रोमी 4:9 - कोन्छ्‌योककी सुङ

⁹ ती मोलाम ति यहूदी च्‍येतुप लुक्‍सु क्‍यावुतिवी थोक्‍ला तिराङ यिन की, च्‍येतुप लुक्‍सु माक्‍यावुतिवी थोक्‍ला साङ यिन? अब्राहामकी साङ तीकी क्‍यावु तेपा नेसुर राङ टेङ्‍बु वे सिनी कोन्‍छ्‍योककी सेमला लासुङ सिनी गोमाला सिक्‍यावु ताम्‍ङे नेसुर दाक्‍पी हाक्‍कोकिवी।

रोमी 4:9 Iomraidhean Croise

लूका 2:32

दी ति यहूदी मिन्‍दुप मिरिक यम्‍बातिवाला ति चोवोकी लाम छ्‍या देन्‍दुप वोसिर यिन, तमा इस्राएलकी मीतिवाला ति मोवा ङ्‍ये ज्‍यितुप यिन।”

रोमी 4:10

चुक क्‍यानी अब्राहामला टेङ्‍बु वे सिनी खोकी सेमला लिङ्‍गुप यिन? तीकी च्‍येतुप लुक्‍सु क्‍यावु तिङ्‍ला तीला टेङ्‍बु वे सिनी खोकी सेमला लिङ्‍गुप यिन की, ती सिनाङ गोमाला के तीला टेङ्‍बु वे सिनी सुङ्‍गुप यिन? तीला टेङ्‍बु वे सिनी खोकी सेमला लिङ्‍गुप ति च्‍येतुप लुक्‍सु क्‍यावु तिङ्‍ला मिन, गोमाला के यिन।

रोमी 4:3

च्‍यिलासिसिन कोन्‍छ्‍योककी सुङगी नाङ्‍ला “अब्राहामकी कोन्‍छ्‍योकला तेपा क्‍यावु तप्‍की खोकी तीला टेङ्‍बु वे सिनी सेमला लासुङ।” सिनी टि वे।

गलाती 3:14

ख्रीष्‍टकी तुक क्‍यावु तेन्‍दोक ति अब्राहामला बिन्‍दुप मोलाम ति यहूदी मिन्‍दुप मिरिक यम्‍बाकी मीतिवाला ङ्‍ये थुप्‍शी, तमा दाक्‍पुला ति तेपा क्‍यासिमा कोन्‍छ्‍योककी थाक्‍छ्‍येन नङ्‍गुप थु चाङ्‍मा ङ्‍ये थुप्‍शी सिनी यिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

कलस्सी 3:11

कोन्‍छ्‍योककी मिजी सम्‍बा जो नङ्‍गुप तप्‍की दे याङ ग्रीक ताङ यहूदी, च्‍येतुप लुक्‍सु क्‍यावु ताङ च्‍येतुप लुक्‍सु माक्‍यावु, छ्‍यिग्‍यपकी मी ताङ च्‍योलाम ल्‍यामु मेतुप मी, योक्‍पु ताङ योक्‍पु मिन्‍दुप मीतिवी पर्ला काङ साङ ख्‍ये मे। यिने ख्रीष्‍ट तिराङ तेरी सिनाङ खक्‍छ्‍येवु वे, तमा खो ति तेरी मीतिवी मुला ज्‍यु वे।