रोमी 16:10 - कोन्छ्‌योककी सुङ

¹⁰ तमा येशू ख्रीष्‍टला तेपा रम्‍बु वोतुप पङ्‍बु तेरुप मी अपेल्‍लेस ताङ अरिस्‍तोबुलसकी खाङ्‍बी मिछाङतिवाला साङ टसी देलेक वोतो सिनी सिसा।

रोमी 16:10 Iomraidhean Croise

रोमी 14:18

चुका मी तीकी तुका लाका क्‍यानी ख्रीष्‍टला शब्‍ज्‍यी बुल्‍गिवे, तीकी कोन्‍छ्‍योकला गा लोङ्‍गुप लाका किवी, तमा मीतिवी साङ तीला ल्‍यामु सिनी चिताङ किवी।

रोमी 16:3

ख्रीष्‍ट येशूकी कोर्ला ङे मुला राङ शब्‍ज्‍यी कितुप ङे दाल्‍जा प्रिस्‍का ताङ अकिलासला साङ टसी देलेक वोतो।

रोमी 16:7

ङे मुला चोन्‍खाङला शोरुप ङे नाङ्‍बा एन्‍ड्रोनिकस ताङ युनियसला साङ टसी देलेक वोतो सिनी सिसा। च्‍यिलासिसिन तिवा लोमा छ्‍येतिवी पर्ला मिङ थोपुप ताङ ङ सिनाङ गोमाला येशूला तेपा कितुप मीतिवा यिनो।

रोमी 8:11

दोजो येशूला शेप ने ङोसु लोङ्‍गुप कोन्‍छ्‍योककी थु चाङ्‍मा ति ख्‍यिरा मिजीला ज्‍यु वोसुङ सिसिन, येशूला शेप ने ङोसु लोङ्‍गुप कोन्‍छ्‍योककी ख्‍यिरा मुला ज्‍यु वोतुप खोकी थु चाङ्‍मा नेमा ख्‍यिरा शेप जु साङ सेन्‍बु लोङ्‍गिवी।

१ कोरिन्‍थी 11:19

ख्‍यिरा पर्ला कोन्‍छ्‍योककी थोङ्‍दाङला मी टेङ्‍बु मेटेङ्‍बु सु यिन सिरुप ति हाक्‍कोवुला तुका ताम्‍ङेतिवा वुङ राङ गोकिवी।

२ कोरिन्थी 12:2

येशू ख्रीष्‍टला तेपा कितुप मी मिरा च्‍यिकला ङे ङो शेकिवी। ती ति लो च्‍युप्‍ज्‍यी गोमाला तेरी सिनाङ येर देवाच्‍येन सेक तेक्‍नी गाल्‍सुङ। यिने ती ति जु ताङ डेके तेक्‍नी गलुप यिन्‍दे की, जु मेता क्‍यानी गलुप यिन्‍दे ङला छ्‍या मे। कोन्‍छ्‍योकला तिराङ छ्‍या वे।

२ कोरिन्थी 2:9

ङे सिक्‍यावु ति ङ्‍येन्‍गिवे मेङ्‍येन्‍वे ल्‍हापला ताङ ख्‍यिराङ खला ङ्‍येमु वोतुप मेतुप हाक्‍कोवुला राङ ङे ती यिकी ति ख्‍यिराङला टिवु यिनो।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

२ कोरिन्थी 8:22

तीतसकी मुला यम्‍बा नुप मिरा च्‍यिक साङ ङ्‍यिरा ख्‍यिरा ते तोङ्‍यिन वोतो। तीला ङ्‍यिरा थेङ्‍मा अलायी सेक तिन्‍नी ल्‍हासिमा छासे ङर्मा क्‍यानी दाल्‍जा कितुप थोङ्‍सुङ। तीकी ख्‍यिराङला छासे लो तेन्‍दुप तप्‍की मङ ङार छ्‍येवु गल वे।

गलाती 1:22

ती पेला सेक ते यहूदियाला वोतुप चर्चकी मीतिवी ङला ङो माशेनोक।

फिलिप्पी 2:22

यिने तिमोथी खोङ्‍तेर्मु वोतुप ति ख्‍यिराङला साङ छ्‍या वे। तीकी चुक क्‍यानी पुज्‍युङकी पपाला शब्‍ज्‍यी किवे, तुक राङ क्‍यानी ङ ताङ मुला लेन ल्‍यामु ख्‍याप्‍टाक कितुपला दाल्‍जा क्‍यासुङ।

१ तिमोथी 3:10

तुका मी ति गोमाला ल्‍यामु वोतुप मेतुप ल्हो, तमा क्‍येन मेतुप पङ्‍बु वोसिन तिराङ चर्चला ल्हाटे कितुप लाका किशी।

२ तिमोथी 4:19

प्रिस्‍किला ताङ अकिलास ताङ ओनेसिफरसला साङ टसी देलेक सिनी सिसा।

१ पत्रुस 1:7

ती छेटाङ ति ख्‍यिरा तेपा टेङ्‍बु वोतुप छ्‍या देन्‍दुपला यिन। ख्‍यिरा क्‍यावु तेपा ति सेर मे नाङ्‍ला र्‍हेनी ङोमा जोवु सिनाङ छासे खक्‍छ्‍येवु वोतुप तप्‍की येशू ख्रीष्‍ट फेपुप तुजेला ख्‍यिराङला खोकी ग्‍येल्‍खापला सोवा ताङ मोवा ताङ ताङ्‍देन क्‍या नङ्‍गिवी।