रोमी 16:2 - कोन्छ्‌योककी सुङ

² खोकी मी बङीला दाल्‍जा किटे क्‍या वे। तमा ङला साङ दाल्‍जा किटे क्‍यासुङ। ती तप्‍की खो वुङ्‍गुप पेला ख्‍यिरा खोला कोन्‍छ्‍योककी पुम दोके नासाम ताङ्‍नी गासो शुसा। खोला काङ रे च्‍यिक रे गोसिन दाल्‍जा किटे किसा।

रोमी 16:2 Iomraidhean Croise

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

लोमा छ्‍येतिवी लाका 9:13

तमा हननियाकी सिक्‍यासुङ, “चोवो, ती मी तीकी याङ यरूशलेमला देतुप तेपा कितुप मीतिवाला छासे मेलोक्‍पा किनोक सिरुप ति मी बङीकी ख नेसुर ङे थोसुङ।

लोमा छ्‍येतिवी लाका 9:15

यिने चोवोकी हननियाला सुङ्‍सुङ, “ख्‍युरुङ ग्‍युक! गल्‍नी ङे काङ सिक्‍यावे, ती ति की! च्‍यिलासिसिन शाऊल ति मिरिक यम्‍बातिवा ताङ ग्‍येल्‍वुतिवा ताङ इस्राएल मीतिवाला ङे सुङ ख्‍याप्‍टाक कितुपला पेतुप मी यिन।

लोमा छ्‍येतिवी लाका 9:36

योप्‍पा ग्‍येसाला तबीता सिरुप पुम्‍पेजा यी देकिनोक। तीकी मिङ ति ग्रीक ताम्‍ङेला डोरकास सिनोक। तीकी नरी लाका टेङ्‍बु तिराङ कितुप ताङ पेराङ्‍बुतिवाला साङ दाल्‍जा किनोक।

लोमा छ्‍येतिवी लाका 9:39

तमा पत्रुस तिवी मुला ते गाल। ते लेप्‍सिमा तिवी पत्रुसला येला तेला वोतुप कोठाला क्‍याल्‍सुङ। ते पेर्मी युक्‍सिमतिवा तेरी पत्रुसकी गारी गुरीला लानी ङुयी सिरा तबीता तिवी मुला वोतुप पेला तीकी चेम्‍बुप मज्‍यातिवा छ्‍या तेन्‍सुङ।

लोमा छ्‍येतिवी लाका 9:41

तमा पत्रुसकी तीकी लाक्‍पाला जिम्‍नी खोक लाङ्‍सुङ। ती ज्‍युक्‍ला तेकी युक्‍सिमतिवा ताङ तेपा कितुपतिवाला नाङ्‍ला कताङ्‍नी ती शेप ने सेन्‍बु लावु ति तेरीला छ्‍या तेन्‍सुङ।

रोमी 15:7

तुक क्‍यानी येशू ख्रीष्‍टकी कोन्‍छ्‍योकला मोवा कितुप थोक्‍ला ख्‍यिराङला सेमला लावु दोके ख्‍यिरा साङ च्‍यिककी च्‍यिकला सेमला लङ गोकिवी।

रोमी 16:15

फिलोलोगस ताङ युलिया ताङ नेरियस ताङ तीकी नुम ताङ ओलिम्‍पास ताङ तिवी मुला वोतुप तेरी तेपा कितुप मीतिवाला साङ टसी देलेक वोतो सिनी सिसा।

रोमी 16:23

गायसकी साङ ख्‍यिराङला टसी देलेक सिनी ताङ वोतो। खो ति ङ ताङ दे राङ वोतुप चर्चकी मीतिवा तेरीला ल्‍हटे कितुप मी यिन। ती ग्‍येसाकी टङ्‍गा चेक लङ्‍गुप मी इरास्‍तस ताङ नुप क्‍वार्टसकी साङ ख्‍यिराङला टसी देलेक ताङ्‍नी वोतो।

रोमी 16:6

मरियमला साङ टसी देलेक वोतो सिनी सिसा। तीकी साङ ख्‍यिरा थोक्‍ला टेमु क्‍यासुङो।

रोमी 16:9

तमा ख्रीष्‍ट येशूकी कोर्ला ङे मुला राङ शब्‍ज्‍यी कितुप उर्बानस ताङ ङे ङ्‍यिङ्‍ज्‍येवु दाल्‍जा स्‍ताखुसला साङ टसी देलेक वोतो सिनी सिसा।

एफिसी 5:3

यिने ख्‍यिरा पर्ला शम्‍डेन कितुप ताङ तेरी परकी लाका मेटेङ्‍बु कितुप ताङ देर्पा कितुप लाकातिवा क्‍युर। च्‍यिलासिसिन तुका लाकातिवा कोन्‍छ्‌योकला तेपा कितुप मीतिवी कितुप पोमु मेङ्‍गिवी।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 2:29

चोवोकी मिङला तीला छासे गा क्‍यानी गासो शुसा। तमा तुका मीतिवाला ताङ्‍देन किसा।

कलस्सी 4:10

ङ ताङ मुला राङ चोन्‍खाङला वोतुप अरिस्‍तार्खसकी साङ ख्‍यिराङला टसी देलेक सिनी तङ वोतो। तमा बारनाबासकी नुप मर्कूसकी साङ ख्‍यिराङला टसी देलेक सिनी तङ वोतो। ती मर्कूसकी कोर्ला गोमाला साङ ङे ख्‍यिराङला सिक्‍यायिनो। ती ख्‍यिरा ते वासिमा तीला ल्‍यामो क्‍यानी गासो शुसा।

१ तिमोथी 2:10

यिने किताङ नालु ल्‍यामु वुङ गोकिवी। तुक कितुप ति कोन्‍छ्‍योकला मोवा कितुप पुम्‍पेजातिवाला पोमु गिवी।

२ तिमोथी 1:18

चोवो फेपुप तुजेला खोकी तीला च्‍यम्‍बा नङ्‍शी। एफिससला वोतुप पेला तीकी ङला कशेन दाल्‍जा किटे क्‍यासुङ, ती ताम्‍ङे ति ख्‍युरुङला साङ छ्‍या वे।

तीतस 2:3

तुक राङ क्‍यानी मी गामातिवा किताङ नालु ति टेङ्‍बु वोतुप ताङ मी यम्‍बी कोर्ला ताम्‍ङे मेलोवा मिकिवु ताङ छ्‍याङ्‍गेले मेतुप ताङ चुका ति ल्‍यामु नोके तिराङ लोप्‍शी

फिलेमोन 1:12

ती ति ङे छासे ङ्‍यिङ्‍ज्‍येवु यिन। तन्‍दा तीला ङ ख्‍योरो ते तोङ्‍यिनो।

फिलेमोन 1:17

ख्‍योरो ङला वुतुङ के मुला राङ लाका कितुप दाल्‍जा यिन सिनी नो वोसिन ङला दोके क्‍यानी तीला साङ गासो शु।

२ यूहन्‍ना 1:10

दोजो मी ललाइ ख्‍योरो ते वानी येशूकी नङ्‍गुप दोके येन्‍देन मेतेर्वी सिसिन तिवाला खाङ्‍बा साङ गासो माशु, टसी देलेक साङ मासिर।