रोमी 4:15 - कोन्छ्‌योककी सुङ

¹⁵ च्‍यिलासिसिन मोशाकी ठिमला वोतुप कतिवा मेङ्‍येन्‍दुपतिवा कोन्‍छ्‍योककी पर्च्याला ख्‍येल्‍गिवी, यिने ठिम मेतुप यिन्‍सिन ठिमला मेङ्‍येन्‍दुप साङ मेवी।

रोमी 4:15 Iomraidhean Croise

यूहन्‍ना 15:22

दोजो ङ जम्‍बुलिङला वानी तिवाला सिमाक्‍यावु यिन्‍सिन तिवाला दिक्‍पाकी क्‍येन मोफोकुप्‍जा, यिने त याङ तिवी खोप्‍रे दिक्‍पी थोक्‍ला काङ साङ खुङ कि मुथुपी।

यूहन्‍ना 3:36

सी कोन्‍छ्‍योककी सेवुला तेपा किवे, तीला नाम्‍साङ मिशिवु मिजी थोप्‍किवी। यिने सी कोन्‍छ्‍योककी सेवुला तेपा मिकिवे, तीला ती मिजी मोथोपिवी, बोरु कोन्‍छ्‍योककी पर्च्या तीकी खला ख्‍येल्‍गिवी।”

रोमी 1:17

ती लेन ल्‍यामु ति कोन्‍छ्‍योककी थोङ्‍दाङला दाक्‍पु दिक्‍छेनतिवाला चुक क्‍यानी टेङ्‍बु वोतुप जोवु ति छ्‍या तेन्‍सुङ। ती टेङ्‍बु ति दाक्‍पी येशूला तेपा क्‍यासिमा तिराङ गिवी। कोन्‍छ्‍योककी सुङला साङ “खोला तेपा क्‍यानी टेङ्‍बु च्‍युङ्‍गुप मीतिवा ति तिवी क्‍यावु तेपा नेमा मिजी ङ्‍येकिवी।” सिनी टि वे।

रोमी 5:13

कोन्‍छ्‍योककी मोशाला ठिम नङ्‍गुप सिनाङ गोमाला दी जम्‍बुलिङला दिक्‍पा नोक, यिने दिक्‍पाकी कोर्ला ठिम मेतुप तप्‍की दिक्‍पाकी छ्‍येर्पा साङ मिन्‍दुक।

१ कोरिन्‍थी 15:56

शेपकी ना तोङ्‍गुप ओङ ति दिक्‍पा यिन। तमा दिक्‍पाकी ओङ ति मोशाकी बिन्‍दुप ठिम यिन।

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 3:19

तुकै यिन्‍सिन दी मोशाकी ठिम ति च्‍यिला बिन्‍दुप यिनाङ? ती ति कोन्‍छ्‍योककी थाक्‍छ्‍येन नङ्‍गुप गिपा वुङ्‍दा सेक दिक्‍पा छ्‍या देन्‍दुपला जो नङ्‍गुप यिन। ती मोशाकी ठिम ति देवाच्‍येनकी लेन क्‍योलुप थुतिवा नेसुर खोकी मोशाला नङ्‍गुप यिन। तमा ती ति मोशाकी मीतिवाला बिन्‍दुप यिन।

एफिसी 5:6

सी साङ ख्‍यिराङला ताम्‍ङे मेशोलोक लाप्‍नी जिनोक मोजोशी, च्‍यिलासिसिन ती ताम्‍ङेकी जोसालेन्‍सिन कोन्‍छ्‌योककी सुङ मेङ्‍येन्‍दुपतिवी खला खोकी पर्च्या फोकिवी।

कलस्सी 3:6

ती ताम्‍ङेतिवी जोसालेन्‍सिन कोन्‍छ्‍योककी पर्च्या ति खोकी कला मेङ्‍येन्‍दुपतिवाला ख्‍येल्‍गिवी।

१ यूहन्‍ना 3:4

दिक्‍पा कितुप मीतिवा तेरी कोन्‍छ्‍योककी ठिमला मेङ्‍येन्‍दिवी। च्‍यिलासिसिन दिक्‍पा कितुप ति कोन्‍छ्‍योककी ठिमला मेतेन्‍दुप यिन।

ज्‍यल्‍का 19:15

तमा मिरिक कुतुक कुतुककी मीतिवाला बेपुपला खोकी ख नेमा खुर्पा नेन्‍बु च्‍यिक थेन्‍नी नोक। खोकी च्‍याङ्‍युङ थ्‍वोनी लुङ्‍बा कुतुककी मीतिवाला ठिम तोङ्‍गिवी। तमा तोरीकी नुम चिरुप कोलला तोरी लुक्‍नी नुम चिरुप दोके चोछ्‍येवु कोन्‍छ्‍योककी पर्च्या कशेन क्‍यानी तिवाला तेर्किवी।