रोमी 2:5 - कोन्छ्‌योककी सुङ

⁵ ख्‍योरो सेम क्‍योङ्‍बु वोतुप ताङ दिक्‍पा ने ग्‍युरुप सेम मेतुप तप्‍की कोन्‍छ्‍योककी मी रे रेला च्‍योङ्‍डा वोतुप टेङ्‍बुकी ठिम क्‍या नङ्‍गुप तुजेला खोकी पर्च्या ति ख्‍युरुङला मङ मङ फोकितो।

रोमी 2:5 Iomraidhean Croise

रोमी 1:18

कोन्‍छ्‍योककी पर्च्या ति खोकी सुङ टेङ्‍बुला हाक्‍मोकोवु जोप दुक्‍टातिवा ताङ खोला मोवा मिकिवुतिवी थोक्‍ला देवाच्‍येन नेमा छ्‍या देन्‍गिवी।

रोमी 11:25

अच्‍युनुपतिवा, ख्‍यिराङ अम्‍बारङ्‍शिङ क्‍यानी खुरुङ राङ रिक्‍पा वोतुप यिन सिनी नो मिकिशी सिनी इस्राएलकी मीतिवी कोर्ला छ्‍याकला वोतुप कोन्‍छ्‍योककी नोवा ति ङ ख्‍यिराङला सिरिन। ती ति काङ यिन सिसिन, कोन्‍छ्‍योककी पेतुप यहूदी मिन्‍दुप मिरिक यम्‍बाकी मीतिवा अङ्‌टङ तेरी माछेवा सेक्‍ला इस्राएलकी मीतिवी नाङ्‍ला चेयीकी सेम ति क्‍योङ्‍बु डिवी।

रोमी 9:22

ती दोके कोन्‍छ्‍योककी साङ खोरे ओङ नेसुर मीतिवाला ना ताङ्‍नी खोकी पर्च्या ताङ ङार छ्‍या देन्‍दुप नोवे, यिने खोकी पर्च्या तोङ्‍गुप नो क्‍यावु मीतिवी थोक्‍ला खो हम क्‍यानी दे मुथुवी रो?

२ कोरिन्थी 5:10

च्‍यिलासिसिन दाक्‍पु रे रेला ख्रीष्‍टकी ठिम क्‍या नङ्‍गिवी। ती पेला दाक्‍पु खोकी चिप्‍ला लङ गोकिवी। तमा दाक दाक्‍पी दी जम्‍बुलिङला जुला वोतुप पेला ल्‍यामु मेलोवा काङ क्‍यावे, तुकै राङ खोकी ठिम किवी।

२ थेसलोनिकी 1:5

कोन्‍छ्‍योककी ख्‍ये मापेवा क्‍यानी च्‍यिक्‍पा राङ ठिम क्‍या नङ्‍गिवी सिरुप पङ्‍बु छ्‍या देन्‍दुपला ख्‍यिरा तुका छेटाङ ताङ दुक्‍पा खुरुप यिन। ख्‍यिरा तुक क्‍यानी छेटाङ ताङ दुक्‍पा खुर्सिन कोन्‍छ्‍योककी ग्‍येल्‍खापला शुक छ्‍योकिवी। दी ताम्‍ङे ति ख्‍यिरा हाक्‍कोवा की।

हिब्रू 3:13

यिने हारिङगी ङ्‍यिमा सिनी सिक्‍यावु तुजे वोता सेक ङ्‍यिमी टेङ ख्‍यिराङ च्‍यिककी च्‍यिकला टोङ्‍गु बिन। मिसियाङ दिक्‍पाकी जिनोक जोपला ख्‍येल्‍नी ख्‍यिरा सेम साङ तेरी क्‍योङ्‍बु जेवी।

हिब्रू 3:15

कोन्‍छ्‍योककी सुङला दुक सुङ्‍गिवी, “हारिङ ख्‍यिरा कोन्‍छ्‍योककी सुङ थोसिन ख्‍यिरा हङ्‍गावी कोन्‍छ्‍योककी तेन्‍दोकला लावु दोके ख्‍यिराङ ति माकी।”

हिब्रू 4:7

तुक क्‍यानी येलुङ कोन्‍छ्‍योककी यम्‍बा ङ्‍यिमाला “हारिङ” ङ्‍यिमा सिनी तेन्‍तेन क्‍या नाङ्‍सुङ। तमा तोङ्‍ला सुङ्‍गुप दोके क्‍यानी खोकी लो बङी ज्‍युक्‍ला दाऊद नेसुर दुक सिनी सुङ्‍सुङ, “हारिङ ख्‍यिरा कोन्‍छ्‍योककी सुङ ति थोसुङ सिसिन सेम क्‍योङ्‍बु माजो।”

याकूब 5:3

ख्‍यिरा सेर ताङ ङुलला या छ्‍यान वे, तमा ती या ति ख्‍यिरा थोक्‍ला पङ्‍बु डिवी। तीकी ख्‍यिरा जु ति मे छिकुप दोके क्‍यानी ना तोङ्‍गितो। च्‍यिलासिसिन ख्‍यिराङ जम्‍बुलिङ ना डोप तुजे वुङ्‍गुप छल्‍सिनाङ रङगी थोक्‍ला टोङ्‍बा सकुप लाका तिराङ क्‍यासुङ।

२ पत्रुस 2:9

तुक क्‍यानी खोकी सुङला युकुपतिवा छेटाङला ख्‍येलुप पेला र्‍होकुप ताङ खोकी सुङला मुयुकुपतिवाला ठिम कितुप तुजे सेक छ्‍येर्पा बिन्‍नी टानी ज्‍योकुप ति कोन्‍छ्‍योकला छ्‍या वे।

२ पत्रुस 3:7

दी कोन्‍छ्‍योककी सुङगी राङ तसाम पेलाकी नाम ताङ जम्‍बुलिङ ति मे नाङ्‍ला ना तोङ्‍गुपला र्‍होक्‍नी ज्‍याङ वे। तमा खोकी सुङला मुयुकुप मीतिवाला ठिम कितुप तुजे सेककी थोक्‍ला सानी ज्‍याङ वे।

यहूदा 1:6

तमा खोरो ओङ्‍ज्‍येन सिनाङ पाङ्‍ला डोप ताङ खोप्‍रे दासा क्‍युर्नी ज्‍योकुप देवाच्‍येनकी लेन क्‍योलुप थुतिवाला साङ खोकी ठिम कितुप तुजे ग्‍येर्पु सेककी थोक्‍ला नाम्‍साङ पि मोशोरुप च्‍यातकला टानी नक्‍तोमीला उम ज्‍याक्‍नी वे।

ज्‍यल्‍का 2:21

ङे तीला दिक्‍पा नेसुर ग्‍युरुपला तुजे बिनिन, यिने तीकी शम्‍डेन कितुप नेसुर नाम्‍साङ सेम माग्‍युर।

ज्‍यल्‍का 6:17

च्‍यिलासिसिन ग्‍येल्‍ठिकला ज्‍यु वोतुप ताङ लुक रुककी पर्च्याकी तुजे ति वा वे। ती पर्च्याला सु साङ हम क्‍यानी दे मुथुपी।”