रोमी 2:1 - कोन्छ्‌योककी सुङ

¹ ती तप्‍की ख्‍युरुङ च्‍यिला मी यम्‍बाला क्‍येन तेर्किवी? काङ ख्‍युरुङ ति क्‍येन मेतुप यिन रो? ख्‍युरुङ मी यम्‍बाला क्‍येन तेर्किवी, यिने ती क्‍येन ति ख्‍युरुङला राङ फोकिवी। च्‍यिलासिसिन ख्‍युरुङ मी यम्‍बाला क्‍येन तेर्किवी, यिने ख्‍युरुङ साङ ती लाका राङ किवी।

रोमी 2:1 Iomraidhean Croise

लूका 12:14

येशूकी तीला सुङ्‍सुङ, “ओए, सी ङला पेनी ख्‍यिराङ ङ्‍यिवु पर्ला ठिम कितुप याङ्‍ना अंश ग्‍यम तेरुप मी जोसुङ?”

लूका 19:22

तमा ज्‍यिन्‍दाककी तीला सिक्‍यासुङ, ‘ओ लावा दुक्‍टा, ख्‍योरो सिक्‍यावु ताम्‍ङे नेसुर राङ ङ ख्‍युरुङला ठिम तोङ्‍यिन। ख्‍योरो ङला माज्‍यकुप ति लङ्‍गुप ताङ मातपुप ति ङकुप मी च्‍युर्वु यिन सिनी छ्‍या नोक।

लूका 6:37

“मी यम्‍बाला ठिम माकी, तमा कोन्‍छ्‍योककी साङ ख्‍यिराङला ठिम मिकितो। मी यम्‍बाला क्‍येन मातेर, तमा कोन्‍छ्‍योककी साङ ख्‍यिराङला क्‍येन मेतेर्तो। मी यम्‍बाला माफ बिन, तमा कोन्‍छ्‍योककी साङ ख्‍यिराङला माफ नङ्‍गितो।

रोमी 14:22

ख्‍योरो सेमला काङ तेपा क्‍यासिनाङ ती ति कोन्‍छ्‍योक ताङ ख्‍योरो पर्ला तिराङ ज्‍योक। खोरो सेमला शरुप दोके क्‍यानी रङला राङ क्‍येन मेतेरुप मी तीला मोलाम थोप्‍किवी।

रोमी 2:2

तुका लाका दुक्‍टा कितुप मीतिवाला कोन्‍छ्‍योककी टेङ्‍बु क्‍यानी ठिम क्‍या नङ्‍गिवी सिरुप ति दाक्‍पुला ल्‍यामो क्‍यानी छ्‍या वे।

रोमी 2:3

ख्‍युरुङ तुका लाका दुक्‍टा कितुपतिवाला क्‍येन तेर्किवी, यिने ख्‍युरुङ ति ती लाका दुक्‍टा राङ किवी सिसिन काङ ख्‍युरुङ कोन्‍छ्‍योककी पर्च्या नेसुर थर थुप्‍किवी रो?

रोमी 3:9

तुकै यिन्‍सिन दाक्‍पु काङ सिरुप? दाक्‍पु यहूदीतिवा यहूदी मिन्‍दुप मिरिक यम्‍बाकी मीतिवा सिनाङ टेङ्‍बु वे रो? तुकै मिन। यहूदी ताङ यहूदी मिन्‍दुप मिरिक यम्‍बाकी मीतिवा तेरी दिक्‍पी ओङला राङ वे। दी ताम्‍ङे ति ङे गोमाला साङ सिक्‍यायी।

रोमी 9:20

यिने, ओ मीतिवा, कोन्‍छ्‍योकला ख लोकुप ति ख्‍युरुङ सु यिन? ख्‍युरुङला ज्‍ये नङ्‍गुप तीला ख्‍योरो “ङला च्‍यिला तुक राङ जोवु यिन?” सिनी टि मुथुपी।

१ कोरिन्‍थी 4:5

तुक क्‍यानी ख्‍यिराङ कोन्‍छ्‍योककी ठिम क्‍या नङ्‍गुप सिनाङ गोमाला के सुला साङ ठिम माकी। चोवो येशू फेपुप पर सेक गुसा। दाक्‍पी सी साङ हाक्‍माकोवा क्‍यानी क्‍यावु लाका ल्‍यामु मेलोवा ति तेरी खोकी ठछ्‍येली थोङ्‍गिवी। मी सेमगी नोवातिवा साङ ठछ्‍येली छ्‍या देन्‍गिवी। ती पेला मीतिवा रे रेला कोन्‍छ्‍योककी “ख्‍यिरा छासे को छ्‍येसुङ।” सिनी सुङ्‍गिवी।

१ कोरिन्‍थी 7:16

पेर्मीतिवा, ख्‍यिराङला छ्‍या वे, येशूला तेपा कितुप पेर्मीकी खोरो तेपा माक्‍यावु ख्‍योवाला थर ज्‍यि थुप्‍किवी, तमा येशूला तेपा कितुप ख्‍योवी साङ तेपा माक्‍यावु खोरो पेर्मीला थर ज्‍यि थुप्‍किवी।

याकूब 2:20

ओ अम्‍बारङ्‍शिङतिवा, लाका मेतुप तेपा ति तेर्मे यिन सिरुप ति ख्‍यिराङ हाक्‍कोवु नोकिवी?

याकूब 4:11

ओ अच्‍युनुपतिवा, ख्‍यिराङ च्‍यिक ताङ च्‍यिककी तेन्‍दोकला ताम्‍ङे मेलोवा माकी। सी खोरो नुपकी तेन्‍दोकला ताम्‍ङे मेलोवा क्‍यानी क्‍येन तेर्किवे, तीकी कोन्‍छ्‍योककी नङ्‍गुप ठिमकी तेन्‍दोकला ताम्‍ङे मेलोवा कितुप ताङ क्‍येन तेरुप यिन। ख्‍यिरा ठिमकी तेन्‍दोकला क्‍येन बिन्‍सिन कोन्‍छ्‍योककी ठिमला सुङ्‍गुप दोके मिजी क्‍योङ्‍गुप मिन, ठिमकी तेन्‍दोकला क्‍येन बिन्‍दुप यिन।