रोमी 3:11 - कोन्छ्‌योककी सुङ

¹¹ कोन्‍छ्‍योककी थोक्‍ला हाक्‍कोवु सु साङ मे, तमा कोन्‍छ्‍योकला छोलुप सु साङ मे।

रोमी 3:11 Iomraidhean Croise

मत्ती 13:19

सी कोन्‍छ्‍योककी ग्‍येल्‍खापकी सुङ थोसिनाङ हाक्‍माकोसिन तीकी सेमला ख्‍येलुप सुङ ति शैतान वानी ठोनी डिवी। लामकी गारीला ख्‍येलुप सेनकी तेन्‍दोक ति दी राङ यिन।

रोमी 1:22

तुक क्‍यानी मीतिवी ङ च्‍यङ्‍बु यिन सिनी सिवी, यिने तिवा अम्‍बारङ्‍शिङ कितुप राङ गल वे।

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

रोमी 3:10

ती तप्‍की कोन्‍छ्‍योककी सुङला दुक सिनी टि वे, “कोन्‍छ्‍योककी थोङ्‍दाङला टेङ्‍बु वोतुप सु साङ मे, मिरा च्‍यिक साङ मे।

रोमी 3:12

मीतिवा तेरी ख्‍यप्‍नी गल वे, तमा तिवा तेरी फेन मोथोवु गल वे। सी साङ लाका ल्‍यामु मिकिवी, ल्‍यामु कितुप ति मिरा च्‍यिक साङ मे।”

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।