रोमी 2:11 - कोन्छ्‌योककी सुङ

¹¹ च्‍यिलासिसिन कोन्‍छ्‍योककी नाम्‍साङ ललाइला ल्‍यामु, ललाइला मेलोवा मिकिवी।

रोमी 2:11 Iomraidhean Croise

मत्ती 22:16

तमा तिवी खोप्‍रे लोमातिवाला ग्‍येल्‍वु हेरोदकी छोक्‍पाकी मीतिवी मुला येशूकी चाला ताङ्‍नी खोला दुक सिनी टि च्‍यिसुङ, “गेकेन, गेकेन याङ टेङ्‍बु यिन। गेकेनकी मीतिवी थोक्‍ला कोन्‍छ्‍योककी नोवा काङ यिन सिरुपकी कोर्ला टेङ्‍बो लोप्‍किवी। तमा सुला साङ ज्‍यिवा मिकिवी, च्‍यिलासिसिन गेकेनकी मीतिवाला ल्‍हानी ती मीतिवा ति सु यिन सिनी ङ्‍याम मिकिवी।

लूका 20:21

तुक क्‍यानी ती च च्‍येतुप मीतिवी येशूला दुक सिनी टिसुङ, “गेकेन, ङ्‍यिराङला छ्‍या वे, गेकेनकी ताम्‍ङे टेङ्‍बु सुङ्‍गुप ताङ लोप्‍किवी। गेकेनकी मीतिवाला ख्‍ये मेबेवी, यिने कोन्‍छ्‍योककी लाम टेङ्‍बु तिराङ लाप नङ्‍गिवी।

लोमा छ्‍येतिवी लाका 10:34

ती थोसिमा पत्रुसकी सिक्‍यासुङ, “त याङ ङे हाक्‍कोसुङ। कोन्‍छ्‍योककी मी ललाइला ल्‍यामु, मी ललाइला मेलोवा मिकिवी, तेरीला च्‍यिक्‍पा राङ किवी।

रोमी 9:14

त दाक्‍पु तीकी कोर्ला काङ सिरुप? काङ कोन्‍छ्‍योक ति मीला ख्‍ये बेतुप कोन्‍छ्‍योक यिन रो? तुकै मिन।

गलाती 2:6

मी छ्‍ये यिन सिरुप मीतिवी ङे ताम्‍ङे काङ साङ मापो। तिवा छ्‍ये वोसिनाङ ङे थोक्‍ला काङ साङ मिन। च्‍यिलासिसिन कोन्‍छ्‍योककी मीला ल्‍हानी मिन, मी सेम ल्‍हानी ठिम क्‍या नङ्‍गिवी।

एफिसी 6:9

ज्‍यिन्‍दाकतिवा, रङगी योक्‍पुतिवाला किताङ ल्‍यामु की, तिवाला वोरु मादेन। दी ति हाक्‍कोवा की, ख्‍यिराङ ङ्‍यिकरकी ज्‍यिन्‍दाक ति देवाच्‍येनला ज्‍यु वे। खोकी सुला साङ ख्‍ये मेबेवी।

कलस्सी 3:25

लाका मेलोवा कितुप सु यिन्‍सिनाङ तीला पर्च्या मेलोवा राङ फोकिवी। चोवोकी सुला साङ ख्‍ये मेबेवी।

१ पत्रुस 1:17

तमा सुला साङ ख्‍ये मापेवा क्‍यानी मीतिवी क्‍यावु लाका ल्हानी ठिम क्‍या नङ्‍गुप कोन्‍छ्‍योक ति ख्‍यिरा पपा सिनी सिक्‍यावु तप्‍की दी जम्‍बुलिङला देतुप पर सेक नरी खोला ज्‍यिवा खुर्नी मिजी क्‍योङ।