रोमी 2:6 - कोन्छ्‌योककी सुङ

⁶ कोन्‍छ्‍योककी मी रे रेला तिवी काङ काङ क्‍यावे, ती दोके छ्‍यक्‍तक नङ्‍गिवी।

रोमी 2:6 Iomraidhean Croise

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

रोमी 14:22

ख्‍योरो सेमला काङ तेपा क्‍यासिनाङ ती ति कोन्‍छ्‍योक ताङ ख्‍योरो पर्ला तिराङ ज्‍योक। खोरो सेमला शरुप दोके क्‍यानी रङला राङ क्‍येन मेतेरुप मी तीला मोलाम थोप्‍किवी।

१ कोरिन्‍थी 3:8

तमा जुवु ताङ छ्‍यु लुकुप ति छ्‍ये साङ मिन, छ्‍युङा साङ मिन, तिवा च्‍यिक्‍पा राङ यिन। कोन्‍छ्‍योककी तिवा रे रेला तिवी चो हुर्ताक क्‍यावे, तोजोयी राङ ल नङ्‍गिवी।

१ कोरिन्‍थी 4:5

तुक क्‍यानी ख्‍यिराङ कोन्‍छ्‍योककी ठिम क्‍या नङ्‍गुप सिनाङ गोमाला के सुला साङ ठिम माकी। चोवो येशू फेपुप पर सेक गुसा। दाक्‍पी सी साङ हाक्‍माकोवा क्‍यानी क्‍यावु लाका ल्‍यामु मेलोवा ति तेरी खोकी ठछ्‍येली थोङ्‍गिवी। मी सेमगी नोवातिवा साङ ठछ्‍येली छ्‍या देन्‍गिवी। ती पेला मीतिवा रे रेला कोन्‍छ्‍योककी “ख्‍यिरा छासे को छ्‍येसुङ।” सिनी सुङ्‍गिवी।

२ कोरिन्थी 11:15

शैतान तिराङ मिन, शैतानला शब्‍ज्‍यी कितुपतिवी साङ कोन्‍छ्‍योककी थोङ्‍दाङला टेङ्‍बु वोतुप दोके जोनी युकिवी। तुक क्‍यानी दी ताम्‍ङे ति यम्‍जेन लङ्‍गुप ताम्‍ङे मिन। यिने ज्‍युक्‍ला तिवी काङ क्‍यावे, ती छ्‍येर्पा ति तिवी खुर गोकिवी।

२ कोरिन्थी 5:10

च्‍यिलासिसिन दाक्‍पु रे रेला ख्रीष्‍टकी ठिम क्‍या नङ्‍गिवी। ती पेला दाक्‍पु खोकी चिप्‍ला लङ गोकिवी। तमा दाक दाक्‍पी दी जम्‍बुलिङला जुला वोतुप पेला ल्‍यामु मेलोवा काङ क्‍यावे, तुकै राङ खोकी ठिम किवी।

२ तिमोथी 4:14

अलेक्‍जेन्‍डर सिरुप नेक्‍योक जोप तीकी ङला छासे मेलोवा क्‍यासुङ। तीकी क्‍यावु लाकाकी थोक्‍ला कोन्‍छ्‍योककी तीला पर्च्या तोङ्‍गिवी।

ज्‍यल्‍का 2:23

तुक राङ क्‍यानी तीकी पुज्‍युङपुमतिवाला साङ शि ज्‍यितिनो। तमा मी तेरीकी सेम ताङ नासाम हाक्‍कोवु ति ङ राङ यिनोक सिनी चर्च तेरीकी हाक्‍कोकितो। तमा ङ ख्‍यिराङला लाका ल्‍यामु क्‍यावुतिवाला छ्‍यक्‍तक ल्‍यामु तेरिनो, लाका मेलोवा कितुपतिवाला पर्च्या तोङ्‍यिनो।

ज्‍यल्‍का 20:12

तमा शेप छ्‍ये ताङ छ्‍युङातिवा तेरी ग्‍येल्‍ठिककी चिप्‍ला लानी देतुप ताङ थेपतिवा लोकुप ति ङे थोङ्‍सुङ। ते यम्‍बा थेप यी साङ लोक्‍सुङ। ती ति मिजीकी थेप नोक। ती थेपतिवी नाङ्‍ला टिवु दोके तिवी चुका लाका क्‍यावे, तुकै राङ क्‍यानी तिवाला ठिम क्‍यासुङ।

ज्‍यल्‍का 22:12

येशूकी दुक सुङ वे, “ल्‍होसा, ङ ङमु राङ वुङ्‍यिनो। ङ वासिमा सु सुकी लाका ल्‍यामु मेलोवा क्‍यावे, तिवाला तिवी क्‍यावु लाकाकी छ्‍यक्‍तक ति तेरिनो।