रोमी 3:23 - कोन्छ्‌योककी सुङ

²³ च्‍यिलासिसिन मी तेरीकी दिक्‍पा क्‍यावु तप्‍की सु साङ मोवा वोतुप कोन्‍छ्‍योककी चिप्‍ला लेप मुथुप्‍नोक।

रोमी 3:23 Iomraidhean Croise

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

रोमी 11:32

च्‍यिलासिसिन कोन्‍छ्‍योककी च्‍यम्‍बा ति तेरी मीतिवाला थोप्‍शी सिनी खोकी तिवाला खोरे खला मेङ्‍येन्‍दुप जो नङ वे।

रोमी 3:19

दी मोशाकी ठिमला सिक्‍यावु तेरी ताम्‍ङे ति ठिमकी ओङला वोतुप मीतिवाला राङ सिक्‍यावु यिन सिरुप ति दाक्‍पुला छ्‍या वे। ती तप्‍की तेरी जम्‍बुलिङकी मीतिवा कोन्‍छ्‍योककी दोङ्‍ला ख चुम क्‍या देनी तेरी मीतिवा दिक्‍छेन यिनोक सिनी हाक्‍कोवा कि गोकिवी।

रोमी 3:9

तुकै यिन्‍सिन दाक्‍पु काङ सिरुप? दाक्‍पु यहूदीतिवा यहूदी मिन्‍दुप मिरिक यम्‍बाकी मीतिवा सिनाङ टेङ्‍बु वे रो? तुकै मिन। यहूदी ताङ यहूदी मिन्‍दुप मिरिक यम्‍बाकी मीतिवा तेरी दिक्‍पी ओङला राङ वे। दी ताम्‍ङे ति ङे गोमाला साङ सिक्‍यायी।

रोमी 5:2

दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

गलाती 3:22

यिने कोन्‍छ्‍योककी सुङला “जम्‍बुलिङकी मीतिवा तेरी दिक्‍पी ओङला वे।” सिनी वे। तुक क्‍यानी येशू ख्रीष्‍टला तेपा कितुप मीतिवाला तिराङ खोकी थाक्‍छ्‍येवु ताम्‍ङे ति थोप्‍किवी।

२ थेसलोनिकी 2:14

तीकी थोक्‍ला राङ ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु नेसुर दाक्‍पी येशू ख्रीष्‍टकी मोवा थोपुपला खोकी ख्‍यिराङला कताङ नङ्‍गुप यिन।

हिब्रू 4:1

दाक्‍पुला कोन्‍छ्‍योककी ङप्‍सु ङ्‍येतुपला थाक्‍छ्‍येतुप ति तन्‍दा साङ लुनी वे। तुक क्‍यानी दाक्‍पु च्‍यक्‍पु कितुप। तमा ख्‍यिराङ सु साङ ती ङासोप दासाला शुकुप मेङ्‍येवु मोडोशी।

१ पत्रुस 4:13

यिने ख्‍यिराङ ख्रीष्‍टकी थोक्‍ला छेटाङ खुरुपतिवा यिन्‍दुप तप्‍की ती पेला गा की। तुक क्‍यासिन खोकी मोवा छ्‍या देन्‍दुप पेला ख्‍यिराङला मङ लोदिमु ताङ गा लङ्‍गिवी।

१ पत्रुस 5:1

तमा ख्‍यिराङ चर्चकी मीतिवी पर्ला गोमा कितुपतिवाला ङ गोङ्‍बा शोयी। ङ साङ चर्चकी गोमा कितुप मी यिन, तमा ख्रीष्‍टकी छेटाङ खुरुप थोक्‍ला साङ पङ्‍बु तेरुप मी यिन। ज्‍युक्‍ला ख्रीष्‍टकी मोवा छ्‍या देन्‍दुप पेला ख्‍यिरा मुला राङ ङला साङ ती मोवा ति थोप्‍किवी।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।