रोमी 3:7 - कोन्छ्‌योककी सुङ

⁷ दोजो मी ललाइकी “ङे जिनोक जोसिनाङ कोन्‍छ्‍योककी ङे जिनोक जोवु ताम्‍ङेतिवा पङ्‍गुप तप्‍की कोन्‍छ्‍योक ति खोङ्‍तेर्मु वोतुप ताङ खोला मोवा वोतुप ति छ्‍या देन्‍गिवी सिसिन ङ ति च्‍यिला दिक्‍छेन दोके च्‍युङ्‍नी पर्च्याला ख्‍येल्‍गिवी?” सिनी सि थुप्‍किवी रो?

रोमी 3:7 Iomraidhean Croise

मत्ती 26:34

यिने येशूकी तीला सुङ्‍सुङ, “ङ ख्‍युरुङला टेङ्‍बो सिरिन, हारिङ नुपला च्‍यवु कुकुरी देन्‍दुप सिनाङ गोमाला ख्‍योरो ङला थेङ्‍मा सुम ङो मेशेवी सिनी सिवी।”

लोमा छ्‍येतिवी लाका 2:23

येशूला ख्‍यिरा कोन्‍छ्‍योककी सुङला मुयुकुपतिवी लकला चेक तेनी ग्‍यङ्‍शिङ लोला कल्‍नी से च्‍यिसुङ। दी ति कोन्‍छ्‍योककी नोवा ताङ दीकी कोर्ला ति तोङ्‍ला राङ खोला छ्‍या नोक।

रोमी 3:4

तुकै मिन, च्‍यिलासिसिन कोन्‍छ्‍योक ति छासे टेङ्‍बु वोतुप कोन्‍छ्‍योक यिन, यिने मी ति जिनोक जोप यिन। तुक क्‍यानी कोन्‍छ्‍योककी सुङला “चोवोकी सुङ्‍गुप ताम्‍ङेला मी तेरीकी ती सुङ ति टेङ्‍बु वे सिनी सिवी। ठिम कितुप पेला साङ चोवोकी राङ ग्‍येल थुप्‍किवी।” सिनी टि वे।