रोमी 4:1 - कोन्छ्‌योककी सुङ

¹ तुक क्‍यानी दाक्‍पी हङ्‍गावा अब्राहाम ति कोन्‍छ्‍योककी थोङ्‍दाङला टेङ्‍बु वोतुप कोर्ला काङ हाक्‍कोसुङ?

रोमी 4:1 Iomraidhean Croise

मत्ती 3:9

तमा ख्‍यिरा सेमला ‘अब्राहाम ति दाक्‍पी पगावा हङ्‍गावा यिन।’ सिनी नासाम मातोङ, च्‍यिलासिसिन कोन्‍छ्‍योककी दी दोतिवाला साङ अब्राहामकी गिपा जो थुप्‍किवी।

लूका 3:8

वुतुङ के ख्‍यिराङ दिक्‍पा ने सेम ग्‍युर्नी कोन्‍छ्‍योककी थाकाला वावु यिन्‍सिन ती दोके लाका ल्‍यामु की। तमा ख्‍यिरा सेमला ‘दाक्पु ति अब्राहामकी गिपा यिन।’ सिनी सिरुप माछोल। च्‍यिलासिसिन ङ ख्‍यिराङला सिरिन, कोन्‍छ्‍योककी दी दोतिवा नेसुर साङ अब्राहामकी गिपा जो थुप्‍किवी।

यूहन्‍ना 8:33

ती थोसिमा तिवी खोला “ङ्‍यिराङ याङ अब्राहामकी गिपा यिन, त सेक ङ्‍यिराङ सी योक्‍पु साङ माच्‍युङ, यिने ख्‍योरे च्‍यिला ङ्‍यिराङला पि तोङ्‍गितो सिनी सिक्‍यावु यिन?” सिनी सिक्‍यासुङ।

यूहन्‍ना 8:53

काङ ख्‍युरुङ शिनी गलुप दाक्‍पी पगावा अब्राहाम सिनाङ छ्‍ये यिन रो? खो साङ शिसुङ, कोन्‍छ्‍योककी लुङ्‍तेम्‍बातिवा साङ शिसुङ। ख्‍युरुङ ति खुरुङला राङ सु यिन सिनी नासाम तोङ्‍गिवी?”

यूहन्‍ना 8:56

ख्‍यिरा पगावा अब्राहामकी ङ वुङ्‍गुप तुजे ल्‍हाप नोनी सेमला छासे गा लासुङ, तमा तीकी ङ वुङ्‍गुप ति ल्‍हानी गा क्‍यासुङ।”

लोमा छ्‍येतिवी लाका 13:26

ओ अब्राहामकी गिपा ताङ कोन्‍छ्‍योकला ज्‍यिवा कितुप यहूदी मिन्‍दुप मिरिक यम्‍बाकी मीतिवा, दी दिक्‍पा ने थरुप लेन ल्‍यामु ति कोन्‍छ्‍योककी दाक्‍पी पर्ला राङ ताङ वे।

रोमी 1:3

ती येशू ख्रीष्‍ट ति जम्‍बुलिङकी ताम्‍ङे कितुप पेला ग्‍येल्‍वु दाऊदकी गिपा नेमा क्‍येवु यिन।

रोमी 3:5

दोजो दाक्‍पी दिक्‍पा क्‍यासिमा कोन्‍छ्‍योक ति टेङ्‍बु वोतुप कोन्‍छ्‍योक यिन सिरुप ति हाक्‍कोकिवी सिसिन दाक्‍पु काङ सिरुप? दाक्‍पुला पर्च्या तोङ्‍गुप कोन्‍छ्‍योक ति मेटेङ्‍बु यिन रो? माङ्‍शोक मीतिवी तुकै राङ नासाम तोङ्‍गिवी।

रोमी 4:16

ती तप्‍की कोन्‍छ्‍योककी थाक्‍छ्‍येन नङ्‍गुप ति खोला तेपा कितुप मीतिवाला बिन्‍दुप यिन। ती थाक्‍छ्‍येतुप ति कोन्‍छ्‍योककी कटिन नेसुर वावु तप्‍की मोशाकी ठिमला युकुप मीतिवी थोक्‍ला तिराङ मिन, अब्राहामकी दोके तेपा कितुप तीकी गिपातिवा तेरीला तेरुप सिनी तेन्‍तेन क्‍यावु यिन। तुक क्‍यानी अब्राहाम ति तेपा कितुप मी तेरीकी हङ्‍गावा यिन।

रोमी 6:1

तुकै यिन्‍सिन त ङ्‍यिराङ काङ सिरुप? दाक्‍पी लाका मेलोवा क्‍यासिनाङ कोन्‍छ्‍योककी दाक्‍पुला कटिन नङ्‍गिवी सिनी दाक्‍पु येलुङ दिक्‍पा क्‍या क्‍यावा देकिवी रो?

रोमी 7:7

त ङ्‍यिराङ काङ सिरुप? काङ ठिम ति दिक्‍पा यिन रो? तुकै मिन। दोजो मोशाकी ठिम मेतुप यिन्‍सिन दिक्‍पा काङ यिन सिरुप ति ङला हाक्‍मोकोवी। ठिमकी थेप नाङ्‍ला ख्‍युरुङ देर्पा माकी सिनी सिमाक्‍यावु यिन्‍सिन देर्पा काङ यिन सिरुप ति ङला हाक्‍मोकोवुजा।

रोमी 8:31

दी ताम्‍ङेतिवा ति नासाम तङ्‍सिन दाक्‍पु काङ सि थुप्‍किवी? दोजो कोन्‍छ्‍योक दाक्‍पी छ्‍योला ज्‍यु वोसिन सु दाक्‍पी तेन्‍दोकला लङ थुप्‍किवी?

२ कोरिन्थी 11:22

तिवा हिब्रू यिन सिसिन ङ साङ हिब्रू यिन। तिवा इस्राएलकी मीतिवा यिन्‍सिन ङ साङ इस्राएलकी मी यिन। तिवा अब्राहामकी गिपा यिन्‍सिन ङ साङ अब्राहामकी गिपा राङ यिन।

हिब्रू 12:9

तोजो तिराङ मिन, जम्‍बुलिङला वोतुप दाक्‍पी पपी दाक्‍पुला छालेन बिन्‍सिनाङ दाक्‍पी पपाला ताङ्‍देन क्‍यासुङ सिसिन मङ देवाच्‍येनला वोतुप पपा कोन्‍छ्‍योककी ओङला दे मोगोवी रो?