रोमी 2:13 - कोन्छ्‌योककी सुङ

¹³ च्‍यिलासिसिन ठिम ङ्‍येन्‍नी मीतिवा ति कोन्‍छ्‍योककी थोङ्‍दाङला टेङ्‍बु मेवी, यिने ती ठिमला युकुप मीतिवा ति कोन्‍छ्‍योककी थोङ्‍दाङला टेङ्‍बु गिवी।

रोमी 2:13 Iomraidhean Croise

लूका 18:14

ङ ख्‍यिराङला सिरिन, कोन्‍छ्‍योककी ती मी तीला मी यम्‍बा सिनाङ टेङ्‍बु वे सिनी खोरे सेमला लासुङ, तमा ती ति खोरो खाङ्‍बा गाल। च्‍यिलासिसिन सी खुरुङला येर देकिवे, ती ति मो बेप्‍किवी। तमा सी खुरुङला मो बेप्‍किवे, ती ति येर देकिवी।”

लूका 8:21

तमा येशूकी तिवाला सुङ्‍सुङ, “सी कोन्‍छ्‍योककी सुङ ङ्‍येन्‍नी ती सुङला युकिवे, तिवा ति ङे आमा ताङ नुपतिवा यिनो।”

यूहन्‍ना 13:17

ख्‍यिरा दी ताम्‍ङे हाक्‍कोनी ती दोके क्‍यासुङ सिसिन ख्‍यिराङला मोलाम थोप्‍किवी।

लोमा छ्‍येतिवी लाका 13:39

ख्‍यिराङ येशूला तेपा कितुपतिवा तेरीला ख्‍यिरा क्‍यावु दिक्‍पा नेसुर थर च्‍यिनी वे। ती थर ज्‍यितुप लाका ति मोशाकी ठिम नेसुर वुङ मुथुपी।

रोमी 10:5

ठिमला ङ्‍येन्‍नी कोन्‍छ्‍योककी थोङ्‍दाङला टेङ्‍बु ङ्‍येतुपकी कोर्ला ठिमकी थेप नाङ्‍ला मोशाकी “ठिमला ङ्‍येन्‍दुप मीतिवा ति ती ठिम ङ्‍येन्‍दुप नेसुर मिजी क्‍योङ्‍गिवी।” सिनी टि वे।

रोमी 2:25

दोजो ख्‍युरुङ कोन्‍छ्‍योककी नङ्‍गुप ठिमला युकिवी सिसिन यहूदीतिवी च्‍येतुप लुक्‍सु तेन्‍दुप साङ तेन्‍दोक वे, यिने ठिम मातेन्‍सुङ सिसिन च्‍येतुप लुक्‍सु तेन्‍दुप साङ तेन्‍दोक मे। ख्‍युरुङ ति यहूदी मिन्‍दुप मिरिक यम्‍बाकी मीतिवा दोके राङ यिन।

रोमी 3:20

तुक क्‍यानी मोशाकी ठिमला वोतुप लाकातिवा तिराङ क्‍यानी मी सु साङ कोन्‍छ्‍योककी थोङ्‍दाङला टेङ्‍बु मेङ्‍येवी, च्‍यिलासिसिन मोशाकी ठिम नेसुर दाक्‍पी दिक्‍पाकी कोर्ला तिराङ हाक्‍कोकिवी।

रोमी 3:23

च्‍यिलासिसिन मी तेरीकी दिक्‍पा क्‍यावु तप्‍की सु साङ मोवा वोतुप कोन्‍छ्‍योककी चिप्‍ला लेप मुथुप्‍नोक।

रोमी 3:30

कोन्‍छ्‍योक ति च्‍यिक राङ वोतुप यिन। तुक क्‍यानी खोकी यहूदीतिवी च्‍येतुप लुक्‍सु क्‍यावुतिवाला तिवी क्‍यावु तेपा थोङ्‍नी तिवा टेङ्‍बु वोतुप ङ्‍येकिवी, च्‍येतुप लुक्‍सु माक्‍यावुतिवाला साङ तिवी क्‍यावु तेपा थोङ्‍नी तिवा टेङ्‍बु वोतुप ङ्‍येकिवी।

१ कोरिन्‍थी 4:4

ङ टेङ्‍बु वे सिरुप ति ङला छ्‍या वे, यिन्‍सिनाङ कोन्‍छ्‍योककी थोङ्‍दाङला ति ङ टेङ्‍बु मे। ङला ठिम क्‍या नङ्‍गुप याङ कोन्‍छ्‍योक राङ यिन।

गलाती 2:16

दाक्‍पु ति मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, येशू ख्रीष्‍टला तेपा क्‍यासिमा टेङ्‍बु च्‍युङ्‍गुप यिन सिनी हाक्‍कोकिवी। तुक क्‍यानी मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, यिने ख्रीष्‍टला तेपा क्‍यासिमा टेङ्‍बु च्‍युङ्‍गुप तप्‍की दाक्‍पु यहूदी साङ येशू ख्रीष्‍टला तेपा किवी। च्‍यिलासिसिन मोशाकी ठिमला वोतुप लाकातिवा क्‍यानी सु साङ टेङ्‍बु च्‍युङ मुथुपी।

गलाती 5:4

ख्‍यिराङ खुरुङला टेङ्‍बु जोपला मोशाकी ठिमला तेन्‍नी देसुङ सिसिन ख्रीष्‍टकी मुला तम्‍जी मे, तमा खोकी कटिन साङ ङ्‍ये मुथुपी।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

१ यूहन्‍ना 2:29

खो टेङ्‍बु वोतुप ति ख्‍यिराङला छ्‍या वोतुप तप्‍की कोन्‍छ्‍योककी थोङ्‍दाङला टेङ्‍बु वोतुप लाका कितुपतिवा तेरी खोकी गिपा यिन सिनी ख्‍यिरा हाक्‍कोकिवी।

१ यूहन्‍ना 3:7

ङे ङ्‍यिङ्‍ज्‍येवु आङातिवा, ख्‍यिराङला सी साङ जिनोक मोजोशी। सी लाका टेङ्‍बु किवे, ती ति ख्रीष्‍ट टेङ्‍बु वोतुप दोके टेङ्‍बु यिन।