रोमी 15:5 - कोन्छ्‌योककी सुङ

⁵ ती दाक्‍पुला हम क्‍यानी दे थुपुप ताङ टोङ्‍गु नङ्‍गुप कोन्‍छ्‍योककी ख्‍यिराङ तेरीला येशू ख्रीष्‍टकी क्‍यावु दोके च्‍यिककी च्‍यिकला सेम थिन्‍नी मिजी क्‍योङ्‍गुपला दाल्‍जा किटे किशी।

रोमी 15:5 Iomraidhean Croise

लोमा छ्‍येतिवी लाका 4:32

तमा तेपा कितुपतिवा तेरी सेम च्‍यिक राङ च्‍युङ्‍नी थिन देकिनोक। तिवा सी साङ खोप्‍रे नोर टोङ्‍बातिवा “दी ङे ति”, “ती ख्‍योरो ति” सिनी मिसिर्नोक। यिने तेरीकी खोप्‍रे च्‍यालकतिवा पिर्मा किनोक।

रोमी 12:16

तेरीकी मुला सेम च्‍यिक राङ जोनी थिन्‍नी दे, अम्‍बारङ्‍शिङ माकी, यिने मी ङ्‍याम्‍छ्‍युङतिवी दला शु। नाम्‍साङ ङ राङ येन्‍देन वोतुप यिन सिनी नो माकी।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 15:3

च्‍यिलासिसिन ख्रीष्‍टकी साङ खोरुङ तिराङ गा माक्‍या। ती तप्‍की कोन्‍छ्‍योककी सुङला दुक सिनी टि वे, “चोवोकी तेन्‍दोकला लानी बिन्‍दुप क्‍येन ति तन्‍दा ङला फोक्‍सुङ।”

१ कोरिन्‍थी 1:10

अच्‍युनुपतिवा, चोवो येशू ख्रीष्‍टकी मिङला ङ ख्‍यिराङला ठाकुरे सिरिन। ख्‍यिराङ च्‍यिक ताङ च्‍यिककी मुला थिन्‍नी दे। ख्‍यिरा पर्ला ख्‍ये पेतुप लाका माकी, यिने सेम च्‍यिक राङ च्‍युङ्‍नी दे।

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

२ कोरिन्थी 7:6

यिन्‍सिनाङ तीतस ङ्‍यिरा ते वासिमा यिछ्‍येतुप मीतिवाला टोङ्‍गु नङ्‍गुप कोन्‍छ्‍योककी ङ्‍यिराङला टोङ्‍गु नाङ्‍सुङ।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 2:2

ख्‍यिराङ सेम च्‍यिक्‍पा राङ च्‍युङ्‍गुप ताङ ङ्‍यिङ्‍ज्‍ये च्‍यिक्‍पा राङ कितुप ताङ नासाम च्‍यिक्‍पा राङ तोङ्‍गुप ताङ तेरी थिन्‍नी ङला कशेन गा लोङ।

फिलिप्पी 3:16

काङ यिन्‍सिनाङ दाक्‍पु दे सेक लेप्‍नी वे, तीला राङ रम्‍बु क्‍यानी मिजी क्‍योङ्‍गुप।

फिलिप्पी 4:2

इयोदिया ताङ सुन्‍तुखेला ङ छासे क्‍यानी गोङ्‍बा शोयिन, ख्‍यिराङ ङ्‍यिकर चोवोकी मीतिवा यिन्‍दुप तप्‍की थिन्‍नी देता।

१ पत्रुस 3:20

ती नम्‍शिङतिवी थल्‍माला नोआकी टु जोप पेला कोन्‍छ्‍योककी कला माङ्‍येन, यिन्‍सिनाङ कोन्‍छ्‍योककी तिवी थोक्‍ला हम क्‍यानी गुसुङ। तमा ती टी नाङ्‍ला शुवु मी मिरा ग्‍ये तिराङ छ्‍यु नेसुर र्‍होक्‍सुङ।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

२ पत्रुस 3:15

कोन्‍छ्‍योककी हम क्‍यानी गुनी देतुप ति दाक्‍पु दिक्‍पा ने थरुपला यिन सिनी नासाम तोङ। दाक्‍पी नुप पावलकी साङ कोन्‍छ्‍योककी नङ्‍गुप रिक्‍पा नेसुर ख्‍यिराङला ती ताम्‍ङेकी थोक्‍ला टिवु यिन।

२ पत्रुस 3:9

चोवोकी थाक्‍छ्‍येन नङ्‍गुप सुङ ति फिमु क्‍या नङ्‍गिवी सिनी ललाइकी सिक्‍यासिनाङ खो नाम्‍साङ फिमु मिकिवी। यिने मी सु साङ ना मोडोशी, तेरी मीतिवी सेम ग्‍युर्शी सिनी ख्‍यिरा थोक्‍ला खो हम क्‍यानी ज्‍युवु यिन।