रोमी 4:2 - कोन्छ्‌योककी सुङ

² दोजो अब्राहामकी लाका ल्‍यामु क्‍यानी टेङ्‍बु च्‍युङ्‍गुप यिन्‍सियाङ खोकी साङ तीकी थोक्‍ला तेके कि थुप्‍किवी, यिने कोन्‍छ्‍योककी थोङ्‍दाङला ति तेके कि मुथुपी।

रोमी 4:2 Iomraidhean Croise

रोमी 15:17

ती तप्‍की ङ ति येशू ख्रीष्‍टकी ओङला देनी कोन्‍छ्‍योकला शब्‍ज्‍यी बुलुप लाका कितुपला छासे तेके कितिन।

१ कोरिन्‍थी 1:29

खोकी तुक क्‍या नङ्‍गुप ति दाक्‍पु सु साङ ङ राङ छ्‍ये यिन सिरुप नो मिकिशी सिनी यिन।

१ कोरिन्‍थी 1:31

ती तप्‍की कोन्‍छ्‍योककी सुङला साङ “दोजो तेके कितुप यिन्‍सिन चोवो कोन्‍छ्‍योककी थोक्‍ला राङ तेके किशी।” सिनी टि वे।

१ कोरिन्‍थी 4:7

सी ख्‍यिराङला मी यम्‍बा सिनाङ छ्‍ये यिन सिनी सिक्‍यासुङ? ख्‍यिरा मुला वोतुप तेरी मोलामतिवा कोन्‍छ्‍योककी ख्‍यिराङला नङ्‍गुप मिन रो? यिन्‍सिनाङ ख्‍यिराङ च्‍यिला तेके किवी?

१ कोरिन्‍थी 9:16

दोजो ङे लेन ल्‍यामु ख्‍याप्‍टाक क्‍यासिनाङ काङ अम्‍बारङ्‍शिङ कितुप ताम्‍ङे मे, च्‍यिलासिसिन ङे लेन ल्‍यामु ख्‍याप्‍टाक माक्‍यावाला माक्‍यावी मेवी। ख्‍याप्‍टाक माक्‍यासिन ङला कोन्‍छ्‍योककी पर्च्या फोकिवी।

२ कोरिन्थी 11:12

ङ ङे क्‍यावु लाका ति नरी क्‍या क्‍यावा देतिन। तुक क्‍यासिन खोप्‍राङ राङ चोछ्‍येवु लोमा छ्‍ये दोके जोनी युकुप मीतिवी खोप्‍राङ साङ ङ्‍यिराङ दोके यिन सिरुप च्‍यु मेङ्‍येवी।

२ कोरिन्थी 11:30

ङे तेके राङ कि गोसिन ङला ङार मेतुपकी थोक्‍ला राङ तेके किवी।

२ कोरिन्थी 5:12

ङ्‍यिरा येलुङ रङगी थोक्‍ला तिराङ तेके कितुप छलुप मिन, बोरु ख्‍यिराङला ङ्‍यिरा कोर्ला तेके कितुपला तुजे बिन वे। तुक क्‍यासिन ख तिराङ ङ राङ यिन सिनी सेम ति मेलोक्‍पा वोतुप मीतिवाला ख्‍यिरा टिलेन तेर थुप्‍किवी।

गलाती 3:22

यिने कोन्‍छ्‍योककी सुङला “जम्‍बुलिङकी मीतिवा तेरी दिक्‍पी ओङला वे।” सिनी वे। तुक क्‍यानी येशू ख्रीष्‍टला तेपा कितुप मीतिवाला तिराङ खोकी थाक्‍छ्‍येवु ताम्‍ङे ति थोप्‍किवी।

एफिसी 2:9

दाक्‍पी लाका ल्‍यामु क्‍यानी ङ्‍येतुप मिन, मिसियाङ मीतिवी ङ राङ यिन सिनी सिवी।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।