रोमी 4:18 - कोन्छ्‌योककी सुङ

¹⁸ अब्राहामला काङ रेवा मेसिनाङ कोन्‍छ्‍योकला तेपा क्‍यानी रेवा क्‍यावु तप्‍की खो मिरिक बङीकी हङ्‍गावा च्‍युङ्‍सुङ। ती ति कोन्‍छ्‍योककी अब्राहामला “ख्‍योरो गिपातिवा बङी फेल्‍गितो।” सिनी सुङ्‍गुप दोके राङ यिन।

रोमी 4:18 Iomraidhean Croise

लूका 1:18

तमा जकरियाकी ती देवाच्‍येनकी लेन क्‍योलुप थु तीला टिसुङ, “ती ताम्‍ङे ति ङ चुक क्‍यानी तेन्‍तेन कितुप? त याङ ङ गावा गल्‍सिन्‍सुङ, ङे पेर्मी साङ गामा गल्‍सिन्‍सुङ।”

लोमा छ्‍येतिवी लाका 27:25

तुक क्‍यानी दाल्‍जी टेङ, ङाडेङ की। कोन्‍छ्‍योककी ङला काङ सुङ्‍गुप ति तुकै राङ गिवी सिनी ङ तेपा कितिन।

रोमी 4:17

ती ति कोन्‍छ्‍योककी अब्राहामला “ङ ख्‍युरुङला मिरिक बङीकी पपा जोयिनो।” सिनी खोकी सुङला टिवु दोके राङ यिन। ती थाक्‍छ्‍येन नङ्‍गुप ति अब्राहामकी तेपा क्‍यावु कोन्‍छ्‍योककी तेन्‍तेन क्‍या नङ्‍गुप यिन। खो ति शेपतिवाला मिजी नङ्‍गुप ताङ मेतुप च्‍यालकतिवाला वोतुप जो नङ्‍गुप कोन्‍छ्‍योक यिन।

रोमी 4:19

तो मिसिन लो सयी लेपुप छलुप अब्राहाम शितुछ्‍येप ताङ पेर्मी साराला पेजा मेक्‍येवी सिरुप छ्‍या वोसिनाङ कोन्‍छ्‍योकला तेपा रम्‍बु क्‍यानी

रोमी 5:5

तमा ती रेवा ङ्‍येसिमा दाक्‍पुला यिछ्‍येता मलङ्‍गिवी। च्‍यिलासिसिन कोन्‍छ्‍योककी दाक्‍पुला नङ्‍गुप थु चाङ्‍मा नेमा खोकी ङ्‍यिङ्‌ज्‍ये ति दाक्‍पी सेमला छासे क्‍यानी नाङ्‍सुङ।

रोमी 8:24

च्‍यिलासिसिन दाक्‍पी ती रेवा क्‍यावु तप्‍की खोकी दाक्‍पुला थर्वा नाङ वे। ती रेवा ति दाक्‍पी मिककी थोङ्‍गुप रेवा मिन। च्‍यिलासिसिन सी साङ थोङ्‍गुप च्‍यालकला रेवा मिकिवी।

हिब्रू 6:19

ती रेवाला राङ दाक्‍पी मिजी ति रेन्‍नी देन वे। दी रेवा ति ग्‍येम्‍छो नाङ्‍ला वोतुप टुला लङ्‍गर ग्‍यप्‍सिमा टु ति र्‍होकुप दोके दाक्‍पी सेमला रम्‍बु ताङ र्‍होकुप च्‍युङ्‍नी वे। तमा ती रेवा ति यहूदी ल्‍हङाङला ग्‍यपुप गोयोल नङगी छासे चाङ्‍मा वोतुप दासा सेक लेपुपला दाल्‍जा किवी।