रोमी 3:22 - कोन्छ्योककी सुङ22 ती कोन्छ्योक नेमा वावु टेङ्बु ति येशू ख्रीष्टला तेपा क्यासिमा मी तेरीला वुङ्गुप यिन। खोकी सुला साङ नाम्साङ ख्ये मेबेवी। Faic an caibideil |
रोमी 3:22
30 Iomraidhean Croise
ती तप्की कोन्छ्योककी थाक्छ्येन नङ्गुप ति खोला तेपा कितुप मीतिवाला बिन्दुप यिन। ती थाक्छ्येतुप ति कोन्छ्योककी कटिन नेसुर वावु तप्की मोशाकी ठिमला युकुप मीतिवी थोक्ला तिराङ मिन, अब्राहामकी दोके तेपा कितुप तीकी गिपातिवा तेरीला तेरुप सिनी तेन्तेन क्यावु यिन। तुक क्यानी अब्राहाम ति तेपा कितुप मी तेरीकी हङ्गावा यिन।
दाक्पु ति मोशाकी ठिमला वोतुप लाकातिवा क्यानी टेङ्बु च्युङ्गुप मिन, येशू ख्रीष्टला तेपा क्यासिमा टेङ्बु च्युङ्गुप यिन सिनी हाक्कोकिवी। तुक क्यानी मोशाकी ठिमला वोतुप लाकातिवा क्यानी टेङ्बु च्युङ्गुप मिन, यिने ख्रीष्टला तेपा क्यासिमा टेङ्बु च्युङ्गुप तप्की दाक्पु यहूदी साङ येशू ख्रीष्टला तेपा किवी। च्यिलासिसिन मोशाकी ठिमला वोतुप लाकातिवा क्यानी सु साङ टेङ्बु च्युङ मुथुपी।
कोन्छ्योककी मिजी सम्बा जो नङ्गुप तप्की दे याङ ग्रीक ताङ यहूदी, च्येतुप लुक्सु क्यावु ताङ च्येतुप लुक्सु माक्यावु, छ्यिग्यपकी मी ताङ च्योलाम ल्यामु मेतुप मी, योक्पु ताङ योक्पु मिन्दुप मीतिवी पर्ला काङ साङ ख्ये मे। यिने ख्रीष्ट तिराङ तेरी सिनाङ खक्छ्येवु वे, तमा खो ति तेरी मीतिवी मुला ज्यु वे।
Sanasan