रोमी 2:7 - कोन्छ्‌योककी सुङ

⁷ छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 2:7 Iomraidhean Croise

मत्ती 25:46

तुक क्‍यानी तिवा नाम्‍साङ मिसिन्‍दुप ङ्‍येलाला लुम्‍गिवी, तमा कोन्‍छ्‍योककी थोङ्‍दाङला टेङ्‍बु वोतुपतिवाला ति नाम्‍साङ मिशिवु मिजी थोप्‍किवी।”

लूका 21:19

ख्‍यिराङ हम क्‍या देसिन ख्‍यिराङला नाम्‍साङ मिशिवु मिजी ङ्‍येकितो।”

लूका 8:15

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

यूहन्‍ना 4:36

सप्‍ले दुतुपतिवाला ल थोप्‍किवी, तमा तिवी ति नाम्‍साङ मिशिवु मिजी थोपुप डुमा दुकिवी। तमा सप्‍ले देपुप ताङ दुतुप ङ्‍यिकर मुला राङ गा किवी।

यूहन्‍ना 5:44

ख्‍यिराङ च्‍यिककी च्‍यिक नेमा ताङ्‍देन ङ्‍येतुपला गा किवी, यिने च्‍यिक राङ वोतुप कोन्‍छ्‍योक नेमा वुङ्‍गुप मोवा ति मोछोली सिसिन ख्‍यिरा चुक क्‍यानी तेपा कि थुप्‍किवी रो?

रोमी 2:10

यिने लाका ल्‍यामु कितुपतिवाला खोकी मोवा ताङ ताङ्‍देन ताङ लोदिमु नङ्‍गिवी। ती मोवा ताङ ताङ्‍देन ताङ लोदिमु ति गोमाला यहूदीतिवाला नङ्‍गिवी, ती ज्‍युक्‍ला यहूदी मिन्‍दुप मिरिक यम्‍बाकी मीतिवाला नङ्‍गिवी।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

रोमी 8:18

तसाम पेला दी मिजीला दाक्‍पुला वुङ्‍गुप दुक्‍पा ताङ ज्‍युक्‍ला दाक्‍पुला ङ्‍येतुप कोन्‍छ्‍योककी मोवा ति डिक्‍नी ल्‍हासिन ती दुक्‍पा ति काङ साङ मिन सिनी नासाम शर्किवी।

रोमी 9:23

तमा खोकी खोरे मोवाकी थोक्‍ला गोमाला के च्‍यम्‍बा नङ्‍गुप टडिक क्‍यावु मीतिवाला छासे मङ्‍मु वोतुप मोवा छ्‍या तेन नङ्‍सिमा दाक्‍पी काङ सि थुप्‍किवी?

१ कोरिन्‍थी 15:42

शेपतिवा सेन्‍बु लङ्‍गुप साङ तुकै राङ यिन। मुक्‍तुम ग्‍यकुप पेला रुलुपला मुक्‍तुम ग्‍यकिवी, यिने सेन्‍बु लङ्‍गुप पेला नाम्‍साङ मुरुलुपला सेन्‍बु लङ्‍गिवी।

१ कोरिन्‍थी 15:50

अच्‍युनुपतिवा, ङ ख्‍यिराङला दी ताम्‍ङे ति सिरिन। श ताङ ठकला वोतुप दाक्‍पी जु ति कोन्‍छ्‍योककी ग्‍येल्‍खापला डो मुथुपी। तमा शिनी रुल डोप जु तीकी नाम्‍साङ मिशिवु मिजी ङ्‍ये मुथुपी।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

गलाती 6:9

दाक्‍पु मी यम्‍बी थोक्‍ला लाका ल्‍यामु कितुपला नाम्‍साङ येन छ्‍येतुप ताङ यिछ्‍येतुप मेङ्‍गिवी, च्‍यिलासिसिन तुजे छेसिमा ङक थुप्‍किवी।

एफिसी 6:24

तमा दाक्‍पी चोवो येशू ख्रीष्‍टला नरी ङ्‍यिङ्‍ज्‍ये कितुपतिवा तेरीकी मुला कटिन ति थोप्‍शी।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

२ तिमोथी 1:10

तन्‍दा ती कटिन ति दाक्‍पुला दिक्‍पा ने थर ज्‍यितुप येशू ख्रीष्‍ट फेप्‍नी छ्‍या तेन वे। खो टुङ्‍नी साङ ङोसु लानी शेपकी ओङला ग्‍येल्‍नी लेन ल्‍यामु नेसुर दाक्‍पुला नाम्‍साङ मिशिवु मिजी वोतुप ति छ्‍या तेन्‍सुङ।

हिब्रू 2:7

ख्‍योरे चेयी पर सेककी थोक्‍ला तीला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। तमा तीला ग्‍येल्‍वुला दोके मोवा ताङ ताङ्‍देन नाङ्‍सुङ।

हिब्रू 6:12

ख्‍यिराङ छेरा माकी, यिने खोला तेपा कितुप ताङ हम क्‍या देनी खोकी थाक्‍छ्‍येन नङ्‍गुप ति थोपुप मीतिवा दोके च्‍युङ्‍शी सिरुप ति ङ्‍यिरा नोवा वे।

हिब्रू 6:15

तमा अब्राहामकी कोन्‍छ्‍योककी कला ङ्‍येन्‍नी हम क्‍यानी गुनी देतुप तप्‍की अब्राहामला खोकी थाक्‍छ्‍येन नङ्‍गुप मोलाम ति तेरी थोप्‍सुङ।

१ यूहन्‍ना 2:25

खोकी ख्‍यिराङला थाक्‍छ्‍येन नङ्‍गुप ति ती नाम्‍साङ मिशिवु मिजी यिन।