यिने त दाक्‍पी येशूला तेपा क्‍यावु तप्‍की दाक्‍पुला गेकेन दोके गोमा कितुप मोशाकी ठिम ति मोगोवी।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

एफिसी 2:7

तुक क्‍यावु ति च्‍यम्‍बा वोतुप कोन्‍छ्‍योककी येशू ख्रीष्‍ट नेसुर दाक्‍पुला ग्‍यक्‍चेकी कटिन नङ्‍गुप ति त वुङ्‍गुप कल्‍वाला छ्‍या देन्‍दुपला यिन।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

कलस्सी 1:20

तमा ख्रीष्‍ट ग्‍यङ्‍शिङला टुङ्‍नी तेन्‍दुप ठक नेसुर लोदिमु नङ्‍नी खोकी जम्‍बुलिङ ताङ देवाच्‍येनकी तेरी च्‍यालकतिवा खोरे मुला डिक्‍सुङ।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

२ थेसलोनिकी 3:16

त लोदिमु वोतुप चोवोकी ख्‍यिराङला चो पेला कनी गल्‍सिनाङ नरी लोदिमु नङ्‍शी। तमा खो नरी ख्‍यिरा तेरीकी मुला राङ ज्‍युशी।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।