रोमी 16:12 - कोन्छ्‌योककी सुङ

¹² चोवो येशूकी थोक्‍ला छासे टेमु कितुप नुम तुर्फेना ताङ त्रोफोसाला साङ टसी देलेक वोतो सिनी सिसा। तमा नुम परसीसला साङ टसी देलेक वोतो सिनी सिसा। तीकी साङ चोवो येशूकी थोक्‍ला छासे टेमु क्‍यासुङो।

रोमी 16:12 Iomraidhean Croise

मत्ती 5:47

ख्‍यिरा रङगी अच्‍युनुपतिवाला तिराङ ताङ्‍देन किवी सिसिन ख्‍यिराङ मी यम्‍बा सिनाङ मङ काङ ल्‍यामु वे रो? काङ यहूदी मिन्‍दुप मिरिक यम्‍बातिवी साङ तुकै राङ मिकिवी रो?

मत्ती 9:38

तुक क्‍यानी सप्‍लेकी ज्‍यिन्‍दाक कोन्‍छ्‍योकला सप्‍ले दुतुप मीतिवा तोङ सिनी गोङ्‍बा शु।”

रोमी 16:11

तमा ङे छेङ्‍गा हेरोदियनला साङ टसी देलेक वोतो सिनी सिसा। तमा येशूला तेपा कितुप नर्किससकी खाङ्‍बी मीतिवाला साङ टसी देलेक वोतो सिनी सिसा।

रोमी 16:13

चोवो येशूकी खोरे थोक्‍ला शब्‍ज्‍यी कितुपला पेतुप रूफस ताङ तीकी आमाला साङ टसी देलेक वोतो सिनी सिसा। च्‍यिलासिसिन खोकी आमा साङ ङे आमा दोके राङ यिनो।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

१ कोरिन्‍थी 16:16

ख्‍यिराङ तुका टेमु कितुप मीतिवा ताङ तिवी मुला राङ शब्‍ज्‍यी कितुप मी तेरीकी ओङला दे सिनी ङ ख्‍यिराङला ठाकुरे सिरिन।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

१ तिमोथी 4:10

तीकी थोक्‍ला राङ दाक्‍पु हुर्ताक ताङ टेमु कियी वे, च्‍यिलासिसिन दाक्‍पी रेवा ति ङोसु वोतुप कोन्‍छ्‍योकला वे। खो ति मी तेरीकी कोन्‍छ्‍योक यिन, खोकी खक्‍छ्‍येवुला तेपा कितुप मीतिवाला दिक्‍पा ने थर ज्‍यिकिवी।