रोमी 16:4 - कोन्छ्‌योककी सुङ

⁴ च्‍यिलासिसिन तिवी ङे थोक्‍ला खोप्‍राङ मिजी साङ बिन वे। ङ तिराङ मिन, यिने यहूदी मिन्‍दुप मिरिक यम्‍बाकी चर्चकी मीतिवा तेरीकी साङ तिवाला थुचिछे सिरिन।

रोमी 16:4 Iomraidhean Croise

यूहन्‍ना 15:13

रङगी दाल्‍जी थोक्‍ला खोरुङ राङ शेप सिनाङ मङ ङ्‍यिङ्‍ज्‍ये छ्‍ये ति मे।

लोमा छ्‍येतिवी लाका 15:26

पावल ताङ बारनाबासकी दाक्‍पी चोवो येशू ख्रीष्‍टकी थोक्‍ला खोप्‍रे मिजी साङ बिन वे।

लोमा छ्‍येतिवी लाका 15:41

तमा पावल ताङ सिलास सिरिया ताङ किलिकियाला कोरा ग्‍यकिन चर्चतिवाला तेपा रम्‍बु जोसुङ।

लोमा छ्‍येतिवी लाका 16:5

तमा चर्चकी मीतिवा तेपा रम्‍बु डोयी गल्‍नी ङ्‍यिमी टेङ फेलिन गाल।

लोमा छ्‍येतिवी लाका 9:31

तमा यहूदिया ताङ गालील ताङ सामरियाला वोतुप तेरी चर्चतिवाला लोदिमु ताङ रम्‍बु डोयी गाल। तेपा कितुपतिवा कोन्‍छ्‍योकला ज्‍यिवा क्‍यानी खोकी सुङला युकुप ताङ खोकी थु चाङ्‍माकी टोङ्‍गु ङ्‍येनी चर्चतिवा मङ मङ फरिन गाल्‍सुङ।

रोमी 16:3

ख्रीष्‍ट येशूकी कोर्ला ङे मुला राङ शब्‍ज्‍यी कितुप ङे दाल्‍जा प्रिस्‍का ताङ अकिलासला साङ टसी देलेक वोतो।

रोमी 16:5

तिवी खाङ्‍बाला जोम्‍बुप चर्चकी तेपा कितुपतिवा तेरीला ङे टसी देलेक वोतो सिनी सिसा। ङे ङ्‍यिङ्‍ज्‍येवु दाल्‍जा इपेनितसला साङ टसी देलेक वोतो सिनी सिसा। ती ति एशिया लुङ्‍बाला तेरी सिनाङ गोमाला येशू ख्रीष्‍टला तेपा कितुप मी यिन।

रोमी 5:7

ल्‍यामु वोतुप मी थोक्‍ला शेप ति मी चे चेयी वोज्‍यिवी, तमा टेङ्‍बु वोतुप मी थोक्‍ला शेप ति ललाइ ललाइ तिराङ वे।

१ कोरिन्‍थी 16:1

त कोन्‍छ्‍योकला तेपा कितुप यरूशलेमकी मीतिवी थोक्‍ला बुल्‍वा तेरुप कोर्ला गलातियाला वोतुप चर्चतिवाकी मीतिवाला ङे क बिन्‍दुप दोके ख्‍यिराङ साङ किसा।

१ कोरिन्‍थी 7:17

चोवो येशूकी मीतिवा रे रेला चुकै लाका नङ वे, कङगी थोक्‍ला कताङ नङ वे, ती दोके राङ मिजी क्‍योङ्‍शी। दी ति तेरी चर्चतिवाला ङे लापुप येन्‍देन यिन।

फिलिप्पी 2:30

च्‍यिलासिसिन तीकी ख्रीष्‍टकी थोक्‍ला शि राङ गोसिनाङ लाका क्‍यासुङ, तमा ङे थोक्‍ला ख्‍यिरा कि मुथुपु शब्‍ज्‍यी कितुपला तो मिसिन शिसुङ।

१ थेसलोनिकी 2:14

अच्‍युनुपतिवा, ख्‍यिराङ यहूदियाला वोतुप तेपा कितुप कोन्‍छ्‍योककी चर्चकी मीतिवी दोके लुमु सेतुप च्‍युङ्‍सुङ। च्‍यिलासिसिन यहूदियाला वोतुप तेपा कितुप मीतिवाला तेपा मिकिवु यहूदीतिवी छेटाङ बिन्‍दुप दोके ख्‍यिरा साङ ख्‍यिरा लुङ्‍बी मीतिवा नेसुर छेटाङ खुरिन वे।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।