रोमी 16:3 - कोन्छ्‌योककी सुङ

³ ख्रीष्‍ट येशूकी कोर्ला ङे मुला राङ शब्‍ज्‍यी कितुप ङे दाल्‍जा प्रिस्‍का ताङ अकिलासला साङ टसी देलेक वोतो।

रोमी 16:3 Iomraidhean Croise

लोमा छ्‍येतिवी लाका 18:26

ती ति यहूदी छ्‍योखाङ नाङ्‍ला गल्‍नी ङाडेङ क्‍यानी सुङ लप्‍किनोक। यिने तीकी लापुप सुङ थोनी प्रिस्‍किला ताङ अकिलासकी ती अपोल्‍लोस तीला येशूकी कोर्ला ल्‍यामु क्‍यानी हाक्‍माकोवु थोङ्‍नी तीला खोप्‍रे खाङ्‍बा टि वानी येशूकी सुङ टेङ्‍बुकी तेन्‍दोक ति ल्‍यामो क्‍यानी लाप्‍सुङ।

रोमी 16:10

तमा येशू ख्रीष्‍टला तेपा रम्‍बु वोतुप पङ्‍बु तेरुप मी अपेल्‍लेस ताङ अरिस्‍तोबुलसकी खाङ्‍बी मिछाङतिवाला साङ टसी देलेक वोतो सिनी सिसा।

रोमी 16:4

च्‍यिलासिसिन तिवी ङे थोक्‍ला खोप्‍राङ मिजी साङ बिन वे। ङ तिराङ मिन, यिने यहूदी मिन्‍दुप मिरिक यम्‍बाकी चर्चकी मीतिवा तेरीकी साङ तिवाला थुचिछे सिरिन।

रोमी 16:7

ङे मुला चोन्‍खाङला शोरुप ङे नाङ्‍बा एन्‍ड्रोनिकस ताङ युनियसला साङ टसी देलेक वोतो सिनी सिसा। च्‍यिलासिसिन तिवा लोमा छ्‍येतिवी पर्ला मिङ थोपुप ताङ ङ सिनाङ गोमाला येशूला तेपा कितुप मीतिवा यिनो।

रोमी 16:9

तमा ख्रीष्‍ट येशूकी कोर्ला ङे मुला राङ शब्‍ज्‍यी कितुप उर्बानस ताङ ङे ङ्‍यिङ्‍ज्‍येवु दाल्‍जा स्‍ताखुसला साङ टसी देलेक वोतो सिनी सिसा।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

रोमी 8:11

दोजो येशूला शेप ने ङोसु लोङ्‍गुप कोन्‍छ्‍योककी थु चाङ्‍मा ति ख्‍यिरा मिजीला ज्‍यु वोसुङ सिसिन, येशूला शेप ने ङोसु लोङ्‍गुप कोन्‍छ्‍योककी ख्‍यिरा मुला ज्‍यु वोतुप खोकी थु चाङ्‍मा नेमा ख्‍यिरा शेप जु साङ सेन्‍बु लोङ्‍गिवी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 16:16

ख्‍यिराङ तुका टेमु कितुप मीतिवा ताङ तिवी मुला राङ शब्‍ज्‍यी कितुप मी तेरीकी ओङला दे सिनी ङ ख्‍यिराङला ठाकुरे सिरिन।

१ कोरिन्‍थी 16:19

एशियाला वोतुप चर्चतिवाकी मीतिवी साङ ख्‍यिराङला टसी देलेक सिनी ताङ्‍नी वोतो। तमा अकिलास ताङ प्रिस्‍काले ताङ तिवी खाङ्‍बाला वोतुप कोन्‍छ्‍योकला तेपा कितुपतिवा तेरीकी साङ ख्‍यिराङला टसी देलेक सिनी ताङ्‍नी वोतो।

२ कोरिन्थी 12:2

येशू ख्रीष्‍टला तेपा कितुप मी मिरा च्‍यिकला ङे ङो शेकिवी। ती ति लो च्‍युप्‍ज्‍यी गोमाला तेरी सिनाङ येर देवाच्‍येन सेक तेक्‍नी गाल्‍सुङ। यिने ती ति जु ताङ डेके तेक्‍नी गलुप यिन्‍दे की, जु मेता क्‍यानी गलुप यिन्‍दे ङला छ्‍या मे। कोन्‍छ्‍योकला तिराङ छ्‍या वे।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

गलाती 1:22

ती पेला सेक ते यहूदियाला वोतुप चर्चकी मीतिवी ङला ङो माशेनोक।

फिलिप्पी 2:25

ङे नासामला इपाफ्रोडिटसला ख्‍यिरा ते तोङ गोवु ङे थोङ्‍सुङ। ती ति ङे नुप दोके क्‍यानी ङे मुला राङ लाका क्‍यासुङ, तमा लेन ल्‍यामु ख्‍याप्‍टाक कितुपला थमु ग्‍यकुप मक्‍मी दोके च्‍युङ्‍सुङ। तीकी ख्‍यिरा लेन ति ङला खुर्नी लेसुङ, ती ति ङला दाल्‍जा कितुप थोक्‍ला ख्‍यिरा ङे ते तङ्‍गुप यिन।

कलस्सी 4:11

युस्‍तस सिरुप येशूकी साङ ख्‍यिराङला टसी देलेक सिनी तङ वोतो। यहूदीतिवी पर्ला तिवा ति कोन्‍छ्‍योककी ग्‍येल्‍खापकी थोक्‍ला ङे मुला राङ लाका कितुपतिवा यिन। वुतुङ के तिवी ङला छासे टोङ्‍गु बिन्‍सुङ।

२ तिमोथी 4:19

प्रिस्‍किला ताङ अकिलास ताङ ओनेसिफरसला साङ टसी देलेक सिनी सिसा।