रोमी 4:13 - कोन्छ्‌योककी सुङ

¹³ तमा अब्राहाम ताङ खोकी गिपातिवाला ती जम्‍बुलिङ ति अंश ग्‍यप्‍नी नङ्‍गिवी सिनी कोन्‍छ्‍योककी थाक्‍छ्‍येन नङ्‍गुप ति तिवी मोशाकी ठिमला सिक्‍यावु दोके लाका क्‍यानी मिन, यिने तेपा क्‍यानी टेङ्‍बु च्‍युङ्‍गुप नेसुर यिन।

रोमी 4:13 Iomraidhean Croise

लोमा छ्‍येतिवी लाका 13:32

कोन्‍छ्‍योककी दाक्‍पी पगावा हङ्‍गावाला थाक्‍छ्‍येन नङ्‍गुप लेन ल्‍यामु ति ङ्‍यिराङ ख्‍याप्‍टाक किवी।

रोमी 4:12

ती तिराङ मिन, अब्राहाम ति च्‍येतुप लुक्‍सु क्‍यावुतिवी हङ्‍गावा साङ यिन। च्‍येतुप लुक्‍सु क्‍यावु तिराङ मिन, च्‍येतुप लुक्‍सु कितुप सिनाङ गोमाला के कोन्‍छ्‍योकला तेपा कितुपतिवा तेरीकी हङ्‍गावा यिन।

रोमी 9:8

तीकी तेन्‍दोक ति अब्राहाम नेसुर च्‍युङ्‍गुपतिवा कोन्‍छ्‍योककी पुज्‍युङ पुम मिन, यिने कोन्‍छ्‍योककी थाक्‍छ्‍येन नङ्‍सिमा क्‍येवुतिवा तिराङ अब्राहामकी गिपा यिन।

गलाती 3:29

ख्‍यिराङ ख्रीष्‍टकी ति यिन्‍सिन अब्राहामकी गिपा यिन, तमा कोन्‍छ्‍योककी थाक्‍छ्‍येन नङ्‍गुप अंश थोप छ्‍योवु पुज्‍युङ यिन।

हिब्रू 11:7

तेपा नेसुर राङ नोआकी ती पेला सेक नाम्‍साङ माथोङ्‍गुप शोतोक ग्‍येर्पु ग्‍यकुपकी कोर्ला कोन्‍छ्‍योककी तीला सुङ्‍गुप ति ङ्‍येन्‍नी खोला मोवा कियी सिरा टु ग्‍येर्पु च्‍यिक जोनी खोरो मिछाङतिवाला र्‍होक्‍सुङ। तीकी तुका तेपा क्‍यानी जम्‍बुलिङकी मीतिवाला क्‍येन वोतुप ति छ्‍या तेन्‍सुङ। तमा खुरुङ ति तेपा क्‍यानी कोन्‍छ्‍योककी थोङ्‍दाङला टेङ्‍बु वोतुप च्‍युङ्‍सुङ। ती मोलाम ति कोन्‍छ्‍योकला तेपा कितुप मी तेरीला थोप्‍किवी।

हिब्रू 7:6

यिने मल्‍कीसेदेक याङ लेवीकी गिपा मिन। यिन्‍सिनाङ अब्राहाम नेसुर च्‍यिथम्‍बी नाङ ने च्‍यिक ति लासुङ। तमा कोन्‍छ्‍योककी थाक्‍छ्‍येन नङ्‍गुप ति थोपुप अब्राहामला तीकी मोलाम बिन्‍सुङ।