रोमी 3:8 - कोन्छ्‌योककी सुङ

⁸ दोजो मी ललाइकी दाक्‍पी “कोन्‍छ्‍योक नेमा ल्‍यामु च्‍युङ्‍शी सिनी लाका मेलोवा कितुप।” सिवी सिनी दाक्‍पुला ताम्‍ङे मेलोवा क्‍यासिन ती ताम्‍ङे मेलोवा सिरुप मीतिवाला कोन्‍छ्‍योककी पर्च्या फोकिवी।

रोमी 3:8 Iomraidhean Croise

मत्ती 5:11

ख्‍यिराङला मोलाम थोपुप यिनो। चो पेला मीतिवी ङे थोक्‍ला ख्‍यिराङला मर्च्या कितुप ताङ छेटाङ तेरुप ताङ टेङ्‍बु मेतुप ताम्‍ङे बङी लाप्‍नी मेलोवा किवी,

रोमी 5:20

मोशाकी ठिम ति जम्‍बुलिङला वावु दुक्‍चे क्‍येनतिवा बङी फेलुपला यिन। यिन्‍सिनाङ दिक्‍पा बङी फेलुप तप्‍की कोन्‍छ्‍योककी कटिन साङ मङ फेल्‍सुङ।

रोमी 6:1

तुकै यिन्‍सिन त ङ्‍यिराङ काङ सिरुप? दाक्‍पी लाका मेलोवा क्‍यासिनाङ कोन्‍छ्‍योककी दाक्‍पुला कटिन नङ्‍गिवी सिनी दाक्‍पु येलुङ दिक्‍पा क्‍या क्‍यावा देकिवी रो?

रोमी 6:15

तुकै यिन्‍सिन काङ कि गोकिवी? त दाक्‍पु ठिमकी ओङला मेनी कटिनकी ओङला वे। तुक क्‍यानी येलुङ दिक्‍पा राङ कितुप्‍जा? तुकै ति मिन।

रोमी 7:7

त ङ्‍यिराङ काङ सिरुप? काङ ठिम ति दिक्‍पा यिन रो? तुकै मिन। दोजो मोशाकी ठिम मेतुप यिन्‍सिन दिक्‍पा काङ यिन सिरुप ति ङला हाक्‍मोकोवी। ठिमकी थेप नाङ्‍ला ख्‍युरुङ देर्पा माकी सिनी सिमाक्‍यावु यिन्‍सिन देर्पा काङ यिन सिरुप ति ङला हाक्‍मोकोवुजा।

२ कोरिन्थी 11:15

शैतान तिराङ मिन, शैतानला शब्‍ज्‍यी कितुपतिवी साङ कोन्‍छ्‍योककी थोङ्‍दाङला टेङ्‍बु वोतुप दोके जोनी युकिवी। तुक क्‍यानी दी ताम्‍ङे ति यम्‍जेन लङ्‍गुप ताम्‍ङे मिन। यिने ज्‍युक्‍ला तिवी काङ क्‍यावे, ती छ्‍येर्पा ति तिवी खुर गोकिवी।

२ कोरिन्थी 6:8

मीतिवी ङ्‍यिराङला ताङ्‍देन क्‍यासिनाङ माक्‍यासिनाङ, ताम्‍ङे ल्‍यामु क्‍यासिनाङ मेलोक्‍पा क्‍यासिनाङ ङ्‍यिराङ ती लाका तेरी किवी। ङ्‍यिराङ ति मीला केन्‍दुप मी दोके च्‍युङ्‍गिवी, यिन्‍सिनाङ ङ्‍यिराङ टेङ्‍बु वे।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।