रोमी 15:7 - कोन्छ्‌योककी सुङ

⁷ तुक क्‍यानी येशू ख्रीष्‍टकी कोन्‍छ्‍योकला मोवा कितुप थोक्‍ला ख्‍यिराङला सेमला लावु दोके ख्‍यिरा साङ च्‍यिककी च्‍यिकला सेमला लङ गोकिवी।

रोमी 15:7 Iomraidhean Croise

मत्ती 10:40

“सी ख्‍यिराङला सेमला लिङ्‍गिवे, तीकी ङला खोरो सेमला लावु यिन। सी ङला सेमला लिङ्‍गिवे, तीकी ङला तोङ्‍गुप तीला खोरो सेमला लावु यिन।

मर्कूस 9:37

“सी दी आङा टिक्‍पे यीला ङे मिङला गासो शिवे, तीकी ङला गासो शिवी। सी ङला गासो शिवे, तीकी ङला मिन, ङला तोङ्‍गुप तीला गासो शिवी।”

लूका 15:2

यिने फरिसीतिवा ताङ यहूदी छ्‍योकी गेकेनतिवी मुक्‍तम देनिन सिरा दुक सिक्‍यासुङ, “दी मी तीकी याङ दिक्‍छेनतिवाला गा क्‍यानी तिवी मुला राङ देनी समा शेनोक।”

लूका 9:48

तिवाला सुङ्‍सुङ, “सी ङे मिङला दी आङा टिक्‍पेला सेमला लिङ्‍गिवे, तीकी ङला सेमला लिङ्‍गुप यिन। तमा सी ङला सेमला लिङ्‍गिवे, तीकी ङला तोङ्‍गुप तीला सेमला लिङ्‍गुप यिन। ख्‍यिरा पर्ला सु तेरी सिनाङ छ्‍युङा नोके, ती ति तेरी सिनाङ छ्‍ये यिन।”

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

यूहन्‍ना 6:37

ङे पपी ङला चेक तेन नङ्‍गुप मीतिवा तेरी ङे ते वुङ्‍गिवी, तमा ङे ते वुङ्‍गुपतिवाला ङ नाम्‍साङ लोक्‍नी मोतोङ।

रोमी 15:9

तमा यहूदी मिन्‍दुप मिरिक यम्‍बाकी मीतिवी खोकी नङ्‍गुप च्‍यम्‍बाकी थोक्‍ला खोला मोवा क्‍यासुङ। ती तप्‍की कोन्‍छ्‍योककी सुङला दुक सिनी टि वे, “तुक क्‍यानी यहूदी मिन्‍दुप मिरिक यम्‍बाकी मीतिवी पर्ला ङ ख्‍युरुङला सोवा देकिन। तमा ङ ख्‍योरे मिङला सोवा देकुप लु लङ्‍यिन।”

रोमी 5:2

दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

एफिसी 1:12

तुक क्‍यानी दाक्‍पु गोमाला नेज्‍युनी ख्रीष्‍टला रेवा कितुपतिवा तेरीकी कोन्‍छ्‌योकला मोवा ताङ सोवा देकुपला खोकी पेन नङ्‍गुप यिन।

एफिसी 1:18

ख्‍योरो सेम पेनी चुका रेवाकी थोक्‍ला कोन्‍छ्‌योककी ख्‍यिराङला कताङ वे, तमा खोला तेपा कितुपतिवाला खोकी नङ्‍गुप हलेवु मोलाम ति ग्‍यक्‍चे वे सिरुप ति ख्‍यिरा हाक्‍को थुप्‍शी सिनी ङ मोपोर कितिन।

कलस्सी 3:13

मी ललाइकी ख्‍यिरा तेन्‍दोकला लानी काङ रे च्‍यिक रे ताम्‍ङे क्‍यासिन ख्‍यिराङ च्‍यिककी च्‍यिकला हम क्‍यानी तीला माफ बिन। चोवोकी ख्‍यिराङला माफ नङ्‍गुप दोके ख्‍यिरा साङ माफ तेर गोकिवी।