रोमी 3:9 - कोन्छ्‌योककी सुङ

⁹ तुकै यिन्‍सिन दाक्‍पु काङ सिरुप? दाक्‍पु यहूदीतिवा यहूदी मिन्‍दुप मिरिक यम्‍बाकी मीतिवा सिनाङ टेङ्‍बु वे रो? तुकै मिन। यहूदी ताङ यहूदी मिन्‍दुप मिरिक यम्‍बाकी मीतिवा तेरी दिक्‍पी ओङला राङ वे। दी ताम्‍ङे ति ङे गोमाला साङ सिक्‍यायी।

रोमी 3:9 Iomraidhean Croise

लूका 7:39

ती थोङ्‍नी येशूला फेप शोप फरिसी तीकी दुका नासाम ताङ्‍सुङ, “दी मी ति वुतुङ के कोन्‍छ्‍योककी लुङ्‍तेम्‍बा यिन्‍सिन खोरुङला रेकुप ती ति चुका पारकी पुम्‍पेजा दिक्‍छेन यिन सिनी हाक्‍कोवु ति यिन्‍जा।”

रोमी 1:18

कोन्‍छ्‍योककी पर्च्या ति खोकी सुङ टेङ्‍बुला हाक्‍मोकोवु जोप दुक्‍टातिवा ताङ खोला मोवा मिकिवुतिवी थोक्‍ला देवाच्‍येन नेमा छ्‍या देन्‍गिवी।

रोमी 11:32

च्‍यिलासिसिन कोन्‍छ्‍योककी च्‍यम्‍बा ति तेरी मीतिवाला थोप्‍शी सिनी खोकी तिवाला खोरे खला मेङ्‍येन्‍दुप जो नङ वे।

रोमी 11:7

त काङ सिरुप? इस्राएलकी मीतिवी कोन्‍छ्‍योककी थोङ्‍दाङला टेङ्‍बु च्‍युङ्‍गुप छाल्‍सिनाङ टेङ्‍बु च्‍युङ माथुप। यिने खोकी पेतुपतिवा तिराङ टेङ्‍बु वोतुप च्‍युङ्‍सुङ। तमा यम्‍बा लुवुतिवा ति तेरी सेम क्‍योङ्‍बु गाल्‍सुङ।

रोमी 2:1

ती तप्‍की ख्‍युरुङ च्‍यिला मी यम्‍बाला क्‍येन तेर्किवी? काङ ख्‍युरुङ ति क्‍येन मेतुप यिन रो? ख्‍युरुङ मी यम्‍बाला क्‍येन तेर्किवी, यिने ती क्‍येन ति ख्‍युरुङला राङ फोकिवी। च्‍यिलासिसिन ख्‍युरुङ मी यम्‍बाला क्‍येन तेर्किवी, यिने ख्‍युरुङ साङ ती लाका राङ किवी।

रोमी 3:1

तुकै यिन्‍सिन यहूदीतिवाला काङ ख्‍येप्‍साङ वे रो? यहूदीतिवी च्‍येतुप लुक्‍सु क्‍यासिमा काङ ख्‍येप्‍साङ गिवी रो?

रोमी 3:19

दी मोशाकी ठिमला सिक्‍यावु तेरी ताम्‍ङे ति ठिमकी ओङला वोतुप मीतिवाला राङ सिक्‍यावु यिन सिरुप ति दाक्‍पुला छ्‍या वे। ती तप्‍की तेरी जम्‍बुलिङकी मीतिवा कोन्‍छ्‍योककी दोङ्‍ला ख चुम क्‍या देनी तेरी मीतिवा दिक्‍छेन यिनोक सिनी हाक्‍कोवा कि गोकिवी।

रोमी 3:5

दोजो दाक्‍पी दिक्‍पा क्‍यासिमा कोन्‍छ्‍योक ति टेङ्‍बु वोतुप कोन्‍छ्‍योक यिन सिरुप ति हाक्‍कोकिवी सिसिन दाक्‍पु काङ सिरुप? दाक्‍पुला पर्च्या तोङ्‍गुप कोन्‍छ्‍योक ति मेटेङ्‍बु यिन रो? माङ्‍शोक मीतिवी तुकै राङ नासाम तोङ्‍गिवी।

रोमी 6:15

तुकै यिन्‍सिन काङ कि गोकिवी? त दाक्‍पु ठिमकी ओङला मेनी कटिनकी ओङला वे। तुक क्‍यानी येलुङ दिक्‍पा राङ कितुप्‍जा? तुकै ति मिन।

रोमी 7:14

ठिम ति कोन्‍छ्‍योककी थु चाङ्‍माकी नङ्‍गुप यिन सिरुप ति दाक्‍पुला छ्‍या वे। यिने ङ ति चाङ्‍मा मेतुप तप्‍की दिक्‍पाकी योक्‍पु च्‍युङ्‍गुप यिन।

१ कोरिन्‍थी 10:19

कुला पुलुप समातिवा काङ यिन रो? कुतिवा काङ यिन रो?

१ कोरिन्‍थी 14:15

त तीकी कोर्ला ङे काङ कि गोकिवी? ङ मोपोर कितुप पेला ङे कोन्‍छ्‍योककी थु चाङ्‍मा नेमा मोपोर कितिन, तमा सेम नेमा साङ मोपोर कितिन। कोन्‍छ्‍योककी थु चाङ्‍मा नेमा सोवा देकिन, तमा सेम नेमा साङ सोवा देकिन।

१ कोरिन्‍थी 4:7

सी ख्‍यिराङला मी यम्‍बा सिनाङ छ्‍ये यिन सिनी सिक्‍यासुङ? ख्‍यिरा मुला वोतुप तेरी मोलामतिवा कोन्‍छ्‍योककी ख्‍यिराङला नङ्‍गुप मिन रो? यिन्‍सिनाङ ख्‍यिराङ च्‍यिला तेके किवी?

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 3:22

यिने कोन्‍छ्‍योककी सुङला “जम्‍बुलिङकी मीतिवा तेरी दिक्‍पी ओङला वे।” सिनी वे। तुक क्‍यानी येशू ख्रीष्‍टला तेपा कितुप मीतिवाला तिराङ खोकी थाक्‍छ्‍येवु ताम्‍ङे ति थोप्‍किवी।

फिलिप्पी 1:18

काङ यिन्‍सिनाङ खक्‍छ्‍येवु ताम्‍ङे ति दी यिन। तिवी सेम टेङ्‍बुकी ख्‍याप्‍टाक क्‍यासिनाङ, सेम मेटेङ्‍बुकी क्‍यासिनाङ ख्रीष्‍टकी कोर्ला राङ ख्‍याप्‍टाक क्‍यावु यिन। तीकी थोक्‍ला ङ छासे गा लानी वे। तमा नरी गा कितिन।