रोमी 2:12 - कोन्छ्‌योककी सुङ

¹² कोन्‍छ्‍योककी मोशाला नङ्‍गुप ठिम छ्‍या मेतुप यहूदी मिन्‍दुप मिरिक यम्‍बाकी मीतिवी दिक्‍पा क्‍यासिन तिवी क्‍यावु दिक्‍पाकी थोक्‍ला तिवा ना डिवी। तमा खोकी नङ्‍गुप ठिम छ्‍या वोतुप यहूदीतिवी ती ठिमला मातेन्‍नी दिक्‍पा क्‍यासिन खोकी ठिमला सिक्‍यावु दोके पर्च्या तोङ्‍गिवी।

रोमी 2:12 Iomraidhean Croise

मत्ती 11:22

यिने ङ ख्‍यिराङला सिरिन, कोन्‍छ्‍योककी ठिम तोङ्‍गुप तिङ्‍मी तुजेला टुरोस ताङ सीदोन ग्‍येसाकी मीतिवा ख्‍यिराङ सिनाङ मङ हम क्‍यानी दे थुप्‍किवी।

मत्ती 11:24

यिने ङ ख्‍यिराङला सिरिन, ठिम कितुप तिङ्‍मी तुजेला सदोम ग्‍येसाकी मीतिवाला सिनाङ ख्‍यिराङला मङ कोन्‍छ्‍योक नेमा पर्च्या ख्‍येल्‍गितो।”

यूहन्‍ना 19:11

तमा येशूकी पिलातसला “दोजो कोन्‍छ्‍योककी दुक कितुप ओङ ख्‍युरुङला मानाङ्‍सुङ सिसिन ख्‍योरो ङला काङ साङ कि मुथुपुप्‍जा। तुक क्‍यानी ङला ख्‍योरो लकला चेक तेतुप मी तीला मङ दिक्‍पाकी क्‍येन फोकिवी।” सिनी सुङ्‍सुङ।

लोमा छ्‍येतिवी लाका 2:23

येशूला ख्‍यिरा कोन्‍छ्‍योककी सुङला मुयुकुपतिवी लकला चेक तेनी ग्‍यङ्‍शिङ लोला कल्‍नी से च्‍यिसुङ। दी ति कोन्‍छ्‍योककी नोवा ताङ दीकी कोर्ला ति तोङ्‍ला राङ खोला छ्‍या नोक।

रोमी 1:32

तुका मीतिवाला कोन्‍छ्‍योककी पर्च्या फोकिवी सिरुप ताम्‍ङे ति छ्‍या वोसिनाङ तुका लाका मेलोवा तिराङ किवी। तमा तुका लाका मेलोवा कितुप मीतिवाला “ख्‍योरो छासे लाका ल्‍यामु क्‍यासुङ।” सिनी गा लोङ्‍गिवी।

रोमी 4:15

च्‍यिलासिसिन मोशाकी ठिमला वोतुप कतिवा मेङ्‍येन्‍दुपतिवा कोन्‍छ्‍योककी पर्च्याला ख्‍येल्‍गिवी, यिने ठिम मेतुप यिन्‍सिन ठिमला मेङ्‍येन्‍दुप साङ मेवी।

रोमी 8:3

मीतिवाला दिक्‍पा वोतुप तप्‍की मोशाकी ठिमकी काङ साङ कि मुथुप्‍नोक, यिने कोन्‍छ्‍योककी तिवी थोक्‍ला क्‍यासुङ। तीकी तेन्‍दोक ति खोकी च्‍यिक राङ वोतुप सेवु येशू ख्रीष्‍ट ति दिक्‍छेन दोके दी जम्‍बुलिङला ताङ्‍नी मीतिवी दिक्‍पी थोक्‍ला जिन्‍बा च्‍युङ्‍सुङ। तमा मीतिवी क्‍यावु दिक्‍पाकी छ्‍येर्पा ति खोकी खला ख्‍येल च्‍यिसुङ।

१ कोरिन्‍थी 9:21

तमा ठिमकी ओङला मेतुपतिवाला ख्रीष्‍टकी ओङला टि वुङ्‍गुपला ङ ति ठिमकी ओङला मेतुप दोके राङ च्‍युङ्‍यिन। ङे तुक क्‍यावु ति ङ ति कोन्‍छ्‍योककी ठिमला मेतेन सिक्‍यावु ति मिन, ख्रीष्‍टकी सुङला ङ्‍येन्‍दुप यिन।

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 3:22

यिने कोन्‍छ्‍योककी सुङला “जम्‍बुलिङकी मीतिवा तेरी दिक्‍पी ओङला वे।” सिनी वे। तुक क्‍यानी येशू ख्रीष्‍टला तेपा कितुप मीतिवाला तिराङ खोकी थाक्‍छ्‍येवु ताम्‍ङे ति थोप्‍किवी।

याकूब 2:10

ललाइ मीतिवी कोन्‍छ्‍योककी नङ्‍गुप ठिमला सिक्‍यावु दोके तेरी किवी, यिने ती ठिमकी नाङ्‍ला वोतुप ताम्‍ङे च्‍यिक ति मेङ्‍येन्‍दिवी सिसिन तीकी ती ठिम तेरी माङ्‍येन्‍दुप यिन।