रोमी 4:11 - कोन्छ्‌योककी सुङ

¹¹ अब्राहामकी च्‍येतुप लुक्‍सु कितुप सिनाङ गोमाला कोन्‍छ्‍योकला तेपा क्‍यासुङ। ती तप्‍की तीकी च्‍येतुप लुक्‍सु क्‍यावु ति कोन्‍छ्‍योककी थोङ्‍दाङला टेङ्‍बु च्‍युङ्‍गुप यिन सिरुपला लज्‍युर ग्‍यकुप त तिराङ यिन। अब्राहाम ति च्‍येतुप लुक्‍सु माक्‍यासिनाङ कोन्‍छ्‍योकला तेपा क्‍यावु मीतिवा तेरीकी हङ्‍गावा च्‍युङ्‍गुप यिन। तुक क्‍यानी च्‍येतुप लुक्‍सु माक्‍यावुतिवाला साङ टेङ्‍बु वे सिनी कोन्‍छ्‍योककी सेमला लिङ्‍गिवी।

रोमी 4:11 Iomraidhean Croise

मत्ती 16:16

तमा सिमोन पत्रुसकी “गेकेन याङ ङोसु वोतुप कोन्‍छ्‍योककी सेवु ख्रीष्‍ट यिन।” सिनी सिक्‍यासुङ।

मत्ती 8:11

तुक क्‍यानी ङ ख्‍यिराङला टेङ्‍बो सिरिन, तेरी जम्‍बुलिङकी मीतिवा शरकी थाका नेसुर ताङ नुपकी थाका नेसुर वानी अब्राहाम ताङ इसहाक ताङ याकूबकी मुला देवाच्‍येनकी ग्‍येल्‍खापकी डेनला देतुप ङ्‍येकितो।

लूका 19:9

तमा येशूकी जखायसला सुङ्‍सुङ, “हारिङ दी खाङ्‍बी तेरी मीतिवा दिक्‍पा ने थार्सुङ। च्‍यिलासिसिन दी मी साङ अब्राहामकी गिपा राङ यिन।

यूहन्‍ना 3:33

यिने सी खोकी पङ्‍बुला तेपा किवे, तीकी कोन्‍छ्‍योक ति टेङ्‍बु वे सिनी तेन्‍तेन किवी।

यूहन्‍ना 3:36

सी कोन्‍छ्‍योककी सेवुला तेपा किवे, तीला नाम्‍साङ मिशिवु मिजी थोप्‍किवी। यिने सी कोन्‍छ्‍योककी सेवुला तेपा मिकिवे, तीला ती मिजी मोथोपिवी, बोरु कोन्‍छ्‍योककी पर्च्या तीकी खला ख्‍येल्‍गिवी।”

यूहन्‍ना 6:35

यिने येशूकी तिवाला सुङ्‍सुङ, “नाम्‍साङ मिशिवु मिजी तेरुप शुब्‍ज्‍याङ ति ङ राङ यिन। ङे ते वुङ्‍गुपतिवा नाम्‍साङ ल्‍होवा मलङ्‍गिवी, तमा ङला तेपा कितुपतिवा नाम्‍साङ कोम्‍बा मलङ्‍गिवी।

यूहन्‍ना 6:40

तमा खोकी पुज्‍युङला ल्‍हानी तीला तेपा कितुपतिवा तेरीकी नाम्‍साङ मिशिवु मिजी थोपुप ति ङे पपी नोवा यिन। तमा जम्‍बुलिङकी तिङ्‍मी तुजेला ङ तिवा तेरीला सेन्‍बु लङ ज्‍यितिन।”

यूहन्‍ना 6:47

वुतुङ के ङ ख्‍यिराङला सिरिन, सी ङला तेपा किवे, तीला नाम्‍साङ मिशिवु मिजी थोप्‍किवी।

यूहन्‍ना 8:33

ती थोसिमा तिवी खोला “ङ्‍यिराङ याङ अब्राहामकी गिपा यिन, त सेक ङ्‍यिराङ सी योक्‍पु साङ माच्‍युङ, यिने ख्‍योरे च्‍यिला ङ्‍यिराङला पि तोङ्‍गितो सिनी सिक्‍यावु यिन?” सिनी सिक्‍यासुङ।

रोमी 10:11

तुक क्‍यानी कोन्‍छ्‍योककी सुङला साङ दुक सिनी टि वे, “खोला तेपा कितुप मीतिवा सु साङ ङोछाला मेख्‍येल्‍वी।”

रोमी 10:4

च्‍यिलासिसिन कोन्‍छ्‍योककी ठिमला गोवु तेरी ताम्‍ङेतिवा ख्रीष्‍टकी छे च्‍यिसुङ। तुक क्‍यानी सी खोला तेपा किवे, तिवा कोन्‍छ्‍योककी थोङ्‍दाङला टेङ्‍बु ङ्‍येकिवी।

रोमी 10:6

यिने तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप मीतिवी दुक सिनी सिवी, “ख्‍योरो सेमला ‘सु देवाच्‍येनला डिवी?’ सिनी मासिर।” (तीकी तेन्‍दोक ति ख्रीष्‍टला मर पाम वुङ्‍गुप यिन।)

रोमी 3:22

ती कोन्‍छ्‍योक नेमा वावु टेङ्‍बु ति येशू ख्रीष्‍टला तेपा क्‍यासिमा मी तेरीला वुङ्‍गुप यिन। खोकी सुला साङ नाम्‍साङ ख्‍ये मेबेवी।

रोमी 3:26

खोकी हम क्‍यानी पर्च्या माताङ्‍नी तन्‍दा दी कल्‍वाला टेङ्‍बु वोतुप छ्‍या तेन्‍दुप तेन्‍दोक ति खो टेङ्‍बु वोतुप ताङ येशूला तेपा कितुपतिवा तेरी टेङ्‍बु वोतुप ति मीतिवाला हाक्‍को ज्‍यितुपला यिन।

रोमी 3:30

कोन्‍छ्‍योक ति च्‍यिक राङ वोतुप यिन। तुक क्‍यानी खोकी यहूदीतिवी च्‍येतुप लुक्‍सु क्‍यावुतिवाला तिवी क्‍यावु तेपा थोङ्‍नी तिवा टेङ्‍बु वोतुप ङ्‍येकिवी, च्‍येतुप लुक्‍सु माक्‍यावुतिवाला साङ तिवी क्‍यावु तेपा थोङ्‍नी तिवा टेङ्‍बु वोतुप ङ्‍येकिवी।

रोमी 4:10

चुक क्‍यानी अब्राहामला टेङ्‍बु वे सिनी खोकी सेमला लिङ्‍गुप यिन? तीकी च्‍येतुप लुक्‍सु क्‍यावु तिङ्‍ला तीला टेङ्‍बु वे सिनी खोकी सेमला लिङ्‍गुप यिन की, ती सिनाङ गोमाला के तीला टेङ्‍बु वे सिनी सुङ्‍गुप यिन? तीला टेङ्‍बु वे सिनी खोकी सेमला लिङ्‍गुप ति च्‍येतुप लुक्‍सु क्‍यावु तिङ्‍ला मिन, गोमाला के यिन।

रोमी 9:30

तुक क्‍यानी दाक्‍पु काङ सिरुप? यहूदी मिन्‍दुप मिरिक यम्‍बाकी मीतिवी कोन्‍छ्‍योककी ठिमला सिक्‍यावु दोके माक्‍यासिनाङ खोकी थोङ्‍दाङला टेङ्‍बु च्‍युङ वे। ती टेङ्‍बु ति तेपा क्‍यावु तप्‍की च्‍युङ्‍गुप यिन।

रोमी 9:33

तीकी कोर्ला कोन्‍छ्‍योककी सुङला दुक सिनी टि वे, “ल्‍होसा, ङ सियोनला नर्तुक ग्‍यकुप दो दोके मिरा च्‍यिक ज्‍योकिनो, मीतिवा तीला नर्तुक ग्‍यकितो, यिने तीला तेपा कितुप मीतिवा ति सु साङ ङोछाला मेख्‍येल्‍तो।”

रोमी 9:6

यिने इस्राएलकी मीतिवाला कोन्‍छ्‍योककी थाक्‍छ्‍येन नङ्‍गुप सुङ ति लम्‍सुला मागलुप मिन। च्‍यिलासिसिन इस्राएलला क्‍येवुतिवा तेरी इस्राएलकी मी मिन,

२ कोरिन्थी 1:22

दाक्‍पुला खोरे ति यिन सिनी त ग्‍यम वे। तमा दाक्‍पुला थाक्‍छ्‍येतुपकी थोक्‍ला दाक्‍पी सेमला खोकी थु चाङ्‍मा नङ्‍नी वे।

गलाती 3:22

यिने कोन्‍छ्‍योककी सुङला “जम्‍बुलिङकी मीतिवा तेरी दिक्‍पी ओङला वे।” सिनी वे। तुक क्‍यानी येशू ख्रीष्‍टला तेपा कितुप मीतिवाला तिराङ खोकी थाक्‍छ्‍येवु ताम्‍ङे ति थोप्‍किवी।

गलाती 3:29

ख्‍यिराङ ख्रीष्‍टकी ति यिन्‍सिन अब्राहामकी गिपा यिन, तमा कोन्‍छ्‍योककी थाक्‍छ्‍येन नङ्‍गुप अंश थोप छ्‍योवु पुज्‍युङ यिन।

गलाती 3:7

तुक क्‍यानी सी खोला तेपा किवे, तिवा तेरी अब्राहामकी गिपातिवा यिन सिनी हाक्‍को गोकिवी।

गलाती 5:5

च्‍यिलासिसिन दाक्‍पु ति कोन्‍छ्‍योककी थु चाङ्‍मा नेमा खोला तेपा क्‍यानी टेङ्‍बु च्‍युङ्‍गुप रेवाला गुनी देकिवी।

गलाती 6:16

त कोन्‍छ्‍योककी कला ङ्‍येन्‍नी मिजी क्‍योङ्‍गुपतिवा ताङ इस्राएलकी कोन्‍छ्‍योककी गिपातिवा तेरीला खोकी लोदिमु ताङ च्‍यम्‍बा थोप्‍शी।

एफिसी 1:13

ती ख्रीष्‍ट नेसुर दाक्‍पु साङ कोन्‍छ्‌योककी सुङ टेङ्‍बु थोनी खोकी थाक्‍छ्‌येन नङ्‍गुप थु चाङ्‍माकी त ग्‍यप्‍नी वे। ती सुङ टेङ्‍बु ति ख्‍यिराङला दिक्‍पा ने थर ज्‍यितुप लेन ल्‍यामु यिन।

एफिसी 4:30

तमा कोन्‍छ्‌योककी थु चाङ्‍माला सेम्‍दुक मालोङ, ती थु चाङ्‍माकी राङ ख्‍यिराङला दिक्‍पा ने थर ज्‍यितुप तुजे मालेपा सेक्‍ला ख्‍यिराङ खोकी ति यिन सिनी त ग्‍यप्‍नी वे।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

हिब्रू 11:7

तेपा नेसुर राङ नोआकी ती पेला सेक नाम्‍साङ माथोङ्‍गुप शोतोक ग्‍येर्पु ग्‍यकुपकी कोर्ला कोन्‍छ्‍योककी तीला सुङ्‍गुप ति ङ्‍येन्‍नी खोला मोवा कियी सिरा टु ग्‍येर्पु च्‍यिक जोनी खोरो मिछाङतिवाला र्‍होक्‍सुङ। तीकी तुका तेपा क्‍यानी जम्‍बुलिङकी मीतिवाला क्‍येन वोतुप ति छ्‍या तेन्‍सुङ। तमा खुरुङ ति तेपा क्‍यानी कोन्‍छ्‍योककी थोङ्‍दाङला टेङ्‍बु वोतुप च्‍युङ्‍सुङ। ती मोलाम ति कोन्‍छ्‍योकला तेपा कितुप मी तेरीला थोप्‍किवी।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

ज्‍यल्‍का 9:4

तमा तिवाला “जम्‍बुलिङकी च ताङ दोङ्‍बु ताङ चुशिङतिवाला काङ साङ ना मातोङा, यिने टली लोला कोन्‍छ्‍योककी लज्‍युरकी त मेतुप मीतिवाला तिराङ फेनी छ्‍येर्पा बिन!” सिनी क बिन्‍सुङ।