रोमी 3:4 - कोन्छ्योककी सुङ4 तुकै मिन, च्यिलासिसिन कोन्छ्योक ति छासे टेङ्बु वोतुप कोन्छ्योक यिन, यिने मी ति जिनोक जोप यिन। तुक क्यानी कोन्छ्योककी सुङला “चोवोकी सुङ्गुप ताम्ङेला मी तेरीकी ती सुङ ति टेङ्बु वे सिनी सिवी। ठिम कितुप पेला साङ चोवोकी राङ ग्येल थुप्किवी।” सिनी टि वे। Faic an caibideil |
रोमी 3:4
33 Iomraidhean Croise
तुक क्यानी ङ येलुङ ख्यिराङला टेयिन, काङ इस्राएलकी मीतिवा दोला नर्तुक ग्यप्नी तला ग्यप्सिमा लङ मुथुपी रो? वुतुङ के तुकै मिन। इस्राएलकी मीतिवी येशूला तेपा माक्यानी लाका दुक्टा क्यासिमा यहूदी मिन्दुप मिरिक यम्बाकी मीतिवी तेपा क्यावु तप्की तिवा दिक्पा ने थर्नी वे। ती थोङ्नी इस्राएलकी मीतिवा ठतोक लानी खोला तेपा किशी सिरुप ति कोन्छ्योककी नोवा यिन।
वुतुङ के छ्याकला वोतुप दाक्पी क्यावु तेपाकी तेन्दोक ति छासे छ्ये वे। “येशू ख्रीष्ट ति मी जुजमला दी जम्बुलिङला फेप्सुङ। तमा कोन्छ्योककी थु चाङ्माकी खोला टेङ्बु वोतुप सिनी चिसुङ। खो देवाच्येनकी लेन क्योलुप थुतिवी पर्ला थोङ्सुङ। तमा खोकी कोर्ला लुङ्बा लुङ्बाला ख्याप्टाक क्यासुङ। जम्बुलिङकी मीतिवी खोला तेपा क्यासुङ। येलुङ कोन्छ्योककी खोला ताङ्देन ताङ क्यानी देवाच्येन ने तेक्नी फेप्सुङ।”
दाक्पुला छ्या वोतुप ति काङ यिन सिसिन, कोन्छ्योककी सेवु दी जम्बुलिङला फेप्नी दाक्पी खोला ङो शेवु रिक्पा नङ्सुङ। तुक क्यानी खो टेङ्बु यिन सिरुप ति दाक्पी हाक्कोकिवी। तमा खो ताङ मुला दाक्पी तम्जी ल्यामु वे, खोकी सेवु येशू ख्रीष्टकी मुला साङ तम्जी ल्यामु वोतुप हाक्कोकिवी। ती येशू ख्रीष्ट ति टेङ्बु वोतुप कोन्छ्योक यिन। खोकी दाक्पुला नाम्साङ मिशिवु मिजी नङ्गिवी।
Sanasan