रोमी 4:6 - कोन्छ्‌योककी सुङ

⁶ ती तप्‍की लाका टेङ्‍बु माक्‍यानी साङ टेङ्‍बु वे सिनी खोकी सेमला लिङ्‍गुप मीतिवाला मोलाम थोपुप कोर्ला ग्‍येल्‍वु दाऊदकी दुक सिक्‍या वे,

रोमी 4:6 Iomraidhean Croise

मत्ती 25:19

लो अलायी ज्‍युक्‍ला ती लावातिवी ज्‍यिन्‍दाक ति लोक्‍नी वासिमा खोरो लावातिवी मुला खोरो टङ्‍गी ची लासुङ।

रोमी 1:17

ती लेन ल्‍यामु ति कोन्‍छ्‍योककी थोङ्‍दाङला दाक्‍पु दिक्‍छेनतिवाला चुक क्‍यानी टेङ्‍बु वोतुप जोवु ति छ्‍या तेन्‍सुङ। ती टेङ्‍बु ति दाक्‍पी येशूला तेपा क्‍यासिमा तिराङ गिवी। कोन्‍छ्‍योककी सुङला साङ “खोला तेपा क्‍यानी टेङ्‍बु च्‍युङ्‍गुप मीतिवा ति तिवी क्‍यावु तेपा नेमा मिजी ङ्‍येकिवी।” सिनी टि वे।

रोमी 3:27

ती तप्‍की दाक्‍पु कङगी थोक्‍ला तेके किवी? कोन्‍छ्‍योककी थोङ्‍दाङला दाक्‍पु तेके कितुप काङ लाका माक्‍या वे। चुका ठिमकी थोक्‍ला तेके किवी? खोकी दोङ्‍ला तेके कितुप ति ठिमकी सिक्‍यावु दोके ल्‍यामु क्‍यानी युकुप नेसुर यिन? मिन, येशू ख्रीष्‍टला तेपा क्‍यावु तप्‍की यिन।

रोमी 4:11

अब्राहामकी च्‍येतुप लुक्‍सु कितुप सिनाङ गोमाला कोन्‍छ्‍योकला तेपा क्‍यासुङ। ती तप्‍की तीकी च्‍येतुप लुक्‍सु क्‍यावु ति कोन्‍छ्‍योककी थोङ्‍दाङला टेङ्‍बु च्‍युङ्‍गुप यिन सिरुपला लज्‍युर ग्‍यकुप त तिराङ यिन। अब्राहाम ति च्‍येतुप लुक्‍सु माक्‍यासिनाङ कोन्‍छ्‍योकला तेपा क्‍यावु मीतिवा तेरीकी हङ्‍गावा च्‍युङ्‍गुप यिन। तुक क्‍यानी च्‍येतुप लुक्‍सु माक्‍यावुतिवाला साङ टेङ्‍बु वे सिनी कोन्‍छ्‍योककी सेमला लिङ्‍गिवी।

रोमी 4:24

येशू ख्रीष्‍टला शेप ने ङोसु लोङ्‍गुप कोन्‍छ्‍योकला तेपा क्‍यानी खोकी थोङ्‍दाङला टेङ्‍बु ङ्‍येतुप दाक्‍पु तेरीकी थोक्‍ला साङ टिवु यिन।

रोमी 4:5

चुका मी तीकी टेङ्‍बु वोतुप लाका ति मिकिवी, यिने कोन्‍छ्‍योक ति मी मेटेङ्‍बुतिवाला साङ टेङ्‍बु वे सिनी सेमला लिङ्‍गुप कोन्‍छ्‍योक यिन सिनी तेपा कितुप पेला तीकी क्‍यावु तेपाला टेङ्‍बु वे सिनी खोकी सेमला लिङ्‍गिवी।

रोमी 4:7

“कोन्‍छ्‍योककी नङ्‍गुप ठिमला मातेन्‍सिनाङ तिवी दिक्‍पा तानी दिक्‍पा ने थरुप मीतिवाला मोलाम थोपुप यिनो।

रोमी 4:9

ती मोलाम ति यहूदी च्‍येतुप लुक्‍सु क्‍यावुतिवी थोक्‍ला तिराङ यिन की, च्‍येतुप लुक्‍सु माक्‍यावुतिवी थोक्‍ला साङ यिन? अब्राहामकी साङ तीकी क्‍यावु तेपा नेसुर राङ टेङ्‍बु वे सिनी कोन्‍छ्‍योककी सेमला लासुङ सिनी गोमाला सिक्‍यावु ताम्‍ङे नेसुर दाक्‍पी हाक्‍कोकिवी।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

गलाती 3:14

ख्रीष्‍टकी तुक क्‍यावु तेन्‍दोक ति अब्राहामला बिन्‍दुप मोलाम ति यहूदी मिन्‍दुप मिरिक यम्‍बाकी मीतिवाला ङ्‍ये थुप्‍शी, तमा दाक्‍पुला ति तेपा क्‍यासिमा कोन्‍छ्‍योककी थाक्‍छ्‍येन नङ्‍गुप थु चाङ्‍मा ङ्‍ये थुप्‍शी सिनी यिन।

गलाती 4:15

तोजो पेला वोतुप ख्‍यिरा गा ति कनी गाल? च्‍यिलासिसिन ङला गोसिन ख्‍यिरा ङला रङगी मिक साङ तेन्‍नी तेर थुपुप ति यिन्‍जा।

एफिसी 1:3

दाक्‍पी चोवो येशू ख्रीष्‍टकी पपा कोन्‍छ्‌योकला सोवा वुङ्‍शी, च्‍यिलासिसिन खोकी येशू ख्रीष्‍ट नेसुर देवाच्‍येनला वोतुप तेरी मोलाम ति दाक्‍पुला नङ्‍नी वे।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

याकूब 2:18

यिने दोजो मी ललाइकी “ख्‍युरुङला तेपा वे, ङला ति किताङ नालु ल्‍यामु वे। ख्‍योरो किताङ नालु मेतुप तेपा ति ङला छ्‍या तेन! तमा ङे क्‍यावु किताङ नालु नेमा ङे तेपा ति ख्‍युरुङला छ्‍या देनिन।” सिनी सिवी।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।